[nansi71]

ما خفيته بقلبك ينقـرى فـي عيونـك -- لا تحاول تخفّي لوعتـك فـي سلامـك
انت ما انته وطبعك ما تبلـور بلونـك -- تبتسم لي وحزنك ينعرف مـن كلامـك
كل شي فيك ينطق حتّى ثورة شجونـك -- زادها الشوق غيره..واكشفت لي مرامك
وين شوق التّلاقي..وين لحظة جنونـك -- وين وردٍ تفتّح من ريـاض ابتسامـك
وين قلبك وفكرك..وين..سارح بكونـك -- كل شي فيك يدعو للتعجّب.. علامـك؟
كيف انساك واقدر يا حياتـي اخونـك -- وانت بالقلب واحـد مالكنّـي غرامـك
تعتقد لو جفيتك اقـدر اعيـش دونـك؟ -- وانت نبضي وحسيّ..خاطري مستهامك
اطلب الله ربي يحفظك لـي يصونـك -- واعرف انّك بقلبي ما لغيـرك مقامـك