معاناتي

[اصدق انسانه]

[b]حابه اقولكم معاناتي وانشالله القى عندكم حل يريحني..[/b]

ترشحت لبرنامج انا وصديقتي..البرنامج هذا فكرت روعه وهادف وهو مشهور..طبعا صديقتي هذي اعتبرها مثل اختي..جاء فتره ومسكت قيادة خلال البرنامج طبعا هي تغيرت اطباعها قلت لها اذا استمريت ع هالحال راح تخسريني صار بينا نقاش وهي عارفه نفسها متغيره..طبعا مو بس علي حتى على اعز الناس على قلبها ..اطباعها تغيرت صارت متصنعه..حتى ضحكتها مو صادقه..خلال فترة قيادتها صارت بينا مشادات عديتها كثير الناس لاحظوا طريقة تعاملها..مره ضغطت على نفسيتي كثير انا اقدر انسحب من البرنامج بس احنا تعاهدنا نكون مع بعض باي مكان..في مره كلمتها وقلتلها لو انسحب من البرنامج بتنسحبين معي سكتت وبعدين قالتلي تكرهين لي الخير..قلت لها لاوالله..وفهمت اي لو انسحب مالراح تنسحب عشاني..زعلت مررره بس عديتها..خلال الفتره كانوا المسؤولين معجبين بشغلي من خلال التقارير ..صار المسؤول دائما لما كان يكلم صديقتي يطلب منها توصلي اعجابه الشديد بشغلي واسلوبي ..طبعا انا مايوصلني شي..في مره دق المسؤول علي وحب انه يشكرني بنفسه فقالي انا قلت (لفلانه) توصلك ماكانت توصلك ..بيني وبينكم تفاجأت كثير وقلت انها توصلي الكلام..مع العلم انه خلال فترة قيادتها اغلب الاشياء انا خلصتها..المهم مادري وش اللي صار بس كنا نتكلم انا وهي ونتناقش بقوه فقالتلي لاتنسين نفسك ترى ماوصلت الا بفضلي..انصدمت لما سمعت الكلمه هذي كأن احد كب علي ماء بارد..المهم قررت انسحب ولااحد يكلمني..دقوا علي البنات يقولون لي لاتنسحبين ويلوموني فقلت لهم وش قالتلي انصدمووووووووووا سبحان الله في هذا الوقت دقت على البنات وقالتلهم اني قلت لها كذا كذا وانا تهورت ومااقصد..سامحت وقلت ماعليش صديقتي..
خلصنا هذيك المرحله وبدينا في المرحله الثانيه وكنت انا مشرفه وصار الاهتمام علي اكبر في يوم قالي المسؤول انه في تصوير من قناه وان المسؤوله عن استقبالهم ولازم اكون موجوده بدري تاخرت بسببها وجيت وهزئني المسؤول قدام الاعضاء بالاخير ماخلاني انا وياها نروح ..بعد ساعتين رجع واخذنا وخلا القناه تاخذ معي مقابله بس بعد ايش (الاخلاق شانت)
طبعا انا وصلت معي هزئني قدام الجميع..احس كرامتي انجرحت..فقررت انسحب وطبعا كالعاده هي رفضت ..دق علي واخذ بخاطري..وهديت شوي..هي درت انه دق علي وحسيت انها غارت..
المهم صارت تتكلم بانانيه الموقف نكون انا وهي فيه تنسبه لنفسها فقط المشكله انا معها..مادري وش صار فيها البنت..خلال هذي المراحل كامله فيه احداث كثيره صارت تعجز ايدي عن كتابتها..بس دق علي احد وقالي انه يندم انه تعرف عليها والاسباب 12345............زالخ..انا تضايقت وزعلت عليها..لان خلت الناس يتكلمون عنها..وانها خبت عني اشياء سمعتها من الناس..فيه وحده تعرفت عليها بالبرنامج ارتاحتلي كثير وصارت تقولي كل اسرارها صديقتي لاحظت علاقتي فيها فصارت بس تشوه صورتها قدامي مادرت ان هذيك الانسانه تمدحها وتوصيني فيه..المهم مره هاوشتني وقالتلي تتهنين فيه..قلتله انتي زعلانه ان علاقتي فيه حلوه تبيني اصد البنت..
بنهاية البرنامج قالوا ان له جزء ثاني وراح يختارون بس 5 طبعا وصلني خبر اني منهم..بيني وبينكم ابوي رافض وفيه انسانه عزيزه ع قلبي كانت عايشه الاحداث معي لحظه بلحظه طلبت مني ماأكمل وخيرتني بينها وبين البرنامج انا استخرت وقررت ماأكمل..لما دقوا علي قلت لهم اسفه ماقدر ومن هالكلام..فجاه ارسلتلي مسج وقالت انها انسحبت هزئته وطلبت انها ماتنسحب الا بقناعه طبعا كانت تكلمني من راس خشمها كاني سويت فيها جريمه ..دقيت ع كل البنات اللي يعرفونا وطلبت منهم يقنعونها..الى الساعه 3 الفجر وانا احاول انها ماتنسحب الا وهي مقتنعه..المهم دقوا علي المسؤولين..وماكنت عند الجوال..فدقوا على صديقتي وقالوله عشان توصلي الكلام طبعا ماوصلت لي شي..وانا بحسن نيه دقيت عليها عشان اشوف نفسيتها..يمكن 10 مرات ماترد..بالخير ردت ومن طرف خشمها ..فقلت لها وش اخبارك قالت تمام ابي الطف الجو قلت لها جاهزه للدوام بكرا..قالتلي اي دوام انتي الظاهلر ماوصلكي خبر قلت ايش قالت دقوا عليها المسؤولين وقالوا لها وصلي لصديقتك ان اعطيناها اجازه ..فقلت لها شوفي اذا شغل انا ماراح اكمل بس اذا اجازه هذا من حقي..والحمدلله انها جت عشان تفكرين وتستخيرين..طبعا ولا ردت علي..دقيت على المسؤوله..فقالت لي ان صديقتك دقت علي الصبح بس مارديت عليها..وبالعصر دقيت عليها عشان توصلك الرساله..انا انصدمت يعني وش اللي خلاها تدق على المسؤوله الصبح اكيد احد شيئين 1- ياكانت تبي تستمر بالبرنامج 2- او قالت لهم انهم يمددون لنا لعلى وعسى استمر بالبرنامج ..اذا كانت الثانيه فطاحت من عيني بقوه لانها عارفه ضروفي وطنشت هالشي وسوت اللي تبيه..
المهم دقيت عليه وقلتله انتي دقيت الصبح ع المسؤوله فرحت انشالله تكونين بترجعين..ماردت علي..المهم قلتله لاتنسحبين من البرنامج الا وانتي مقتنعه مو عشاني انا ماراح افيدك..قلت لها كلام كثير بالنهايه قلتلها لايجي يوم وتقوليلي انا تركت البرنامج عشانك..لو سمعتها يمكن يهدم كل شي بيني وبينها..
ولا ردت.. انا عارفه طبعها تبي تحملني ذنب مالي سبب فيه..
كل اللي عارفين بالموضوع قالولي ماعليك منها انتي بريتي ذمتك وهي حره..

