ردا على وفاة المفحط القايد

[مسلمون]

السلام عليكم ورحمة الله وبركاته



اخواني واخواتي المسلمين كلنا سمعنا بخبر وفاة المفحط الله يرحمه ويغفر له



انا برضو زيكم قرأت الخبر في النت وماقد سمعت عنو ولا عرفتو الا بعد مامات الله يرحمو




في البداية زعلت وعصبت من طيشه واستهتاره!! لكن .. جلست افكر طول الوقت وقلت ياربي لو كنت انا مكانو



وانا اللي مت دحين وانا اللي في قبري مش هوا !! ما كنت راح اتمنى وانتظر انو الناس تتكلم عني بدي الطريقة !! ويمكن في ناس يدعو عليه الآن !!



الدمعة ابت الا ان تنزل من عيني .. وجلست ادعيلو



لأنو اكيد كان وقتها غافل طايش مو مستوعب انو ممكن يموت



او انو راح يتحاسب على اسائته وضرره للآخرين ..



مو مستوعب مدى الضرر اللي سببه للآخرين



ممكن يكون دا لأسباب مختلفة .. هوا بيتحمل الجزء الأكبر من الخطأ ولكن في عدة أطراف مختلفة تتحمل ايضا جزء من الخطأ




ممكن أهلو



ممكن أصحابو



ممكن المجتمع



وممكن في اطراف احنا نجهلها كان فيها يد لانحرافه



..




لكن اللي ابغى اقوله دحين واتمنى انو كلكم ما تعارضوني



انو هذا الانسان خلاص حياتو انتهت!!



مهما كان قدر الاساءة والآذى اللي قدمها لغيره



والسلوك الخاطي اللي كان ماشي فيه




يفضل في النهاية انسان مسلم



ممكن يكون اخطأ في حق ربه



وأخطأ في حق نفسه وأخطأ في حق الآخرين



ولكن



الآن انتهى وقد أفضى الى ماقدم!!



يارب لطفك..



اكيد هوا ندمان انو سوا زي كذا

اكيد هوا يتمنى انو ربنا يرجعو للدنيا عشان مايفكر مجرد تفكير انو يسلك هذا الطريق





ومافي احد مننا معصوم من الخطأ كما ذكرفي الحديث" كل ابن ادم خطأ وخير الخطأون التوابون " او كما قال عليه



الصلاة والسلام هوا غلطان ماحد يقول لا لكن ماانكتبت له الهداية قبل لايموت؟؟



وكلنا ممكن نمر بنفس الشيء نموت واحنا على معصية حتى لوكنا اكثر الناس احسانا



هذاك الوقت كلنا نتمنى مجرد امنية



انو احد يدعيلنا بالرحمة



او احد يستغفر لنا



او احد يسامحنا



او احد يتصدق عننا




او على الأقل انو ما احد يذكر مساوؤنا




فياليت كلنا نسامحو وكلنا ندعيلو بالرحمة




وكمان ااذا كنا نعرف احد كان هذا الشخص سبب في اذاه نطلب منو انو يسامحو لوجه الله



حتى اذا جا وقت وفاتنا ربي يكرمنا ويرسلنا ناس تسامحنا ان غلطنا عليهم



بدون قصد



ولو بقصد واحنا ناسيين



ياليت تنشروها في المنتديات وتبعثوها لكل الكونتاكت اللي عندكم عشان توصل لأكبر قدر من الناس




يارب نسألك حسن الخاتمة




وان تغفر لاخينا المسلم على اسائته



وتبدل سيائته حسنات




يارب نشهدك اننا سامحناه



فاغفر له يارب وارحمه
وجميع اللي كانو معه

[الشادي2000]

لاحول ولاقوة الا بالله

اللهم ارحمه واغفر له

انا لله وانا اليه راجعون

شكرا اخي على التذكير ..

[الألمـــــاس]

ألتمست من قلبك الخير ماشاء الله عليك الله يكثر من أمثالك :d

الله يرحمه لآحول ولآقوة إلآ بالله

[الفيلسوف الهلال]

اللهم صل على محمد وعلى آله وصحبه أجمعين

[الفيلسوف الهلال]

مشكورينننن
تنكيوووووووووووو

[ياسر قباني]

شكرا لك ... اخوي ..