آه يمّه !!!!!!!!

[الحسنا]

آه يمّه والكلام يضيع في حضرتك يمّه
والثمينه عند طيبك؛شفتها ماهي ثمينه
وكل قمّه عند راسك لاحشى ماهي بـ قمّه
يـ الله انّك لاتهين الراس يـ الله لاتهينه
ودّي آحكي عن غلاك وخايف انّي ما اتمّه
فيك يمّه مايتم القول لو طالت سنينه
مايوفّي لو ألمّه وانثره وارجع ألمّه
الشعور المنتثر بالارض يا أرض السكينه
من نسم صدرك يضيع الورد يوم انّي اشمّه
آيمّه من نسمك البادية تصبح مدينه
آه يمّه كل جرحٍ بالحشا ماشلت همّه
خابر انّك تجرحين الجرح دوني تجرحينه
آه يمّه بس انا في خاطري حاجة مهمّه
اوعديني دمعك اللي فوق خدك تمسحينه
اتركي همّك ونا همّك على صدري بضمّه
مستعد اخسر حياتي بس ماشوفك حزينه
لاحظي قرب المسافة بين شرياني ودمّه
قلبك اقرب منّها للقلب؛ يومك تلمسينه
كيف؟ ماحبك ونا اللي كل ماقلت آه يمّه
تركضين بلا شعور وجرح قلبي تجرحينه[/center]

[طلول]

ما احلى كلماتك يالحسنا

[الشاعره: حساسه]

الله الله الله ولا أحلى من كذا
يعطيك الف عافيه وصح لسانك
ويضل هذا قليل في حق كل أم


وشكراااااااااااااااااا

[ضمير]

تسلم يالغالي على الكليمات الحلوه للأم الحنون الأم اللي الانسان لو يفعل اي شي لجلها
يبقى مقصر الله يخلي لكم كل امهاتكم وكل ابائكم ولا يحرمنا منهم ويطول بعمارهم ياااااااااااااااااااارب

تحياتي لكم
ضميـــــــــــــــــــــر

[مجد الامجاد]

الاخت الحســـــنا

الله يخليلك امك ويمد في عمرها
وتسلمين على هذه الروعه من
التعبير الصادق الصدوق فهذ الحب
الذى لايمكن للانسان ان يجامل اوينافق فيه



ولك صادق الود( مجد الامجاد)

[بحار نجد]

ايه يمه ليت فيني ما شعرتي به وأضمه ..... وانت يايمه بيدك عن فؤدي تبعدينه
من راحل غالي وانتي يا بعد عمري بهمه ..... والشعور اللي بقلبك لو كتمتي خابرينه
جعله بجنات ربي مجاور(ن)خاله وعمه ....... جعله بجنات خلد(ن) ينظر لجدي بعينه
والله اني كل ليله احلم بضمه وشمه ...... فاقدينه فاقدينه من دفنا فاقدينه
صورته بارض الكويت يوم قامو بالمهمه ..... يوم فرسان الحرس رجعو عز المدينه
كان بكتافه ثلاث نجمتين بجنب نجمه ..... كان واقف في شموخ وانشاما محاوطينه
ايه يا يمه رحل والحزن عنك يا يمه ..... احمله عنك يا يمه وانتي لاقد تحملينه
أعتذر عن اكمال القصيدة وأعتذر عن أخطائها فهي مرتجلة ولن اراجعها

[ملكة الرومانسية]

الحسنا

الله لايحرمك منها ... ويطول في عمرها ...

تعبير عن احساسك وحبك ... في قمة الروعه ...