هاذي بنات اليوم برقع وجوال

[راس مالي مليون]

هذي بنات اليوم برقع وجوال**ولاعباية كتف هم يلبسوهــــــــــــا

والراس فوقه طرحه مع الشال**حتى الخصال الطيبه افقدوهــــــا

يوم البنات اللي غداسبت اهمال**ويوم السبايب اهلها هملوهـــــا

الام نامت والابو صار تمثال** والبنت راحت وين مايسالوهـــــــــا

باليل تسهربين هاتف وجوال**ولاعلى دش الفلس سهروهــــــــا

اقفاي مابين الاسواق واقبال**بلاغرض راحت ولاانشدوهــــــــا

اللبس تلبس كل مايطرب البال**وفلوس لوتنقص عليهاعطوهـــــا

من شافها باللبس ياساتر الحال**يسبها ويسب من خلفوهـــــــا

كومة لحم وعيون والرمش قتال**ويلامشت كل الشباب اتبعوها

وين البنات اللي بهم تضرب امثال**ليت السلوم الطيبةماتركوها

البنت زين البنت لازانت الحال**ماهو بلبس ولاعلوم خذوهــــــــا

وين المراجل مابقى غيره ارجال**ليت الشوارب واللحى حلقوها

اللي على عاره رضى الذل ينقال**ليت الكرامه ليتهم يرفعوهـــا

ماعاد ينفع قول فيها ولا قال**لا الأم والله ولا الأبو انفعوهــــــا

أصبح ضياع البنت بسباب جوال**البنت ضاعت والأهل ضيعوهــا