حب هالايام كذب في كذب

[امير البلاد]

السلام عليكم ورحمة الله وبركاته

اخواني انا كتبت موضوع ونزلته في منتدى اخر وحبيت اني اعرضه عليكم وياليت تعطوني رايكم فيه
طبعاً انا ماأكتب مواضيع الأ بلهجه العاميه
وياليت انه ينال اعجابكم

وانا قاعد فاضي وماعندي شغل في الاستراحه وقاعد القط من dsl الاستراحه اللي جنبنا وفجه انقطع الاتصال طبعاً اقطعوه ودهم الظاهر
وزهقت وقعت افكر وش اسوي قلت بدور موضوع اكتب فيه
وطرا علي موضوع واتمنى انه يعجبكم
مع اني شاك انه مهوب معجبكم يابعض الشباب
(الحب هالايام)
والله مسخره
يعني بالعقل وش لون تحب من تليفون والامن الماسنجر واتم ماتعرفون بعض
اللي يحبون صدق خلصو ماتو معاد فيه حب الا (من رحم الله)
معاد فيه حب معاد فيه ثقه اصلاً عشان يكون فيه حب
(الحب) كلمه كبيره
استغلتها الذئاب البشريه في هز عواطف البنات وستدراجهن وراء ملذاتهم الجنسيه فقط
تكفون يابنات لاتسمعون كلام الشباب والله ان تندمووون
بعدين ليش البنت تسمع كلام اللي يكلمها وليش تثق فيه
ترا الواحد مايكلم البنت الا عشان رغبته الجنسيه بس لااكثر والا اقل
فكرو بالعقل والله ماتجي يعني لو يكلمك واحد ويقولك انا احبك وامووووت فيك بتصدقينه اذا فكرتي بعقلك اكيد انك منتيب مصدقته واذا فكرتي بمشاعرك الله يكفيك شر مشاعرك يمكن تصدقينه
البنت اللي بتفكر بعقلها هاذي بنت عاقله والله يكثر من امثالها
والبنت اللي بتفكر بمشاعرها على طول هاذي بنت فاقده الحنان من ابوها ومن امها ومن اخوانها عشان كذا بتندفع وراء الكلام الحلو اللي بيسمعها ابو الشباب نتيجت فقد الحنان من اهلها وبتصدقه وبتروح ضحية مشاعرها المسكينه وبيعيشها في امل الزواج بها وفي الأخر بيروح ويسحب عليها ويتركها وكأن ماصار شي

تراني تعبت من كلامكم يالحبيبه كل مادقيت على واحد الا عنده انتظارخمس ساعات ليش
يكلم حبيبته على قولته
واذا جيته وسألته انت تحبها صح؟ قالك ايه وامووووت فيها بعد
طيب مادام انك تحبها ليش ماتتزوجهاااا؟ قال ماتخسى الا هي اتزوج وحده تكلمني بالتلفون
اذا كانت اتكلمني اكيد انها بتكلم غيري
طيب يومك تكذب على البنت ليه ؟

لحضه لحضه لحضه عندي سوال
قد سمعتي سعودي كلم واحده وتزوجها؟
مافيه
بس الظاهر الافلام التركيه اثرت على مخختكم (اعقولكم )يالبنات (المسكينات)
يعني تضنين ان الولد اللي يكلمك بيتزوجك؟
والله مافيه امل
ترا البنت احياااناً ((افهمو)) احياناً الضحيه
اما الولد المووووووووت
تنويه
(طبعاً انا ماأعم كلامي للكل بالعكس فيه ناس طيبه وحبوووبه وقلوبهم بيضى)
والبنت مسكينه ودايم على نياتها وتحلم بحلم اكبر منها وماتدري من اللي وراء السماعه
بعلمكم بسالفة واحد من العيال
يحب ومتعذب وشايف العزاري على قولته من الحب ويشغل اغاني ام كلثوم وعبدالحليم حافظ
وكل مادق جواله طلع من الاستراحه وانطق في موتره وقعد يكلم واذا مر يوم ماكلمت عليه البنت يوووووووه يحزن ولايبي يكلم احد ويحط حرته في الزقاااير
وكتم اللي جنبه من الدخان
كل هاذا من الحب على قولته
المهم
البنت اكشفوا اهلها انها تكلم واحد وعرفو رقمه ودق عليه ابو البنت وقاله وراك تكلم البنت يا(؟؟؟؟؟)والله لجيبك واطى على علباك والله لذبحك
تتوقعون وش قال
قال مدام اهلها درو وفيه ذبحه ((بلاء حب بلاء وجع قلب))
قلب على البنت وقال هي اللي تدق علي وانا كل يوم اقول فكينا من شرك يابنت الحلال ولاعاد تدقين علي الله يرحم امك
وترجع تدق علي وتقول اني احبك
امسكو بنتكم تراها اذتني الله يقطعك ويقطع بنتك
وين حبه على قولته؟
ياليتكم سامعين كلامه لي والله ماتصدقون انه بيسوي كذا
بالعكس بتقولون والله ان يضحي بكل شي عشان حبه
واخرتها طلع ماعندك احد
الوكاد
خلاص الى متى وانآ نكذب على بعض احبك يافلانه احبك يافلان
والله مسخره وااااجد

