شروط اكتساب الجنسية الحمصية

[بيت هوفين]

شروط إكتساب الجنسية الحمصية
حتى تكتسب الجنسية الحمصية يجب أن تتوافر فيك الشروط التالية:

· الجنسية الحمصية هبة من الله سبحانه (و رفعنا بعضكم فوق بعض درجات) و الحمد لله على هالنعمة.

· لازم تكون مقتنع انو حمص مستقلة.

· لازم تكون كرماوي لإنو الكرامة إنتماء منفصل.

> · أن تكون مستعدا لأن تعييد يوم الأربعاء: يعني تصيف عالأخيرتمشي بعكس السير مثلا، تلعب الطابة بالشارع، تسبح عالشاطئ مع إنو ما في شاطئ عنا بحمص، يعني بدك تدبر راسك، يعني تخرج عن كل الضوابط و الأعراف المألوفة، فكل ما هو مألوف يجب تغييره يوم الأربعاء.

> · لازم تكون من العالم اللي بحبو أكلة المجدرة مع البصل طبعا إذا ماكنت هيك روح دور على غيرنا.

> · لازم تكون مطيع كتير لزوجتك لأنو الحماصنة مرضيين كتير يعني بدك تخفف شوي من رجولتك ..يعني تصير خروء شي 8 ساعات باليوم و مالك كلمة بالبيت!

> · بدك تكون ظريف كتير مع الموظفين لأنو عنا الموظفين بحمص حساسين كتير و بيزعلو أوام، يعني بدك تراجعهم بذوء و هدوء بدون ما تجرح مشاعرهم، و لا تنسى .. المعلوم!! اي اي المعلوم لأنو بلاه! مافي شي بيمشي لازم يكون عندك فراسة و سرعة بديهة و تعرف الشوفير اللي ماشي قدامك لوين رايح و كيف بدو يلف او بدو يضرب فرام و لا لاء!! لأنو عنا بحمص ما حدا بيعطي إشارة و كلو بيطحش على كلو!! و على فكرة لازم تزكرو كمان انو يشغلك العداد لأنو وين مارحت رح ياخد منك 50 ليرة لذلك فزكرو مشان يشغل العداد.

> · لازم تكون رئتك ملوثة بنسبة 99.999 % لأنو إذا كنت متعود على الهواء النظيف و العليل ما راح يمشي حالك عنا بتمرض بعدين بأمراض مزمنة لأنو عنا كل أنواع التلوث .. و الحمد لله، إلا إذا حبيت تسكن غرب حمص على ضهر القصير مثلا أو بالقرب من مرمريتا، فيمكن يمشي حالك و بيجوز تموت هنيك لأنو الحماصنة بس طلعو من حمص بموتو و طلع السبب انو عم يشمو برات حمص هوا نضيف.

> · لازم تحكي عالعريض، أما شو يعني عالعريض، فلازم تسأل مهران يوسف تبع برنامج سؤال عالماشي، و إذا حزرت إنت و عشرة كمان فراح يقسم الجائزة بيناتكن و غالبا راح يحجبها عنكم.

· و لا ننسى الأركيلة .. لازم يكون عندك نفس ماكن يعني شفيط نمرة أولى.

· ممكن تحصل على مرتبة الشرف إذا قتلت تنين حموية ..

> · أكيد بدك تحفظ شعار الحماصنة ... و هوي: الحماصنة الصقور الحرة .. نظرتهم حادة و مرة... و اللي بيحبهم مرة بيحبوه ألف مرة و مرة...
>
> و أخيرا و ليس آخراً: إذا وجدت هذه الشروط منطبقة عليك أو بإمكانك الوفاء بها، فأنت جاهز للـ جرين كارت الحمصي، و لحق حالك هالأربعاء لأنو كل أربعاء الشروط بتتغير!!....