[DR-KERO]

نورت أخي كيرو الدردشه؛؛ و أنا سعيد لأني أجدد مره أخرى تواصلي معك لأنك عضو نشيط.. فعال و تملك شخصيه لامعه و براقه[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

مرسى اوى يا فيصل و انتا عارف غلاوتك عندى قد ايه و انا اسعد منك بجد انى اخيرا تواصلت معك

1--- ما هو الشيء الذي يجعلك تشحن بطاريتك الذاتيه لتواجه يومك؛؛ بمعنى آخر مالذي يحفزك لتواجه أي عقبه في حياتك لا قدر الله؟؟

بشرب نسكافيه الصبح و انا كمان بتمتع بصفة حلوة اوى ... البرود ... هههههه

2--- ما هي الحكمة التي تأسس عليها منهجك في الحياة عامة وفي تعاملك مع محيطك الاٍنساني؟؟

طنش تنعنش و كبر علشان تعرف تفكر

3--- أعرف أنك تعشق الجمال عند الجنس اللطيف[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] لكن في حالة أن وجدت عند فتاة أحلامك نسبه متواضعه من الجمال؛؛ فماهي الصفه التي ستجعلك لا تنظر بأهميه للشكل الجمالي في سعيدة الحظ؟؟

مممممم ايه السؤال المحرج ده هههههه بس انا الشخصية تهمنى يعنى انا احب البنت الذكية اوى

4--- أنت شاب محبوب من طرف الجميع[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] فماهو سلاحك للسيطره على تفكير الأنثى؟؟

مرسى اوى
لول لا يعنى الموضوع مش بالظبط كده بس هو ممكن تقول ان انا مش خجول و بعرف اتعامل مع كل انواع البنات ده غير شوية الخفة و الرخامة بقى هههههههه

5--- لو حكم عليك اصدقائك تعمل تاتو أو وشم؛؛ فماذا سترسم و في أي منطقه ستضعه؟؟

لا يا عم وشم ايه انا مش بحب الحاجات دى بس لو مجبر هايبقى على دراعى علشان ابين عضلاتى و هاكتب kero و غير كده مش هارضى هههههه

6--- أذكر لي أفضع مقلب أتعمل فيك و آخر مقلب عملته في شخص ما؟؟

احلى مقلب اتعمل فيا كنت فى رحلة مرة و انا كنت قاعد على الكنبة الى ورا فى الباص و كنا بليل اوى على الساعة 3 او 4 الفجر و الدنيا كانت حكل و انا كنت نايم و هما نزلوا على استراحة على الطريق كل الى فى الباص الا انا و اتفق 3 من اصحابى و كان معاهم وشوش مرعبة و عبيات سودة و لبسوها و اتنين قعدوا جنبى و عملوا نفسهم نايمين و واحد جه من قدام و صحانى و قعد يخوفنى و انا بقوم الاتنين الى جنبى على اساس انهم ينقذونى لقيتهم زيوا ههههههه يوميها قطعت الخلف بس قعدت اضحك لحد الصبح

و اخر مقلب عملته هنا فى كل اعضاء المنتدى و كل الاعضاء شربوه
فى موضوع تعرف على فنان هنا فى القسم لخبطت صورتى و حطيتها و الاحلى بقى ان كل الاعضاء شربوا الموضوع و حتى المشرفين و فى الى قال انى عمرو دياب و الى قال احمد عز و الى قال الواد قماح
المهم انا اتظبط فى اليوم ده اوى ههههههه رفعوا معنوياتى

7--- لو لم تكن طالب طب أسنان ماذا كنت تتمنى أن تصبح في المستقبل؟؟

مهندس زى والدى و غير انا اساسا من و انا عندى 4 سنين املى ادخل كلية الهندسة

8--- نجاحك في حياتك الحاليه يعتمد على كم نسبة حظ و جهد؟؟

هو النجاح حاليا مش زى زمان بسبب قلة المجهود علشان كده هاقول 30 % حظ و 70 % مجهود

9--- عندما تتخد أي قرار؛؛ هل تتخده بشكل حسابي أي منطقي أم بدافع العاطفه؟؟

هو لو انا متسرع فى الموقف بيبقى اكيد حسب العاطفة لكن فى الغالب بفكر قبل اى قرار اخده

10--- لو عينت كرئيس لكلية طب الاسنان؛؛ فما هو أول قرار جدي سوف تتخده؛؛ و أذكر أي قرار ستنفذه و يكون من وحي الدعابه [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] ؟؟

يا ريت اول قرار هاخده انى هانقل مكان الكلية و اخليها فى نص الجامعة لان احنا كليتنا للاسف محدوفة فى اول الجامعة خالص و تقريبا لا ترتبط باى كلية الا كلية طب فقط علشان كده نفسى اخليها جنب تجارة و زراعة و علوم علشان نروح نصيع معاهم هههههههه
و القرار التانى محدش هايسقط خالص فى الكلية و لا هايشيل مواد و الطلبة ليها الحق فى اختيار المواد ههههههه علشان الواحد اتخنق كده خلاص و الطلبة ليها الحق فى طرد و رفد الدكاترة لوووووووول (يا فرحتنا يا خالد)



أتمنى أنه أسئلتي تنال رضاك [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

اسالتك جامدة جدا يا فيصل بس علشان خاطرى ابقى افتح الخاص عندك
و شكرا على اسالتك