الحلم الذهبى

[موهجه]

هذى الرو اية رويتى وهى اول رواية لى اتمنى ان تنال اعجابكم وتستفيدوا منها



اليوم أكتب لكم أول رواية لى وهى ليست تعبر عن أفكارى ولكنها من الواقع المحزن المؤلم فى مجتمعات منفتحة بلا حدود وليس لها دواء بين الواقع والخيال يمزج قلمى من واقع المجتمع المصرى كم من بنت ضا عمرها فى أنتظار ها وضياع سنوات عمرها بأسم الحب وما هو الا وهم وهيا نلتقى ببطلة قصتنا " الحلم الذهبى "

يجلسون على شاطئ البحر يتحدثون عن لحظات من المستقبل أتية لابد منها ان تكون وتبتسم ضحى ابتسامة تلمع بها العيون عما بداخلها ولكن تنظر لها بسمة نظرة ألم تجعل ضحى تتسأل لماذا هذه النظرة المؤلمة .

ضحى هى صديقة بسمة من لزمتها عدة سنوات من عمرها وهم أصدقاء بالعمل وهى تصغر بسمة بسنتين يتميزون بالادب والاخلاق الحميدة بين زميلهم بالعمل .

ضحى : بسمة حبيبتى ليه الابتسامة الحزينة دى

بسمة : ضحى حبيبتى انا عارفة انك ب تحبى خالد كتير بس ده مش معناه انكم لازم تكملوا حياتكم سوا ضحى احسبى حياتك صح عشان ميجيش اليوم اللى بتظلى تندمى على حالك وسنين عمرك اللى ضاعت فى انتظاره
يمكن تكون الفرحة ظل على عيونك من حقايق انتى مش قادة تشوفيها .

ضحى : فى حيرة وتخوف ليه يا بسمة بتقولى الكلام ده هو انتى تعرفى عن خالد شئ أنا مش عارفاه

بسمة : لا يا حبيبتى بس بقولك كدة عشان لازم الانسان مينجرفش وراء مشاعره وفى النهاية يخسر كل شئ بحياته.

ضحى : غريبة انا معرفش عنك انك جربتى الحب أصلا عشان تقدرى تتكلمى عنه بالشكل ده .

بسمة : تنظر الى البحر بدموع ونظرة الم وتبتسم ابتسامة ساخرة ضحى أوقات الانسان بيخبى حاجات عن كل الناس اللى حوليه عشان ميحسش بخيبة أمل كبيرة وقدرت تمسك دمعة كانت اوشكت على النزول.

ضحى : بسمة هو فى حاجة انا معرفهاش احنا طول عمرنا مع بعض وعمرنا ما خبينا شئ عن بعض .

بسمة :قصدك اللى انا خبيته عشان محسش بكبر جرمتى فى حق نفسى

ضحى : يعنى فى حاجة انا معرفهاش طيب مين ومستمرة ولا انتهت بس دى شلها حزينة ا وى وكانت امتى .

بسمة : ايه ايه كل دى اسئلة مرة واحدة مستعجلة على اية الايام كتير وبحكيلك بعدين يلا بينا عشان الشمس قربت تغرب والشاطئ قرب يفضى من الناس .

ضحى : بس وعد انى هعرف .

بسمة : اوكى حبيبى بس بشرط راجعى حسباتك عشان متندميش زى



الفصل الثانى


فى منزل بسمة داخل غرفة مكتبها جلست تفكر وتسأل نفسها هل لها ان تحكى قصة زلها هل لها ان تحكى قصة غرامها الوحيدة التى اخفتها عن العالم بأكمله وجلست تتذكر كيف تحو لت من انسانة متدينة لانسانة مذنبة عاشقة ومقصرة فى حق ربها تأخر الوقت وهى على هذا الحال وقررت ان تسلم الامر لله وت صلى استخارة هل تقول لها هذه التجربة ام لا .............

فى منزل ضحى بغرفتها جلست على سريرها تحاول ان تنام ولكن التعجب والاستغراب ملأ حياتها من صديقتها التى تعرفها منذ 4سنوات ولا تعرف عنها انها تحب ولا كان لها قصة حب ولكنها تذكرت انها دائما كان لها رأى خاص فى مسألة الحب . ، وجلست تفكر فى خالد هل هو يكن لها مشاعر حقا ام لا .

