(( شكــــــــــــــــوة المظلــــــــــــــــــــــوم ))

[ضمير]

لو يشتكي المظلوم وش بيدينه = من يرحمه لا هلت عيونه دموع
من يسمعه لا باح خافي كنينه = من هو يرد القلب لا صار منزوع
مهما شكى قلبه وعقله وعينه = شكواه ما ماتنفع ولا هو بـ مسموع
ربي على خافي همومه يعينه = قلبه غدا في روض الهم مزروع
زرعه ذبل من قبل وقته وحينه = صارت حياته هم وآلام ووجوع
يوم انقطع حبل الرجى في يمينه = يسحب ولاكن حبل رجواه مقطوع
ما عاد باقي كود ذكرى حنينه = في خافقي برق الرجى عنه ممنوع
هذي معانات القلوب الحزينه = مهما يصيح اليوم ماني بـ مسموع

[ضمير]

شكوة المظلوم مني ( ضميـر ) للجميع قصيده اتمنى تنال على رضاكم

[الصــــمت]

صح لسانك الضمير


دايم الابداع يعجز لسان عن اعطاه حقه


الضمير ابداعك ماله حدود فلا تحرمنى منه


يوم انقطع حبل الرجى في يمينه

ولاكن حبل رجواه مقطوع


.................................................. ........

الصمت

[ضمير]

مشكور يالصمت على المتابعه الدايمه منك لي
والله مدري شلون اكافئك
ونشالله اقدم لكم الاحسن والافضل والله يقدرني على هالشي

[ملكة الرومانسية]

هذي معانات القلوب الحزينه = مهما يصيح اليوم ماني بـ مسموع


ضمير


كلمات وابداع

وتصوير لحال المظلومين رائع ...

واحساسك بحالهم أروع وأروع ...

نتمنى ان لا تحرم اعضاء عالم الرومانسية ولا ضيوفنا

من ابداعاتك