يحق لك

[مغرور بك]

يحق لك ياللي علينا تغلين
يعني طبيعي لو تغلى علينا
لنك ملاك الزين ياشيخه الزين
وبعيونك الثنتين شاطي ومينا
شمس بخدودك تضوي يسار ويمين
تسطع على خدك وذاك الجبينا
ماهو جمال الا وربي جمالين
جمال روح وزين مايستهينا
ربي عطاك عيون سودا ورمشين
ويالله عسى يحميك من كل عينا
والمبسم اللي لامع بين خدين
من صغره آبسألك وش تاكلينا
بسم الله وماشاء الله بتخزي العين
سحر الصفات الفاتنه تجمعينا
بين الحلا والزين مقسوم قسمين
برستيجك العالي وبيض اليدينا
"اللوك" روعه وبالاناقه تحدين
مابه مثل كشختك واحلف يمينا
"اي نيد يو" طول الليالي تنادين
بإسمي واسم حبك وسري دفينا
"افكورس" حطمتي قلوب الملايين
"ايام شور" احلى بني آدمينا
"دفرنت" ماظنيت مثلك تلاقين
حتى القمر يشبهك ماتشبهينا
للزين فيك "قروب" عذب محبين
غنج وحلا حصري معك تملكينا
طبيعتك حلوه يابنت السلاطين
من دون مكياجك كذا تهبلينا
فتنه بلا"ميك آب" وانتي تعرفين
اقل كلمه في وصايفك زينا
تبطين يابسكال من جد تبطين
ماانتي باحلا منها ريحينا
وش جنبك اليسا ونانسى ودارين
وش عندك برتني وش الجاكلينا
وإنتي على كل الاسامي تغطين
جمالك الصارخ معك تفرضينا
باق البشر مابين خلق الله وبين
وبزينهم يبقون متواضعينا
ولوللحلا استفتاء من ناس ثانين
حضرتك "توب التوب" في كل حينا
ثلثين زين الكون فيك إنت ثلثين
واللي بقى ثلثن على العالمينا
جنان يوم إنك من النوم تصحين
وجنان حتى قبل لتصحصحينا
في مشيتك سحرك وخطواتك تزين
غزال شارد يطرب الشاهدينا
وان شافتك بنت العرب تلعن اثنين
الحظ مع ساعه بها تصادفينا
من قو نار الغيره تصير نارين
وانتي على كل البني تفرقينا
عادي لو انتي بالمفاتن تباهين
سنيورتن بالزين تتفاخرينا
يحق لك تفخر بنفسك وتدرين
رضينا وإلا عمرنا ما رضينا
غصبن على الكل يوقفون وتعدين
لانه اللي شافك بتسحرينا
ياطهر من الماء في رياض البساتين
وازكى من النرجس مع الياسمينا
قمه على قمه ومن يشبهك مين
في ذمتك من يشبهك علمينا
ياليتني واعيش لأجلك زمانين
وحبك معي يبقى وموجود فينا
ياسيدي وياسيد كل المزايين
آمر وحنا لامركم حاضرينا
وتقبلي مني تحيات غالين
عنوانها اصدق شعور وحنينا

[خاطــــــوف]

يحق لك ياللي علينا تغلين
يعني طبيعي لو تغلى علينا
لنك ملاك الزين ياشيخه الزين
وبعيونك الثنتين شاطي ومينا
شمس بخدودك تضوي يسار ويمين
تسطع على خدك وذاك الجبينا
مغرور بك
تحيه وتقدير لهذه المشاركه الجميله
اختيار وانتقاء رائع للطرح وهذا من ذوقك
يعطيك العافيه اتمنى لك التوفيق
تحياتي

[هاااايم]

بيتين ولا اروع ومن ثم تحولت للوصف الذي لم يساعد النص بالشكل المطلوب لك كل احترامي اخي مغرور بك وابنتظار جديدك

[دفئ الحب]

رائـــــــــــــــــــــــ تقبل مروري ـــــــــــــــــــــــــــــــــــــــــــــــع