نصيحه للبنات

1. اذا وحده كلمت واحد واخوياه دارين لاتفكر في الزواج ولو قال لها اني باتزوجك (تراه يكذب) (بيضحكون عليه اوخوياه وبيقولون انت متزوجلك (؟؟؟؟؟) )

2. اذا وحده تعرفت على واحد في السوق ترا مافيه زواج ولو قال اني باتزوجك (تراه يكذب) (لأنه بيقول مادامها خذت رقمي وهي ماتعرفني اكيد انها قد خذت رقم غيري)

3. اذا وحده تعرفت على واحد فيه ذرت رجوله ترا مافيه زواج ولو قال اني بتزوجك (تراه يكذب)(لأن مافيه احد بيرضى تكون شريكة حياته وام اعياله قد كلمت احد وبيشك فيها طبعاً)

يعني الله يعينكم يابنات ويصبركم على اعيال عمانكم
والله يهدي شباب المسلمين اجمعين
وعذروني على الخطاء الاملائيه
المعزز حقي اللي يصحح الأخطاء طلع يكلم واحد على قولته يقول انه خويه في الدوام والساعه 12,30((قويه اشوي))
وسامحوني على الاطاله

مع تحياااااااااات
امير البلاد

[سماء أحلى]

والله انك صــادق مع الاسف الشديد >>>>؟؟؟؟؟



((((للمعلوميه فقــــــــــــــــط..وليست قاعده..وحده من صاحباتي اتزوجت واحد كان يكلمها حارب اهله عشان يتزوجها (ومع هذا ما اصدق ان السعودي يحب السعودي ما يحب في حياتو الا وحده وهي >ميمتو يعني الماما بتاعتو )يعني

المسلسلات التركيه مو حكي فاضي ويجي منها>>>بحب الاتراك فديتــــــــــهم..:d



ما بتحبهاش ليه بتكزب عليها مش حرام عليك بس ربنا ع الزالم..

تحيـــــــــــــــــــــــــاتي..

[أرض الحرية]

والله يا صديقي معك حق بكل كلامك
يمكن البنت بتسخسخ من الكلام الحلو

يعني واحد اول ما يشوف وحدة صار يحبها ويموت فيها!!!
من وين لوين اعجاب وماشي وليش كل هالهبل

انا ايام الدراسة صارت معي واحد عمري ما حكيت معه ولا بعرفه اصلا ومن الباب للطاق ال شو بحبني ومستعد يموت عشاني صحيح كان يسوي حركات تحرجني كان يصرخ باعلى صوته بحبك بالشارع ووين مكان وكانوا البنات يضلوا يحكولي نيالك وياريت يصير معنا هيك
وانا كل مالي كنت بزيد اله احتقار وكان يجيبلي ورد وابصر شو وضل على هالحال 8 اشهر وبعدها زهق يا حرام وفلسع

لانه اصلا لو بحترمني ما بحرجني قدام مين ماكان

وما بقتنع غير بشغلة وحدة الانسان اول ما يعجب بوحدة لازم يطلب ايدها
للزواج لانه المفروض بحترمها وبخاف عليها

