سمعة البنت ولا سمعة الولد !!

[شفايف الليل]

مرحبا بجميع اعضاء المنتدى
انا لاحظت ان كل المواضيع اللي احنا منزلينها كلها محصورة على الشباب اغلاط الشباب
وافعال الشباب وغيرة وغيرة
انا اليوم بنزل موضوع عن (السمعة )
طبعا اول شئ وعلى طول اول ما نسمع كلمة بنت يخطر في بالنا انها عليها عباية سوداء وخمار اسود عدا ذلك من التصورات المتطورة
انها عليها عباية كتف مخصرة وتلبس برقع وعيونها وساع ومكحلة وكلها انوثة
وعدا ذلك من التصورات
بأختصار انها كل الذوق والانوثة والجمال
والله سبحانة وتعالى سخر البنت على النعومة والأحساس والرقة
بتلاقيها حنونة اكثر من الرجل وناعمة اكثر منة وريقة وسهلة الأيقاع
موضوعي يتكلم عن السمعة
مثل ما حنا عارفين ان الناس لين جت تحكي عن الولد كأن الولد عادي اي شئ يسوية عادي يقولون الود شايل عيبة دون البنت اقل خطأ او غلطة بسيطة تنبع عن شفافيتها وعفويتها وجب عليها الحكم بالأعدام
سؤال :
تصوروا معي ان بنت جالسة تكلم ولد بالجوال " ودخل عليها امها او ابوها والا خلونا انقول ابوها وعرف انها تكلم ولد بالجوال "
يا ترى تتوقعون شنو ردة فعل الأبو لم شاف بنتة تكلم ولد جيرانهم بالجوال ؟!!
سؤال :
وتخيلو ان ولد جالس يكلم بنت بالجوال "ودخل علية ابوة وهو يكلمها وعرف الأبو ان اولدة يكلم بنت بالجوال "
شنو ردة فعل الأبو من ولدة ؟؟!!
سؤال3:
تتوقعون ان ردة فعل الأبو لم يكشف بنتة تكلم ولد نفس ردة فعلة لم يكشف ولدة يكلم جوال؟؟!!
انا من وجهة نظري اعتقد ان الأباء انواع منهم المتفهم ومنهم الشديد ومنهم المتخلف ومنهم ..الخ
اذا كان الأب يلجأ الى اسلوب التفاهم اكيد ما راح اتكون ردة الفعل قووووية
اما تخيلو لو كان من التشددين في الاخلاق والدين شنو ردة فعلهم !!
ليش دايما البنت محاطة بالرقابة من قبل والديها اكثر من الولد
وليش دايما الناس تعتبر خلق البنت مثل خلق بقية اهلها او عائلتها يعني:
اذا كان مثلا البنت مؤدبة واخلاق وعال العال وكان اخوها داشر وراعي بنات وقلة ادب ومعروف بسمعة سيئة
دايما الناس يحطون في بالهم هذول ولدهم كذا وكذا اجل بناتهم كذا مثل اولادهم
ابذكر قصة لوحدة اعرفها :
والله البنت والأهل اخلاق اخلاق فووووق ما تتصووروون والبنت هذي بالذات محترمة ومختشمة ومتدينة نوعا ما وتغض النظر عن الأشياء اللي مهي بمستواها سواء مادي او عاطفياو معنوي الخ..
وكان عندها اخ الله يهدية ويسيرة على صراط مستقيم سمعتة لاحول ولاقوة الا بالله العلي العظيم
داشر اللهم لا شماتة واخلاقة فاسدة ...الخ
مرة اتقدمو لها ناس وتمت الخطبة وكل شئ وبعد اسبوع كذة تقريبا اتصل خطيبها بها وقل لها انا خلاص ابغى افصخ الخطبة لم قالت لة لية قل لها والله معروفة سمعتكم مهي بزينة واخوكم كذا وكذا
لحووول هو بيتزوج اخوها او اهلها والا هي ؟؟
اي قالت لة من هالناحية اخوي داشر وهذا الكلام المفروض ما تسمعة الحين المفروض قبل لا يصير شئ كان قالو لك اني كذا وكذا والا يمدحون قبل وبعد مايصير الشئ يذمون
قل لها انا قلت اللي عندي وخلص الله يستر عليك ويوفقك
قالت لة مشكور وما قصرت وجى منك اللي يكفيني ويوفيني
يعني وش ذنبها البنت اذا كان اخوها اعوذ بالله ...
لكني في هالحالة اعتبر ان الرجال اللي مثل هالشخص رجل جبان وعديم مسؤولية كفاءة واساس منو رجال
وانا اعتقد انة بغى ياخذ اللي يبغية وتركها بعذر اقبح من ذنب
ولكن البت الله وفقها باللي احسن منة وتزوجت وعندها الحين 3 اولاد

[سهر الهولندية]

[center]الذي يفرق بين الرجل والمرئة فهوة فية من تعصب الجاهلية لئن ديننا العظيم لم يفرق في العقاب والقصاص بين الرجل والمرئة وهذا يعني ان عليهم نفس الالتزام ولاكن عادات الجاهلية لا تزال تطغي على مجتمعاتنا وهم يسمحو للرجل بكل شيء ويحرمونها على النساء[/align]

[gamar]

[center]شفايف الليل ,,

موضوع رائع وحساس ,,
بس للاسف ماباليد حيلة ولانقدر نغير فيه شي ,,
لان هذا الواقع وهذي الحقيقة ,, اللي الكل يمشون عليها ,,
مثل مايقولون بالمثل ( شرف البنت مثل عود الكبريت ما يشتعل الا مرة وحدة )
اما الولد مهما عمل فهو يطلع مثل الشعرة من العجين ولايكون عليه ولا نقطة سوداء ,,
وهذا هو راس المشكلة فلو اقتنع الناس بان الشاب قد يؤثر في اهله بطريقة غير مباشرة لحلت المشكلة ,, ولكن ....

لذا فانا اؤيدك بالنسبة لموضوع السمعة فلايحق للولد ان يتحكم بمستقبل اخته بهذي الطريقة وان يربط مصيرها بافعاله ,, ولكن من يهتم فكل شخص لايهمه الا نفسه وكيف يحقق لها اقصى حدود المتعة ,,

ومقولة اعود واقولها ثانية ولن امل من قولها ,,,

كيف ننسى ان للبنت كما,,
للفتى ,, دقات قلب ووجيب ..
تعشق الحسن كــما يعشقه ,,
تتمنى مثل الغصن الرطيب ..
لو سألنا كل بنت رأيهـــــــا ,,
وتركناها بما تهوى تجيب ..
لأرحنا واسترحنا وانتهى ,,
حزن عمر وشقاء ونحيب ..
ولكن سوف نبقى حيث كنا ,, لا نتوب
نعشق التهويم ,, افيون الشعوب,,[/align]

[شفايف الليل]

مشكورة سهر على المرور والتعقيب

وقمر يسلموووووووووووو
لا تحرمينا من اناملك السحرية

[memo_ksa]

انا راي ان البنت تهتم بي سمعتها اكثر من الرجل لانها اذا غلطت فان غلطها لايتعدل يعني هيا مره وحده تغلط تروح سمعتها علي طول اما الولد مهما غلط وبعدين تاب يعتبر الامر منتهي وبي العكس تسير سمعته احسن من الرجل العايدي يقولو لانه تائب اما البنت فان الناس ما يغفرولها ولو تابت واستقامت .

[شفايف الليل]

البنت مثل الغشاء الشفاف

اقل الة حادة تصيبها تجرحها

شكرا للمرور والتعقيب