!! .. متجــيــش غيـر كـدهـ .. !! " متجــدد "

[MagicBoy]

بســم الله الرحمــن الرحيــمـ ..

متجيــش غير كـدهـ

القصـة عمومـآ حتكـون منوعـة إن شـآء الله .. رومانس .. تراجيـدى .. كوميـدى ..

وحستنـى رأيكـوا فيهـا وفى حلقاتهـا وأبطالهـا .. وفى كل صغيرة وكبيرة فيها ..

حلقـة حلقـة .. وفقـرة وفقـرهـ، ..

وهتقبل النقـد إن شــآآء الله .. قولوا إللى يعجبكم وإللى مش عاجبكـم ..

براحتكـمـ ^_^

وكمـان الجـديـد إنكـم هتسمعـوا بـأذن الله أغنيـة للمسلسل كلماتى وألحانى .. ان شاء الله ..

اسمها متجيش غير كـده

و ..

وإستنوا الحلـقـة الأولى منهــا .. قريب جـدآ بــأذن الله ..

" موضـوع متجـدد "

[MagicBoy]

بســــم الله الرحمــن الرحيــمـ ..

الحلقــة الأولـــى من قصـــة ,,

[ متجيـش غير كـدهـ ]

^^^

^^

^

[][][][][][][][][][][][][][][]

<< إبن الهبلـه ده مبيردش ليـه ؟! >>

قالهـــا عبـد الرحمـن وهو يضرب رقـم منـزل صديقـة يوسـف للمـره العاشـره و ..

<< آلـو >>

قالهــا يـوسـف ردآ على مكالمـة عبـده .. فرد عبـد الرحمن بتلقـائيـة :

إيه يا واد ؟! إنتـا فيـن .. بئالى فتـرة بتصـل بيـك ..

رد يوسف بصـوت خامـل :

أبدآ ياريس والله .. كنـت نايـم ..

ضحـك عبـد الرحمن قائلآ :

آه .. منتـا فـاضـى ..

ضحـك يوسف وهو يقـول :

المهم يا معلم .. إنتـا معايا النهارده فى الحوارا ده ..

عبد الرحمن :

حوار إيـه ؟!

يوسـف :

عايزين نشترى هـدوم .. الكليـة هتبـدأ يوم السبـت ..ولازم نبئى مظبطين من أول الـدراسـة ..

عبد الرحمن :

هه .. جاهل ..

عبـد الرحمـن :

آه تصـدق .. طيب خلاص ماشى .. انا معاك يا واد ..

يوسف :

طب وبالنسبة لكريم وفــارس .. مش هيشتروا معـانـا ؟!

عبد الرحمن :

لأ أكيد يعنى هيتشروا إن شاء الله .. انتا إتصـل بكريم وأنا هتصـل بفـارس ..

يوسـف :

ههههااااى .. إنتا بتصـدرنى .. لأ اتصل إنتـا بكريم .. وأنا هتصـل بفـارس ..

عبد الرحمن :

لا ميصحش .. إنتا الكبير برضـه .. أنا هتصل بفـارس .. وإنتا إتصل بكريم ..

يوسـف :

بص .. إنتا اتصل بفــارس .. وقول لفارس يتصل بكريم .. عـلامة الجوده كـده ؟!

ضحـك عبد الرحمن قـائلآ :

خلاص تمام .. يلا تيك كير ..

يوسف :

يلا فى أمان الله .. باى باى ..

[][][][][][][][][][][][][][][]

<< أولاد الإيـه صدرونى أنـا >>

قالهـا فــارس محـدثـآ نفسـه وهو يهـم الاتصــال بكريـم .. قبل أن ينتظـر رد كريم على المكالمـة بدقات قلبى سريعـة و ..

<< آلـو >>

قالهـا كريم .. فانتفـض جسـد فارس رغمـآ عنه وقال بفـزع :

كريم ..

كريم :

أيوه يا حبيبى ..