فى الصباح أتت كل واحدة منهم للعمل وجلست على مكتبها ، ضحى وبسمة يعملون فى بشركة أستثمار عقارات كبيرة وصاحب الشركة هو خالد اللى بتحبه ضحى وهى حاسة انه بيكن لها مشاعر ولم يوجهها حتى الان .
بسمة بتكون مديرة التسويق وضحى نائب مدير التسويق .

طبعا بسمة واخدة بالها انى خالد طلب ضحى من اول ما دخلت الشركة وبتضحك فى سرها عشان ضحى عايزة تستأذن منها ومكسوفة تقولها .

بسمة : ضحى استاذ خالد ارسل مع السكرتيرة انه عايزك من بدرى وانتى لسة مروحتيش فى حاجة .

ضحى لا أبداً هروح بس بحضر الاوراق اللى اكيد هو طلبنى عشانها .

ذهبت ضحى بالاوراق دقت على الباب بعدما أشرت لها السكرتيرة انها تدخل .

خالد : أتفضل

ضحى : السلام عليكم

خالد: وعليكم السلام ورحمة الله وبركاه وقام من على المكتب وأشر لها بالجلوس بالكرسى المقابل له.

ضحى : هذه الارواق اللى حضرتك طلبتها يا استاذ خالد ولو فيها اى شئ بلغنى .

خالد : شكراً بس بطلب منك طلب بلاش تقوليلى استاذ خليها خالد بس من غير القاب احسن وبلاش احس الكسوف ده .

ضحى : تتمنى ان تبتلعها الارض حاضر ممكن استأذن

خالد :أتفضلى .

جلست عل مكتبها وهى متوترة وتتسارع دقات قلبها واخيرا ابتسمت .

بسمة : اية اللى بيضحكك يا استاذةضحى مش تضحكينى معاكى

ضحى : لا مينفعش هنا لما اخرج ابقا اقولك

بسمة : عيب يا ضحى قولى بقا انا صحبتك

ضحى ضحكت وقالت لها اللى حصل ارتفع صوت ضحكهم .

بسمة : والله خالد مش سهل خالص

أنتهى وقت العمل وذهبت بسمة وضحى الى بيوتهم .

دخلت نظرت فى الساعة الرابعة عصرا ووجدت عندهم ضيوف السلام عليكم

ام بسمة وام محمد : وعليكم السلام ورحمة الله وبركاته

ام بسمة : اهى بسمة جت عشان تقول رأيها

بسمة : مش تعرفينى يا ماما الاول وبعدين اقول رائى

ام بسمة : الست ام محمد جاية عشان تخطبك لابنها محمد ابنها شافك واعجب بيكى وعشان كدة هى جاية ايه رايك

بسمة : اتنرفزت واحرجت بعد اذنكم ودخلت غرفتها تبكى ليه ياربى مش عارفة اعيش حياتى زى باقى الناس دايما ملينى الم ومسحت دموعها لانها سمعت صوت امها .


ام بسمة : بعد اذنك يا ام محمد اصلى هى بترجع من الشغل تعبانى يمكن يكون فى مشاكل والشغل ولا حاجة قالت الكلام ده من احراجها من الست

ام محمد : ابدا ولا يهمك اتفضلى

ام بسمة : انتى ازاى تحرجينى كدة ادام الست معندكيش ذوق فين الذوق اللى بتتكلمى عنه ياست بسمة لما تحرجى الناس فى بيتك ده الدين والالتزام علموكى انك تهينى ضيفك .

بسمة : وهى ماسكة اعصابها مش انا اللى احرجتك والمفروض انك كنتى تقوليلى بعد ما تمشى مش تحرجينى قدامها وبعدين انا مهنتهاش ابدا وبعدين مين ابنها ده انا معرفهوش

ام بسمة : الست بتقول انى ابنها شافك ومعجب بيكى وبعدين بكرة تعرفيه وتقولى رأيك بكل صراحة

طيب ان شاء الله

الو

السلام عليكم

رنيم : وعليكم السلام ورحمة الله وبر كاته ياسلام بسومة حبيبتى وحشانى فينك من زمان
رنيم وبسمة اصحاب من سنة اتعرفوا على بعض فى جمعية لمساعدة كبار السن ( بيت المسنين )


بسمة : موجودة فى الدنيا يعنى هكون فين انتى ايه اخبارك مفيش جديد

رنيم : لا جديد الوضع كما هو عليه مش عارفة هتجوز امتى يادى الجوازة اللى شكلها مش هتم نفسى اجوز بقا زهقت

