تاكد قبل ما تزعل عليا ........ تثبت مثل مسلم والبخاري

[الـمـلـتـاع]

بســـم اللّـــه الرحمــن الرحــيم

انا داري واداري وانت داري .................... عن جروحي وظرفي واعتذاري

ولا كن التغلي فيس عـــــاده .................... وانا مليت من طول انتظــــــاري

تسمع قول عدواني وتزعـــل .................... حذاري يا بعد عمري حــــذاري

ترى العدوان نيتهم خبيثــــــه .................... يجيبون الغداري فالقمـــــــاري

تأكد قبل ما تزعل عليـــــــــاَّّ .................... تثبت مثل مسلم والبخـــــــــاري

الا يا طير صيدك لي تــــــردى .................... علامك وانت صياد الحبــــــاري

انا والله خطير ومتولـــــــــــع .................... وجاري الي من الاحباب جـــاري

وعيني ما تنوم الليل كلـــــــه .................... سهير الطرف وتهل العبـــــــاري

وانا الي ما بقالي الا ثوانـــي .................... من مجافاك واستدعي الطـواريْ

يشوفون العلاج الي يناســـب .................... قبل يكشف علي الاستشـــــاري

وانا اعرف من اشكيله همومي .................... الا من صارت الدعوه اجبــــــاري

اشاكي الي يعرفون المـــوده .................... مثل عزام والا ابو مشــــــــــاري

رجال لاانخيتبهم شفونــــــــي .................... رجال افتخر فيهم وامـــــــــاري

ابشكي عندهم ظبي ظلمنــــي .................... رماني بالمشوك والســــــــاري

وخلاني طريح في حبالــــــــه ..................... اصوت مير مالي من مــــــــداري

عليه الله وأكبر كل ماجــــــــا ..................... مع العذال له ذكر وطــــــــــاري

لعبي لعبة الكوره وسجــــــــل .................... هدف محسوب في بابي كوباري

لعبي لعب سامي فالبطولــــــه .................... غدا فوز البرازيل انتحــــــــاري

حذفني حذفت البايع بظاعـــــه .................... وهو مغلوب وسط يدين شــاري

يتل القلب مني تل طايــــــــــش .................... الا من تلله جيب سفــــــــــــاري

غزال شايف نفسه علينــــــــــا .................... تقول مرشح لمنصـــــــب وزاري

وله حق يتدلل ويتكــــــــــــــبر .................... مدامه للجمال اصبح يـــــــــداري

ولي حق اشتكي مدام قلبـــــي .................... يحب الزين رغبه واختيــــــــاري

وأختم الشعر بصلى الله وسلــم .................... على محمد عدد رمل الــــــذواري

..::..::.. أخواني أرجو من يقرأ هذه القصيده يكتب رأيه ..::..::..

..:: وشكـــــــــــــــــــــراً ::..

[بحار نجد]

صح لسانك اخوي ساهر

[الشاعره: حساسه]

روووووووووووووووووووووعه
وصح لسانك
كأنها هجينيه والا انا غلطانه الساهر

[الـمـلـتـاع]

صحت ابدانكم كلكم وهذي القصيده تراها شيله

[أبـوعبدالله]

هجينيه واختي الحساسه نود مشلركاتك

[ياناس ياهووووه]

غزال شايف نفسه علينــــــــــا ..... تقول مرشح لمنصـــــــب وزاري


ياسلام صح لسانك

تأكد قبل ما تزعل عليـــــــــاَّّ .... تثبت مثل مسلم والبخـــــــــاري

بصراحة كل بيت احلا من الثاني

الا هالبيت

لعبي لعب سامي فالبطولــــــه .... غدا فوز البرازيل انتحــــــــاري



تدري ليش



؟؟

علشاني نصراوي
خخخخخخخخخخخخخخخخخخخخخخ