يوميات رجل متزوج

[الملاك الضائع1]

منقول للمتعة والضحك والرجاء عدم الاستياء من الزوجات الكريمات.
لإضافة نوع من التغيير والمتعة في المرح في نفس الوقت
أعجبتني اليوميات هذه ولسنا ببعيد منها اقصد السادة المتزوجين
تقبلوا احترامي أخوكم الملاك الضائع




هههههههههههههههههههههههههههههههههههههههههه.ياحليله والله اللي كاتبها..متتت من الضحك..


يوميات رجل متزوج




ياعااااااااالم قسم راحت حياتي أوراق صغيره .. جيوبي مليانه .. كل ظهريه وبعد صلاة العشاء ، طيب يازوجتي العزيزه فيه شي اسمه دمج ( رئاسة تعليم البنات بكبرها دمجوها ) ماتدمجين انتي ورقة مقاضي الظهر مع ورقة مقاضي الليل ونفتك من هالقلق اليومي ..

المشكلة وشي ... المشكلة إني اقرأ طلبات مالها داعي بس مجبور اجيبها ... دراق / طماطم/ بقسماط/ برغل / واخرتها مانلقاعلى السفره الا كبسه وان سوينا نفوسنا كنديين حطينا فجل هههههههههههههه طيب البقسماط والصولجان وبقية الاسامي الصعبة لمين طبعاً لخواتك اذا جوا يوم الربوع وانا ياغافل لك الله طقني الجوع مع ابوشايع وابوعبدالله وان سوينا فيها فجور وكااااااش أرسلنا حنيف يجيب بروستد وتهاوشنا على الثوم ههههههههه والمدام مع خواتها يتنعمون من خيري ومن تعبي ومطامري في البقاله مع ورقة المقاضي

مره سويت فيها ذكي وبعد ماقضيت لزوجتي يوم الربوع قلت بروح للشباب .. وأطب على المدام بدري واحصل خواتها عندها وتوهم حاطين العشا ... يلعن ام الكااااارثه .. اخيرا شفت ورقة المقاضي صدق .. لقيتهم حاطين سفره بدايتها في المقلط ونهايتها عند ساكو اللي ورا حلبان الى درجة انهن حاطين سيكل جنب السفره علشان اذا وحده بغت صحن من طرف السفره يمديها تجيبه .. والقا لوحه مكتوب عليها ( السلطه 60 كلم ) ههههههههه قسسسسم بالله مافيه شي ماهوب على السفره ماناقص الابطل بلاك .. الى درجة اني رحمت الامير سلطان يوم شفت سفرتنا ههههههههههههههه

المشكلة ان زوجتى تعاملني على اني ابلة تدبير وعندي خبره وانا والله ما افرق بين الملوخية والكزبرة تقوم تكتب لي مره في الورقه كيلو كنافة كذابة هههههههههههه قسم تروعت وش ذا الكنافة الكذابة , انا اعرف الصادقه يوم اعرف الكذابه .. واروح البقاله مالقيتها اتصلت بصديق قال رح لمحل حلويات .. واروح وانسى اسمها وأقول لراعي المحل عطني كنافه نصابه هههههههههههه ناظرني باحتقار وعطاني اشكل بدل مايعطيني كنافه .. في الأخير رحت عنده وقلت ياااخي معليش انانسيت اسمها بس انها كنافه ماهيب مضبوطه يعني كنافه كافره وبتروح النار ضحك قال قصدك كنافه كذابه قلت ايييييييييه هذي بنت الكلب ابي منها كيلو .. زحمه وكنافة كذابة واخرتها قطعة خبز لاعبين علينا وحاطين عليها شيره هههههههههه ..



وكله كوم ويوم خذت اختي في المدرسه طريقة عمل المكرونه بالبشاميل سرى يومنا ماغير ناكلها الى درجة ان ابوي اضافها في دفتر العايله لانها صارت جزء من العايله ووحده مننا .



الله يحفظ الوالده .. ورقة المقاضي حقتها ماتتغير علشان كذا مانرميها انا حاطها في المفضله لانها هي نفس الطلبات كل يوم بصل/ طماط/ رز/دجاج/خبز/ واذا بغت تسوي نفسها كيوت استبدلت البصل بثوم واذا ملينا وبغت تجدد فيها حطت الرز قبل البصل والخبز قبل الطماط والله اني عشت عمري كله وانا نفسي اكل شي جديد وخاصةً ذا اللي يقولوه اومليت الى درجة اني سكنت في فندق مره علشان لقيت في القائمة اومليت مادريت انه بيض الله يلعنهم



المشكله ماعندهم رحمه ... درجة الحراره في عز الصيف الف وانت تطامر من محل الى محل وبمعية سموك ورقة المقاضي لو تجيب العثيم كله وتنسى شي بسيط قامت القيامه ولازم ترجع وانت اصلاً شرير ولاعمرنا شفنا منك شي يابخييييييييييييل .. وياعيني على استخدام التقنيه .. ورقة المقاضي صارت من العصر الحجري الحين تجيك المقاضي مسج على الجوال والله اني ابغا اصيح اذا قريت رسايل جوالي ورسايل جوال اخوياي العزوبيه .. كل رسايلهم ( عندما تشرق شمس يوم جديد اذكرك .. ) ( كفاني ان جنح الليل يغشاني ويغشاك .. ) ( الله على الجمس لولا وراد الستين ) << رسالة داخله بالغلط خويته ابوها شريطي ههههههههههههه وانا تعال شف رسايلي ( حليب سريلاك .. ) ( ارجع بدري نبي مويه ) ( وانت جاي جب اعواد اسنا ن ) اعواد اسنان في نص الليل الله من الاعذار بس

وماقطع قلبي ونكد علي حياتي الا اذا طلبوا تسالي .. تجيب برنقلز قالوا نبي جحا .. تجيب بنكهة الكاتشب قالوا نبي بالخل والليمون .. تجيب رقاق الورده قالوا نبي رقاق غوار .. تجيب صلصه قالوا نبي ماجي .. بس خل عنك والله صار عندي خبره ولاخبرة رابحه وانا والله من اول كنت احسب البندوره هي البطاطس ههههههههه

مناسبة هالموضوع اني رحت اليوم بعد صلاة الجمعه ومعي كالعاده رفيقة دربي ورقة المقاضي طولها حوالي 7.12 متر ويوم دخلت العثيم والقا زحمه وانا اللي تصعب علي نفسي واتمرد واشق ورقة المقاضي وارسل للمدام رساله اقولها اني تمردت وقطعت الورقه ... جزاها الله خير تفهمت الموضوع بشكل حضاري وهذا انا اكتب لكم الموضوع من مقهى ههههههههههههههههههه

[n_senawe]

يسلموووووووووووووووووووووووو

[محمد فطافطه]

يسلمووووووووووووووو

[لمسات عاشق]

iiiههههههههههههه..

يسلمو ..
يعطيك العافيه..