بسمة : ليه يا بنتى متقوليش كدة تفألى خير اً تجدى الخير يا فقرية


رنيم :انتى ايه اخبارك فى جديد ولا لا

بسمة : جديدى حرق دم الصراحة

رنيم : ليه كدة بس روقى واحكيلى ايه اللى حارق دمك

بسمة : حكت لها على الموقف اللى حصل

رنيم : طيب يا حبيبتى انتى ايه اللى مضايقك بالعكس ده شئ يفرح ولا انتى جد فى حياتك شئ يخليكى متفرحيش بالشئ ده

بسمة : لا والله ابدا بس كل الحكاية ا نى انا مش قادرة افتح قلبى حتى اوقات بحس انى معنديش مشاعر

رنيم : لا يا بنتى متقوليش كدة انتى بس عشان لسة مجربتيش وشايفة الدنيا عاملة ازاى بس تلاقيكى متاثرة وبعدين شوفيه واتكلمى معاه وشوفى وجه نظره فى الحياة عاملة ازاى .

بسمة : حاسة انى صعب مش قادرة خالص .

رنيم : بس روقى كدة وانسى وفكرى بعقل وشوفى نفسك فاضية امتى عشان اشوفك انتى وحشانى اوى

بسمة : حاضر هفضى نفسى واتصل بيكى عشان نشوف بعض بقولك ايه سلام عشان ماما جاية

رنيم : حاضر ياحبيبتى يلا فى امان الله وخلى باللك من نفسك

بسمة : فى حفظ الرحمن وانتى كمان خلى بالك من نفسك

دخلت ام بسمة وقعدت تحكى معها وتقنعها انها توافق تشوفه وتخليه يجى يتقدم وانى هى عندها 23 سنة وقربت يفوتها قطر الجواز واختيارتها قربت تبقى مستحيلة بعد كدة تتجوز اى حد وخلاص

بسمة عندها اختين امانى 26 سنة ومتزوجة وميرهان 18 سنة وهى المتوسطة 23

ووالدها بيشتغل فى احدى شركات البيترول فى مصر ووالدتها ربة منزل وهى من اسرة محافظة على العادات والتقاليد غير الناس اللى تخلت على العادات والتقاليد



تانى يوم فى العمل خرجت بسمة من مكتب خالد وهى متعصبة وجلست على مكتبها فى صمت شديد

ضحى : فى ايه حصل حاجة

بسمة : ممكن تسكتى خالص مش عايزاكى تتكلمى معايا ومش عايزة اسمع صوت حد خالص.

ضحى : طيب هو انا عملتلك حاجة

بسمة : اسفة بس خالد عصبنى كتير من طريقته معايا فى الكلام بيقولى انى الاعلان اللى انا نزلته فى الاعلان كان اعلان مش منسق ازاى انا مش عارفة مع انى انا وهى مراجعينه ومنسقينه مع بعض نفسى اعرف ايه الغلط

ضحى : اهدى طيب اكيد فى شئ غلط

بسمة : غلط صح ميكلمنيش بالاسلوب ده انا زهقت من الضغوط دى امتى يخلص المشروع اللى شادد اعصاب الجميع

ضحى : هدى نفسك طيب

بسمة : يلا بينا الساعة 3 العصر والموظفين مشوا واحنا لسة قاعدين


ضحى : من ساعة ما خرجنا مقولتيش اى كلمة وماشين ومش عارفين رايحين فين

بسمة : خلاص خلينا ماشين الجو حلو وانا بديت ارتاح شوية انتى ايه اخبارك مع خالد مفيش جديد

ضحى : الوضع كما هو عليه وانتى مفيش جديد

بسمة : امبارح حصل موقف بايخ ومحرج فى البيت

ضحى : احكى طيب كويس فى حاجة جديدة

بسمة : متفرحيش اوى كدة وحكت لها كل اللى حصل امبارح

ضحى : طيب يا بسمة جربى وشوفيه انتى ليه رافضة المبدأ مش يمكن يطلع انسان كويس

بسمة : يمكن يطلع ويمكن لا بس انا مش قادرة افتح قلبى لحد تانى ومش هقدر اتحمل اى جرح تانى

ضحى : طيب ممكن بقا تكلمى ايه الموضوع اللى مش مخليكى قادرة تفتحى قلبك تانى .

