اسثلة سخيفة بنتعرض ليها كل يوم....تموت

[ميوتة الامورة]

فيه أسئلة بديهية مالهاش اي لزمة في الدنيا
بنتعرّض ليها كل يوم من كل الناس

خلـونـــا نشــوف أمثلة

***********

إنت في أوضتك .. على السرير وطافي النور ومتغطي
ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟

(( أظن ده مش وضع الرقص !!! واضح ان انا هنام ))
***********

انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتــواااااااااااااااا ؟

(( لا لسه ))

***********

والعكس : انت لابس هدومك و متأنتك و على سنجة عشرة وريحة البارفان واصله لاخر الشارع .. وخلاص بتفتح باب الشقة,, يجي حد من أهلك وينادي بصوت عالي : انت خااااارج ولاّ اييييييييييه

(( !!! لاء دانا لسه راجع ))
***********

أو مثلا راكب العربية ودوّرتها وخلاص هتطلع ... يجيلك لك البواب ويخبطلك على الزجاج,, انت بكل ذوق تفتح الزجاج وتقوله : خير في حاجة؟
يقولك : انت رايح الشغل يابيه ؟

(( لا.. العربية واحشاني ))
***********

مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون ؟


(( لا.. بتفرّج عليه ))
***********

مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك: هاه.. قاعد تذاكر ؟

(( تقوم رامي الكتاب و تقوله لااااااااء ))
***********

ربنا هاديك كده ... ماسك سبحة و عمال تسبّح ، يجي حد من البيت يعدي عليك ويقول: هوّه انت بتسبح ؟

(( لاء.. هفرطها و أسلقها ))
***********

ولاّ تعالــو شوفو قنواتنا واسئلتهم البديهية البايخة
برنامج اهداءات يتصل واحد يطلب أغنيه
ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟

(( لاء.. طالبها اخنق على نفسي ))
***********

أو مثلا في العيد

المذيع : هههههه هههههههه هههههه نتعرّف بيك
المواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه
المواطن : أقولهم كل عام وأنتم بخير

(( أكيد يعني مش هيقولهم البقاء لله ))

***********

,,,المذيعة الظريفـة : وياترى بقى هتعملوا ايه العيد ده هتقضوه ازاي ؟
أكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيّد عليهم و نقولهم كل سنة و انتو طيبين

(( سبتيله ايه يقوله يارخمة ؟ ))
***********

والأسخف بقى ... الشلل الكبير.. لما المذيعين يكلّموا الاطفال
يقول المذيع للطفل : إنت بتحب ماما وبابا ؟

(( يعني أساسي الواد لسه ما طلعلوش عرق الندالة علشان يقول لأ





باخر موضوووووووووووعى

انا نفسى بحاجة واحدة بس


اصحابى والبناويت الحلوين اللى زعلو منى موضوعى اللى فات يكونو رضو لانى قلتلهم رايى بصراحة وكان للمزح ناس اخدتو بجد وبردو هردلكو احلى موضوع ليكو يااحلى اصحاب



يارب يعجبكو موضوعى

[جولينار]

اول رد وموضوعك حلو جدا مثلك طبعا تقبلي مروري ياعسل

[na2na2a]

هههههههههههه...باين عليكى عصبيه قوى يا ميوته...مش بتطيقى كلمه من حد...خخخخخخخخخ...يعنى مثلا يا حبيبتى ممكن اخوك اللى بيقولك انت ح تنامى يكون كان عاوز يتكلم او يسهر معاكى واتفاجئ انك نايمه....وبرضه سؤال التليفون ..اكيد بيكون من حد عاوز يتكلم فيه...بس بصراحه معاكى حق فى سؤال البواب..هما البوابين كده..عندهم فضول فظيع ويحبوا يقعدوا على اساس كل حاجه...واسئلة المذيعين..فحدثى ولا حرج..احيانا كتيره بتكون سخيفه ومتخلفه وغبيه خصوصا لما بيسألوا الاطفال..وكأنهم بيفترضوا ان الطفل غبى مع انه ممكن يكون اذكى منهم ....عموما موضوعك دمه خفيف وزى العسل ولك احلى تقييم لما تتفك السمعات....

[zainaaaa2]

هههههههههههههههههههههههه
فعلا موضوعك هو الواقع
مشكورة ميوتة

[صوت الحق الليبي]

هههههههههههههههههههههههههههههههه ضحكتيني هلباااااااااااااااااااااااااااا فعلا في ناس بتسأل اسئلة غريبة في مواقف واضحة الله يحفظك ويخليك لاهلك وخليك ديما هكي ولا تغيري من طبعك الحلو وان شاء الله ديما فرحانة وربي يرزقك بشخص يخليك على طول سغيدة لانك تستحقي السعاااااادة

[§§ لميس §§]

حلوة و على فكرررررررررررررة د صحيح و من الواقع المعاااش ميرسي

[angels_dreams]

hhhhhhhhhhhhhh hh you are funny

[FяลώŁђ]

انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتــواااااااااااااااا ؟

(( لا لسه ))


ههههههههههههههههههههههههههه

انا هيك اللي يجي عندنا من الفرحه اسألهم انتو جيتوو

[***رشااا***]

عسل يا ميوتة
كنت فين من زمان

ليك مني احلى تقييم

[( ام محمد )]

كلام جمييييييييييييييييييييييييييييييييييل