"يا فلان..في خـاطري لك كلمة"

[تعــ قلبي ــب]

اشحالكم

ناس من زمان عنهم .. كانو احباب .. صاروا اغراب ..
تشوفهم صدفه .. من بعيد .. ودك تسلم ..
تسأل عن اخبارهم واحوالهم اللي ياما انشغلت فيها ..
فرحت لفرحهم .. حزنت لحزنهم ..خففت عنهم ..
كتمت اسرارهم ..وشاركتهم اسرارك ..
بس تهوِّن وتتذكر يوم الفراق ومرارته ..
مالك ويه تسلم .. وتكتفي بالنظر من بعيد ..



ناس خليتهم ..
ناس خلوك ..
ناس فرق بينكم الزمن ..
صداقه سنين مابقى منها الا الذكرى ..
ناس ودك لو الزمن يرد عشان تكلمهم وتقول اللي بقلبك ..
ناس صعبه توصل لهم ..
ناس راحو عن دنيتنا ..
ناس اختفوا ! ..



اختلفوا هالناس ويبقى سؤال واحد ..
فلان شخبارك ؟ ..



تدري انت .. كل شي بعمري فاتك ..



كلمه ودك تقولها لـ"فلان" ..
عتب ..
اعتذار ..
سؤال ..
كلام بقلبك وماتقدر تقوله لهم بويوههم ..




تقدر تقولها هني ..



وابتدي أنا ..
واوضح الفكره ..

يا فلان:مآ عرفت‘ الحب قبلڪ‘‘ .. مآعرفته إلأ معآإڪ

شدني للحب وصلڪ ~ شدني‘ لأحلى شبآإڪ


وإبتدت تحلى‘ سنينيً ، تڪبر‘ أحلآمي بعينيً


الله يآزينڪ حبيبي ويآ حلوؤ عمريُ بهوآإڪ
يآ معآإني الحب ڪلهآ ، يآ شهد بحر الغرآم

يآ دفآإ الاشوآق وظلهآ‘ ~ و أجمل حروف الڪلآم ‘‘

بإختصآإر انتآ غلآتي [ بيتي وشمعة حيآتي ] ~

فرحتي ڪنزي غنآتي / مآإلي في الدنيآ‘ سوآإڪ


ترى ممكن تكتبون اقل من جذيه بس هذا كلام في خاطري لي فلان

اتمنى ان الفكرة تكون عجبتكم
تح ـاتي
تعــ قلبي ـــب

[اميرة بقلبها]

عن جد الدنيا غريبة

تجمعنا وتفرقنا ولكن الاهم هو ان الحب يبقى

وتظل قلوبنا صافية وبيضا وما تحمل كرة وبغضاء

وتسلم ايديك على هالكلمات الرقيقة

[! طيف ابتسامة !]

مكرر

ينقل للمحفوظات