فارس :

طيب .. احم .. يعنى .. فيه مشوار كده .. احم .. المفروض اننا .. احم .. نروحه النهارده

كريم :

مشــوار إيه يا حبيبى

ارتبك محمود أكثـر وهو يقــول :

يعنى .. انتا عارف .. الكلية على الأبــواب .. و المفروض يعنى .. نشترى كام طقم و كده يعنى ..

كريم :

آه دى حاجه حلوه خالص والله .. طيب خلاص انا هجهز نفسى ..

رد فارس بسرعه :

قبل ما تجهز نفسك تجهز فلوسك يا حبى .. فلوووووسك .. فلوووووووووووووووووووووووووووووووسك ..

قال كريم :

طيب ياعم .. هو احنا فيه بينا الحاجات دى .. احنا اخوات ..

فارس :

لا ياخويا اخوات فى كل حاجه وفى أى حاجه .. الا الفلوس

كريـم :

خلاص المعـاد إمتـى ؟!

فارس :

كمان ساعـة .

كريـم :

طيب وصى عبد الرحمن ميتأخرش ويعملها فينـا زى كـل مره بئـه ..

فارس :

أكدت عليه ميتـأخرش خــلاص ..

كريم :

طيب ماشى .. يلا عايز حاجه ..

فارس :

لا سلامتك ..

كريم :

يلا لا اله الا الله ..

فارس :

ياعم انتا بتكلم خطيبتك .. محمدآ رسول الله .. خد بالك من نفسك .. أعد تلاته قبل ما أقفل ..
قالهـا وضحـك هو وكريـم .. قبل أن يغلقـا المكالمـة سويـآ ..

[][][][][][][][][][][][][][][]

<< واضح انه هيعمل زى كل مره .. >>

قالهــا كريـم .. الواقف بجانب كلآ من يوسف وفـارس .. فى انتظـار دام نسف الساعه لوصول عبـد الرحمن .. فى سعـاده ليس لها ما يبررهـا .. مما دفـع يوسف ليقول فى غضب :

دا اهبل ده ولا ايه .. هو فرحان ليه كده

فارس :

يا عم سيبك منه

يوسف :

على رأيك المفروض الناس المحترمين اللى زينا ميتكلموش مع الناس البيئه إللى زى دى ..

كريم :

شكرا اوى على زوقك

يوسف :

ابئى تعالى كل يوم

ابتسم فارس وهـو يقــول :

على رأس المثل .. اتنين صحـاب .. وبيتشاكلوا ..

فقـل يوسف محـدثـآ نفسـه بصوت خافـت :

يحرق أم أمثالك دى يا جـدع ..

<< إيه ؟! >>

قالهـا فارس عندمـا سمـع يوسف يغمغم ببعض الكلمات الغير مفهومـه .. فرد يوسف سريعـآ وبابتسامه مرتبكـة :

احم .. لا أبـدآ .. بقولك إيه الحكم والمواعظ دى .. وعلى رأى المثـل .. طول ما إنتا ماشى مع فارس .. مش حتقدـر تغمض عينيك ..

ابتسـم فارس فى زهو ثم التفـت لكريم قـائلآ :

يلا يا كيمو .. إتصـل بعبـد الرحمن وشـوف هـو فيـن ..

ارتبك كريم وهو يقـول :

مفيش معايا رصيـد ..

انفجـر حينهـا يوسف ضاحكـآ .. فالتفت إليه كريم بغضب قائلآ :

ايه بتضحك على إيـه ؟!

يوسف :

لا أبـدآ .. ههههههههه .. وربنا نكتـه .. بئه كريم يتصل ههههههااااااااى .. نكتة الموسم دى ..
فى حين تدخل فارس فى الحـوار قائلآ :

على فكره يا كريم .. الدقيقه ب 20 قرش

قـال كريم بعيون زائغـة من فرط التأثر :

بس دى آخر دقيقة معايـا ..

ربت فارس على كتفـة بحركة تمثيلية وقـال :

معليش يا كيمو .. ضحكى عشان صحابك ..

