رسائل فراق وزعل روعه اجمل مما تتخيلو

[عاشق شوق]

{{{{ رسايل فراق وزعل }}}}


طلعت روحي قد ما احاول أرضيك
والقلب حاول فيك قدر استطاعه
والعين باغلى دمع راحت تناديك
وتشكيك شكوى ميتين المجاعه
والله لو ادري ان هذه مواريك
وانك نويت تخون واثمن وداعه
ما كان صدقتك ولا جبت طاريك
يا واحد فرق بشملي وباعه
اخذت مني ما يهمك ويكفيك
اخذت كلي صدق ماهو اشاعه

=============

بسكت واخبي جرح قلبي عن الناس
مادمت ياخلي في بعدي تناسيت
افهم ترا مافيني شي من الياس
لاني عرف الحب صادق وحبيت
دام الغلا مع كل شخص له اقياس
مات الغلا من يوم عني تخليت

==================

عتبرني حلم عابـر في حياتك

اعتبر حبي سحــابة في سماك

اعتبرني من بقايــا ذكرياتك

اعتبرني شخص مـا يرغب لقاك

ابتعد واجمع مع غيري شتاتك

يوم صــار الغير هو غاية هواك

التسلي بالمشاعر من صفاتك

يـــا فقير الحب اتبع من غواك

روح دور يا عديم الذات ذاتك

بارخص الاسعار يخسر من شراك

================
قال ابي امشي
قلت عفوا على وين
قال بقفي
قلت مرواح جدي
وش صار يعني لابغيت تقفي
بأموت يعني لانويت بصدي
انا قوي الباس مانيب مسكين
واموت انا في شي اسمه تحدي


=================


أبتركك للغير منهو يسليك
وأببتعد وأنسى ماضي مسيرك

دامك هويت الغير فالله يهنيك
وأنا باعيش أذكر على الدوم خيرك

خلك معه خلك.. يمكن يراعيك
بس لاتجيني لامن خلاك وحب غيرك

===================


اعتلي يانفس واعقل ياخفوق
.وارقدي ياعين وارحل ياهوى
بنصحك ياقلب لايطويك شوق
روحته مع جيته عند سوى
من يحطك تحت لاتعليه فوق
ومن يحطك فوق يبشر لانوى
الكرامة مايوطيها امخلوق
والنجم لاطاح قالوله هوى

==================


حسبي عليك بجرح قلبي تمكنـت

ادخلت سم الغدر فيـه وجرحتـه

وانا نسيت اني عرفتك على النت

كنت اعتقدك اوفى عشير ٍعرفته

واثر الغلا زوّال ياسرع ماخنـت

كم واحد ٍ غيري بزيفـك عشقتـه


===============

نفسي عزيزه وافهم العلم لاهنـت

الـذل مايـوم ٍ بعمـري تبعـتـه

رفضت غيرك وانت بالحب مالنت

ياقرد حظي يوم غيرك رفضتـه

واذا الغلا يرجع على معرفة نت

انسى الذي بينـي وبينـك كتبتـه

===============

ودعتها واخفيت عنها دموعي
خايف تحس بحسرتي والتياعي
قالت فمان الله ونطر رجوعي
واشرت بالتوديع حال استماعي
ساكت ولا رديت ماهي طبوعي
من عبرتي تفرض علي امتناعي


=================

خل الجمال اللي بوجهك يسرك
لاصار قلبك من حلا الروح خالي
لاصرت ماترفا حبيبن يبرك
وش خانت العشره من اول وتالي
اللي وطا هالناس لازم يمرك
اصبر وشوف الوقت يثبت مقالي

===============

لاتنصدم لو شفت بعيوني الموت ..!!
قبلك اشوف الموت .. داخل كياني
تعبت ارتب لك من احساسي بيوت
تعبت افكر كيف قلبك رماني..!
لا تكسر أغصاني لجل تقطف التوت
ياخي دخيلك ماتلاحظ مكــــــاني ..؟!

