يفز قلبي يوم أسمع بطاريك
يشتاق شوفك والعواطف شديدة
تنصت احاسيسي وانا بروحي أفديك
يوم ٍ تناظرني بنظرة وديدة
أهداب عيني تحتفي بك تراعيك
وانت الحبيب اللي أباه وأريده
وانته ملاذ القلب محد ٍ يساويك
وانته ملاذ القلب يا سيد سيده
حبك بقلبي دايم ٍ محتفل فيك
وشريان قلبي انت مجرى وريده
وردة حياتي تذبل ان غابت ايديك
وتزهر ليا من مدلي غيثك ايده
اطلب من الله خالق الكون يبقيك
للي بحبك يستزيد ويزيده
لو تجتمع كل العواذل وتشنيك
تبقى حياتي ياحروف القصيده
|