بسمة : حاضر بس خلينا نروح نصلى العصر فى اى مسجد ونروح بعدها نجلس على الشاطئ

ضحى : يلا بينا




الى اللقاء فى الجزء الثالث

[موهجه]

* الجزء الثالث *






انتهوا من صلاة العصر وجلسوا على شاطئ البحر
ضحى : يلا كملى كلامنا
بسمة : حاضر بصى يا ستى انا الموضوع ده مش عايزة اى حد يعرفه خالص لانى اول مرة احكيه لحد .
ضحى : من غير ما توصى انتى عارفة وبعدين هقوله لمين
بسمة : بصى انا اول ما خلصت ثانوى متوسط قررت اكمل دراستى فى تعليم خاص بس للاسف بابا رفض بحجة انى المصاريف غالية وانى هو قرب يطلع على المعاش لكن الحقيقة مش كدة الحقيقة انى هو شاف امانى اتعلمت وصرف عليها كتير وكان امله انها تشتغل بدراستها ولكنها اول ما اتخطبت واتجوزت نست كل الاحلام دى
اتأثرت نفسيا جدا وتعبت وقررت ساعتها انى اطلع اشتغل رغم انى عارفة انى هو مش هيوافق على القرار ده بس انا اصريت وهو شاف بعد تعب معايا انه يسبنى على راحتى بس بقا بينا حساسية فى التعامل واشتغلت ياستى فى معرض ملابس كبير على اول الشارع عن البيت وكنت انا ماسكة كل حاجة لان صاحب المعرض جارنا وانا وزوجته اصحاب وكنت مؤمنة انى ربنا هيعوضنى خير عن كل اللى اتحرمت منه وفضلت على هذا الحال خمس شهور وانا كنت ملتزمة دينيا جدا وحريصة على رضا ربنا اوى وكان ايمانى هو مواساتى الوحيدة فى الدنيا هااااااا صحيح دوام الحال من المحال
ضحى : مفيش حد حياته بتتوقف عند نقطة واحدة ولا موقف الحياة بتستمر مع كل شئ مهما كانت الازمات يلا كملى كلامك
بسمة : بدأ يذهب عقلها الة ذلك اليوم الذى رأت افتتاح نت كافية بجوار عملها وترى دائما شباب يعملون فى ذلك المكان وكانت ترأهم من بعيد الى ان أتى ذلك اليوم الذى اتت اليها امانى اختها الكبرى تقول لها .
امانى : بسمة عايزاكى تروحى معايا النت كافيه الجديد عشان عايزة اكلم محمد والكمبيوتر فى البيت خربان
محمد هو خطيب امانى وهو من محافظة اخرى عشان كدة هى كانت بتكلمه من على الماسنجر
بسمة : طيب ما تروحى انا مسكتك
امانى : يا بايخة هدخل لوحدى لا المكان جديد وكمان معظمه شباب لما تكونى معايا غير لما اكون لوحدى
بسمة : طيب بس استنى بعد ما اخلص شغل واجى معاكى ولا اقولك لما اخلص هتصل بيكى .
امانى : اوكى بس اوعى تتاخرى
بسمة : حاضر من اولها اوامر كمان
تذكرت انها ما كانت تعلم ما يخفى لها القدر
امانى : هاااااااا يلا بينا
بسمة : ثوانى اجيب شنطتى يلا بينا
السلام عليكم
وعليكم السلام ورحمة الله وبركاته
قام من على مكتبه شاب ليس طويلا ولا قصيرا ولكنه نحيف اسمر البشرية يبدو عليه الوقار ولونه يدل على انه من اهل سوهاج اولاد الصعيد ولكن عندما رد عليهم السلام كانت لهجته لهجة اهل المدينة عادية
أحمد : اتفضلوا
امانى : ممكن بعد اذن حضرتك جهاز ين
احمد : طبعا اتفضلوا
بسمة : يا بنتى انا محرجة جدا البنات كله شباب مفيش مكان هنا للبنات بس
امانى : وانا زيك لا يا ختى مفيش عشان نروح مكان بنات بس هناخد وقت طويل وبعدين كلها ساعة ونخلص احنا قاعدين باحترامنا
بسمة : طيب يلا خلصى كلام مع الباشا
ومر يوم ورا يوم وامانى كل ما تحب تكلم محمد تيجى المكان ده عشان اصحاب المكان محترمين وفى يوم من احد هذه الايام .