ثم اكمل فى صوت خافت وبخبث :

انا عارف ان انك لسه شاحن الوقتى .. ها .. لخص بدل ما اسيحلك

ابتسم كريم فى ارتباك .. وقال وهو يتصل بعبد الرحمن :

أنا كنت بهزر معاكوا .. إنتوا صدقتوا .. انا عايز أتصل من الأول أصـلآ ..

كريم :

آلو أيوه يا حبيبى ..

عبد الرحمن :

ايوه يا واد

كريم :

.. انت فين ؟؟

عبد الرحمن :

انا فى الطريق .. العيال كلهم عندك

كريم :

اه كلهم موجودين .. وانجز يللا عشان احنا بقالنا نص ساعه واقفين

عبد الرحمن :

ماشى يا عم خلاص .. مش انا قولتلك جاى فى الطريق

كريم :

طب خلاص متتأخرش بئى ,, سلام

عبد الرحمن بخبث :

اه ,, اقفل بسرعه قبل الدقيقه ما تخـلــــ...

أغلق كريم الخط سريعـآ وهو يقــول :

الحمـد لله قفلت قبل ما تدخل فى الدقيقة التانيـة ..

فارس :

دقيقة ايه يا بنى .. انتوا كملتوا 10 ثوانى !!؟؟ .. الله يكون فى عونهـا إللى هتعرفـك ..

يـوسـف :

يااااااه دى حظ أمها زفـت ..

كريم :

احترم نفسك ياض انتا بدل ما

<< انا جيـت >>

قالها عبـد الرحمن مازحـآ .. قبـل أن يقـول فارس :

على فكره يا عبـده بجد كـده مينفعش .. احنا بنى آدمين عمالين نستناك .. مش كل شوية تعمل فينـا كـده يعنى ..

قال عبد الرحمن مازحـآ :

ياعم خلاص بئه .. كل تأخيره وفيها خيره .. شكلنا حنجيب هدوم حلوه النهارده ان شاء الله ..
نظر إليه يوسف بغضب .. بينمــا نظر إليه كريم نظره ليس لها معنى .. قبل أن بيتسم كلاهمـا ويتجـه الأربـعـه لشراء الملابـس ..

والروشنـه ..

[][][][][][][][][][][][][][][]

<< إنمـا حبـة هدوم بئـه >>

قالهـا فارس بنشـوة .. فابتسم يوسف قـائلآ :

لأ بجـد ماشاء الله احنـا ظبطنـا النهارده .. واحلى حاجه ان الأسعار كانت كويسـه ..

قالهـا ثم التفـت لهم مكمـلآ :

وكمـان الـ ..

قطـع عبارتـه وهو ينظر إلى أصدقائة الثلاثـة .. الذين تركوه يتحـدث وظلوا هم يتابعوا إحـدى الفتيـات .. فاندفع قائلآ بغضب :

إيه قلة الأدب دى .. المفروض لما اتكلـم تبصولى وتسـ ..

قطـع عبارته وهو ينظـر للفتاة قائلآ :

<< ياتى كميلــه >>

بينما قال عبد الرحمن فى انبهــار ..

<< أوتــا كتاتـا >>

فى حين قال فارس فى اعجاب ..

<< فنــانـه >>

فى حين قال كريم وهو يشيح بوجهه بعيـدآ :

وحشـة أوى ..

التفـت إليه الثلاثة فعـة واحده فى غضب فى حين هتف يوسف :

غبى ..

اتسعت عينا كريم وقال :

نعم ؟!

ارتبك يوسف قائلآ :

الواد ابن جارتنا ده غبى اوى .. تصورا .. بياكل نواية المشمش ..

اتبسم كـلآ من فارس وعبد الرحمن .. و ..

<< زى القمــر >>

قالهـــا كريم هـذه المره بقمـة الانبـهــار .. وهو ينظـر لاحـدى الفتيـات المارات فى الشـارع .. فالتفـت الثلاثـة كالعـادة و ..

<< لا حول ولا قوة الا بالله >>

قالهـا فارس فى اشمئزاز ..

<< أعوذه بعزة الله وقدرته من شر ما أجد وأحاذر >>

قالهـا يوسف بعينين متسعـه ..