=============


عشرة عمر معك انتهت وانتهينا
وآخر دقايقها دموع الوداعي
شيٍ طبيعي نفترق من بعضنا
فرقا وراها ما اظن اجتماعي
غرّت بنا الايام غصبٍ علينا
واستعجل المكتوب طوى شراعي
ورد المحبه فرّطت به يدينا
واصبح هوانا مرجعه للضياعي
لابد ما تنسي حدينا السنينا
والا بقلبي جروحه وساعي

==============


قالت فمان الله واقفت وانا اقول
متى علي يا زين تنوي الرجوعي
قالت وهي تبكي فراقٍ على طول
واهتز قلبي هزتينٍ تروعي
واقفت وانا حاير ما ادري وش اقول
حاولت اجامل وافضحنّي دموعي
ونيت ونه واحدٍ طاح مقتول
منها خفق قلبي وحطّم ضلوعي
من شاف حالي عقبهم قال لاحول
اسهر وحدي والخلايق هجوعي

==============

رص المشاعر بالحبر يا قلم رص
وبعد المشاعر باقي الحب رصه
قلبي يعاني وانت بالحب مختص
وانت اللذي عقلي بلافكار خصه
قصه غرام وكانت اكبر من النص
فها حبيب ساكن القلب نصه
اخر كلامي اطلبك ياقلم وص
خلو علاجي بالاشواق وصه

============

أنهنت في حبــك وانا حــر ما أنهان
والحــر ما يرجع لشخص يهينــه
والله احبــك حب والقلب ما خان
حا فظ عهوود الحب يومك تبينه !
بس للاسف ما أقدر على حب خوان
يمشى يشيل اسمى وباجر يهينه !!!

===============

لا همني قربك ولاهمني رضاك
والله ولا ذكري بقلبي تجيبك
الصد عندي من بقايا عطايات
لا بوك لابو كل طاري يجــــيبك

================

كفي دموعك مال للاحزان ميعاد
مادام هذي رغبتي فاهجريني
انتي سراب وكلمة الحب تنعاد
ماودي احرج خاطرك وافهميني
نفس الظروف ووقتنا كله عناد
ابلتمس لك عذر واعذريني

===================

مجبور نضحك يازمن العجايب ....
دام البشر صار بوجه وجهين....
غصب علينا نبتسم للمصايب.....
دنيا نسايرها على العسر واللين....
منها بكى طفل صغير وشايب....
وياما ضحك منها عليها مجانين....

===================

شفت المقفي وربي ما أتبعه لو خطوتين
وأصبعي وهواصبعي لامن غدرني أبقطعه
بأسألك سؤال واحد والجواب بكلمتين
لاصار قدرك والهوي خصمين من تاقف معه
ياخي عز الكرامه وانت دايم مستهين
ياخي ضرسك لو يعورك بذمتك ما تشلعه

===================

فجري اللي تبينه من غيابك وغيبي
اصلا القلب ..ما بقى به شظايا !!
واتركي لي جروحي جعلها ما تطيبي
ولاتخلين عندي ..منك اية.. بقاياا !!
غلطتي واحتملها يوم اعامل بطيبي
واحسب الناس مثلي واضحين النوايا..!!

===================


((يابنت...ياللي كل همك غرامي
الظاهر انك ..جاهله بالعناوين

كم قلت لك هالحب ماهو مرامي
روحي اكيد انك بدالي تلاقين ..!!))

===================

خلاص يكفيني معاناة وياك
ارحل وبرحل مابقا شي فيني
اتعبتني وياك واتعبني رضاك
واتعبت قلبي ياشقاي ونيني
محدن ترى فيني يسوي سواياك
محدن غيرك اهمومه تجيني

===================

لو الزمن مره يجينى على الكيف
مقدار ما يفهم لبيب الا شاره
بشرت غلطا تى بحسن التصاريف
واخذت من نفسي لنفسي بشاره
وش يحرج الرجال غير المو اقيف
اللي تنزل هيبته واعتباره
والله لو تعرض رقبتى على السيف
أهون علي من الندم والخساره !!!

===================

ماكنت شي وشلون ازعل لفرقاك
عادي وجودك كان وان رحت عادي
جايز اكون اول تعاطفت وياك
لكن فبالي كان تركك وكادي
لاتنفعل لاتثور لاتبرر خطاك
ماينفع الغرقان مد الايااادي'