بسمة : اانى شوفى فى حد بيكلمنى على الماسنجر وبيقولى انه يعرف اسمى واسم عائلتى
امانى : ازاى مش معقول عرف اسمك منين
بسمة : خلى باللك ممكن يكون حد المكان اللى احنا قاعدين فيه دلوقتى
امانى : فعلا ممكن طيب استنى اقفل مع محمد ونمشى
أحمد : ايه مكملتوش وقتكم ليه
امانى : استاذ احمد حكت له ما حدث
احمد : ازاى مش معقول يحصل كدة عندى بس انا هعرف مين اللى عمل كدة لو من عندى
وتانى يوم قرروا انهم هيرحوا مكان فيه بنات بس ولما دورا ملقوش راحوا مكان تانى غيره وخلاص
بسمة : أمانى انتى تعرفى الايميل ده
امانى : لا اسأليه هو مين
بسمة : الحقى ده بيقولى انى هو صاحب احمد صاحب النت كافيه احنا مش هنخلص من الموضوع ده
امانى : شوفيه عايز ايه احمد محترم جدا
بسمة : ا وكى لو سمحت حضرتك عايز ايه
صاحب احمد : انا لقيت الاميل مفتوح قولت اكلمك واتعرف عليكى
بسمة : لو سمحت انا مش بتكلم مع حد
ليه كدة بس
بسمة : على فكرة انا هبلغ استاذ احمد وقفلت اميلها ، امانى يلا بينا نروح
امانى : ثوانى بس اكلم محمد بيقولى حاجة وهقفل
بسمة : طيب اوكى انا هطلع على اول الشارع اكلم استاذ احمد انه ميخليش حد يضايقنا عشان انا زهقت
امانى : اوكى وانا ححصلك على البيت
بسمة : دخلت المكتب السلام عليكم
احمد : وعليكم السلام ورحمة الله وبركاته
بسمة : استاذ احمد لوسمحت مينفعش كدة كل شوية حد يكلمنى من على اميلك او اميل تانى انا مش بحب الازعاج وانا مش هاجى هنا تانى وصدقنى كدة مينفعش
احمد : معلش انا اسف جدا كان فى واحد فعلا فاتح اميلى ومشى من شوية بس خلاص صدقينى مش هتتكرر تانى وبعدين انا اللى زعلان منكم جدا
بسمة : بنظرة استغراب ليه
احمد : عشان انتم روحتوا مكان تانى وانا صدقونى محدش هيقدر يعملكم حاجة تانى وانا عرفت الولد اللى كلمك امبارح وحصل معاه مشكلة ومش هيجى تانى
بسمة : الصراحة احنا مش بنحب الاختلاط ولا المشاكل وكلام الشباب الفاضى ده وحاولنا نلاقى مكان بنات بس لكن للاسف مفيش ولولا اننا مضطرين مكناش دخلنا اى نت كافيه
احمد : لا اوعدكم انكم تلاقوا الراحة هنا بس اوعدينى انك من بكرة هتيجى هنا
بسمة : استغربت من اسلوبه فى الكلام معها "ان شاء الله "
امانى : بس انتى مش شايفة انى اسلوبه معاكى فى الكلام غريب
بسمة : انا الصراحة بدأت اشك انى هو اللى كان بيكلمنى مش صاحبه زى ماهو كان بيقول
امانى : صح واشمعنى اختار اميلك انتى وبعدين حتى احمد جاب اميلك منين
بسمة : مش عارفة هى مش صعبة بس على الاقل كان يستأذن منى
أمانى : خلاص مش مشكلة بكرة نروح عنده هو المكان عنده مجهز كويس وهو واخوه اخلاقهم عاليه ومحدش منهم بيضايقنا
بسمة : لم تفكر فى الامر كثيرا لانه لم يشغل بالها
هل ياترى هو من كلمها ام صديقه كما يقول ذلك ما سنعرفه فى الجزء الرابع
اتمنى انها تنال اعجابكم

[غاليـــة*]

يسلموووووووووووووو

[karizo]

يسلموووووووووووووو

[nole lover]

plez kamle elrewaea l2ny 7aba a3raf elnehaye


w.m.l

[سراب عشقي]

موهجه

سطور جميلة سبكها حبر قلمك معلنا انطلاقة لابداع مميز


يعطيك العافيه اختي


[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]