انتم وشرايكم وش اسوي انا بحيره...

[بسـ الطفـε(｡◕‿◕｡)зـوله ــمة]

السلام عليكم ورحمة الله وبركاته

اختي احمدي ربك انك اشتركتي بالبرنامج , لانه من هالبرنامج عرفتي حقيقة من ظننتها صديقتك

غلطت بحقك مره , مرتين 3 و حاولت تشويه سمعتك امام اللجنه والي تعرفتي عليها من البرنامج

الصديق , هو الي يضحي لصديقه , الي يوقف معه لما يكون محتاجه ولا يؤذيه او يجرحه

ما اعرف كيف تسميها صديقتك بعد كل الاشياء الي سوتلك اياها

انا من رايي , اتركي هذه الفتاه ولا تكترثي لها فهي تسعى لضررك لا لافادتك


و ان كان ابوك رافض , انسحبي من البرنامج وارضيه , رضاء الوالدين اهم


الله يوفقك اختي ويفتحها بوجهك وان شاء الله تجدين الصديقه الحقيقيه

[اصدق انسانه]

اختي بسمة الطفوله..الانسانه هذي..شاركتني افراحي واحزاني..هي تاثرت بالمجد بس بترجع لمعدنها الحقيقي..

[اسـ عسل ــمر]

.هي تاثرت بالمجد بس بترجع لمعدنها الحقيقي..

لا والله يا اختى المعدن الحقيقي ما يبان في غير المنعطفات

ومن كلامك كل ما حاولتى ترقين سلم النجاح وحست انك راح تتفوقين عليها ==>>حاولة انه ثاتر عليك بشكل سلبي

لو انها صديقة بجد ==>> راح تتمنا لك ما تتمنا لي نفسها ==>> ولا راح تخبي عليك شي وخاصة اعجاب المسؤؤالين

بشغلك وراح تحاول تساعدك اكثر واكثر

طيبة قلبك الزيادة ==>> هى اللي ما تخليك تشوفين الموضوع من زاوية صحيحه

من وجهة نظرى عيد التفكير في هذى الصداقة وقوة ترابطها

==>> بامكانك تخلينها سطحية ولا تخليها تاثر عليك مستقبلا

اما مسائلة تركك للي العمل

==>> الموضوع بيدك انت وعلى حسب ظروفك اللي حولك واللي جالسه تمرين فيها والضغط اللي عليك

==>> والله يعطيك على قد ننتك ان شاء الله ==>> ويوفقك ان شاء الله

تقبلي مرور

[بسـ الطفـε(｡◕‿◕｡)зـوله ــمة]

اقتباس:
المشاركة الأصلية كتبت بواسطة اصدق انسانه [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
اختي بسمة الطفوله..الانسانه هذي..شاركتني افراحي واحزاني..هي تاثرت بالمجد بس بترجع لمعدنها الحقيقي..


مثل ما قال عسل اسمر
هذا معدنها الحقيقي
وهذا الموقف الحقيقي الذي به تسقط الاقنعه وتظهر الوجوه الحقيقيه

غيرتها الواضحه منك ستؤدي الى مشاكل عديده , ان استمريتي معها , البرنامج سيكون البدايه فقط

انا برايي تتركيها ,
والقرار راجع لك