<< الحمد لله الذى عافانا مما ابتلى به كثيرآ من عبـاده >>

قالهـا عبد الرحمن وهو يكاد يتقيىء ..

فى حين قال كريم :

أغبية معندكوش زوق فى البنـات ..

نظر لثلاثة إلى بعضهم و ..

وأكملوا طريقهم .. وقرروا تجاهل أى فتاة ينظر إليها تماما

" ينفضـوله يعنى " ..

[][][][][][][][][][][][][][][]

السبــت .. العــاشــرة صبــاحـــآ ..

<< ياه الكلية زحمـة أوى >>

قالهــا يوسف وهو يتطلــع إلى الطــلاب المتواجدين فى الكليـة .. و ..

<< أنا نفسى أعـرف إنتا إيه اللى جايبك معانـا .. إنتا مش فى أكاديمية خاصـة .. بتيجى معانا ليه يا أخى .. >>

قالهـا كريم ليوسف فى غـل واضـح .. فرد يوسف بطريقة مستفـزة :

عشان أصرف عليك يا كيمو .. ولا إنتا ناسى إنى انا إللى دافعلك كل المواصلات وإحنا جايين .. وإن إنتا قولتلى إن احنا واحنا مروحين أنا برضه إللى هدفـ ..

قاطعـه كريم قائلآ بابتسامه مرتبكـه :

وانا برضه بقول الكلية منوره ليـه .. أتارى يوسف جاى معانـا ..

ابتسم يوسف فى برود قائلآ :

خفيـف ..

ضحـك عبد الرحمن فى شـده فى حين قـال فــارس :

هدوا اللعب شوية بئـه .. منظرنا مش هيبئى حلو .. وبعدين احنا سنة تانيه .. دفعة قديمة يعنى .. مش مستجدين .. وكتير عارفنا ..

رد كريـم "

طيب يلا نروح نتعرف على مين من بنات الدفعـة الجـديده ؟!.. انا وحشنى الحب اوى ياجماعه ..

قال عبد الرحمن بدهشـة :

وحشك الحــب .. سبحان الله .. انا نفسى احب .. ومش عارف ..

يوسف :

ههههههاى .. كريم إللى بيتلكم يا عبده متستغربش يعنى .. ده عمل معدل قياسى فى الحب ..

عبد الرحمن :

آه صحيح .. الواقعه إللى اتسجلت فى موسوعه جينيس .. إللى بتقول أن كريم كان بيحب 4 بنات على الشات فى وقت واحد صح ؟!

كريم :

إنتوا هتتريقـو ؟!

ابتسم فارس رغمـآ عنـه قائلآ :

لا بجد يا كريم .. إنتا بقيت ماشى تحب على نفسك ..

كريم :

قصروا .. أنا رايح أتعرف على التلات بنات إللى هناك دول هتيجوا معايـا ولا لأ ..

قال يوسف بسرعه :

لأ ..

عبد الرحمن :

ودول منظر برضه ..

فارس :

إنتا عارف إنى بتكسف ..

نظر إليهـم كريم فى غضـب .. واتجـه نحـو الثلاث فتيـات ..

فى حين قال يوسف مازحـآ :

صقـفـه يابنى أنتا وهو يا بنى .. للشجاع الهمام .. إللى حياكل علقة فى التمـام ..

و ..

[][][][][][][][][][][][][][][]

خلصـت الحلقـة الأولى الحمـد لله ..

سورى يا جماعه لو قصيرة شوية أو فيهتا أخطـاء .. بس كتبتبها مستعجل وفى ظروف زى الزفـت ..

مستنى آرائكوا فيها ..

وإستنوا الحلقة التانيه إن شاء الله ..

و ..

والسلام عليكم ورحمة الله وبركاتـه ..

فى امان الله باى باى ..

[maroma]

يعطيك العافية يا أحمد..
كتيييير حلوه ..
عم نستنا

[جنــ§طفلــة§ــون]

بداية جميلة وموفقة
في انتظار بقية الاجزاء