ويا رييييت كل البنات يستوعبوا هدا الحكي

موضوعك رائع عنجد
تحياااااااتي

[Ćĥậľľễหgě ĻŐṿёŗ]

لحضه لحضه لحضه عندي سوال
قد سمعتي سعودي كلم واحده وتزوجها؟
مافيه
بس الظاهر الافلام التركيه اثرت على مخختكم (اعقولكم )يالبنات (المسكينات)
يعني تضنين ان الولد اللي يكلمك بيتزوجك؟
والله مافيه امل
ترا البنت احياااناً ((افهمو)) احياناً الضحيه
اما الولد المووووووووت

لا مو كل البنات مساكين

الي عندها عزة نفس ماتنزل نظرة لرجل ماتعرفه ولا تعطيه وجه حتى لو كانت تحبه ماهو آجنبي عنها ؟؟؟

وعندها وازع ديني بإذن الله ماتقع في شي غلطـ

على فكرة ترى البنات ماهو مثل آول مخفات اللحين صار في وعي لان القضايا صارت تنشر على الرآي العام...

شوكرن لكـ آخوي...

[. عايش متهني .]

هلا فيك أخوي مشكور على النصيحة الغالية والمفيدة .... وكلامك في مجمله صحيح لكن حبيت أعلق على بعض النقاط :

يعني بالعقل وش لون تحب من تليفون والامن الماسنجر واتم ماتعرفون بعض

الحب يجي بأقل من هذا .... ممكن وحدة تحب واحد من كتاباته مش من الحوار معه .... مو شرط يتقابلوا

ما دام أي شيء يحرك المشاعر فالقلب يحب مصدر السعادة ومصدر المشاعر الجميلة .

بعدين ليش البنت تسمع كلام اللي يكلمها وليش تثق فيه

العقل 90% منه يمشي ورى الإحساس .... على سبيل المثال : ليه الناس فيهم شرير وطيب ...

لأن الطيب يحس من داخله بالراحة والسعادة فيأثر هذا بسلوكه , والشرير عكسه ... فالتفكير يمشي

ورى المشاعر حتى لو كان الإنسان عقلاني ويصدق أفكاره اللي مصدرها المشاعر , والبنت هنا تصدق

المشاعر لأنها حقيقية , لكن مسبب المشاعر مش صادق , زي الصديق الوفي ممكن تحبه سنين وفجأة

تلقاه يقلب عليك فتنصدم , وهنا الشاب صديق خائن للفتاة .

ترا الواحد مايكلم البنت الا عشان رغبته الجنسيه بس لااكثر والا اقل

مش دائما , لكن الجنس هو نهاية المشوار في جميع الأحوال , ومادام الشاب لا يرغب الزواج

من الفتاة فسوف يرغب ممارسة الجنس معها دون زواج .

البنت اللي بتفكر بعقلها هاذي بنت عاقله والله يكثر من امثالها

ما في شيء إسمه تفكر بعقلها ..... أجل تفكر بأيش !!

فيه شيء إسمه ( تبتعد عن هذه الأمور ) عشان ما تطيح فيها حتى لو كانت ملتزمة .

والبنت اللي بتفكر بمشاعرها على طول هاذي بنت فاقده الحنان من ابوها ومن امها ومن اخوانها عشان كذا بتندفع وراء الكلام الحلو اللي بيسمعها

مو شرط .... وإن كان فقدان العاطفة سبب قوي ومؤثر , لكن الحب غريزة وحاجة نفسية حتى لو اهلها مغرقينها حب وحنان لازم

البنت تحب إنسان من الجنس الآخر .

قد سمعتي سعودي كلم واحده وتزوجها؟
مافيه

أنا سمعت كثير , قريبي وصاحبي , لكن فقط بعد ما حبوا فأجبرهم الحب ....


وفي النهاية الشاب مثل الفتاة ... مش شيطان زي ما يصوره الكثيرين ... فيه كثير من البنات يتسلوا

على الشباب وممكن يبحثوا عن الحب بهذه العلاقات .... فهم في النهاية قاعدين يدوروا مصلحتهم ,

والشاب نفس الشيء يتسلى بالكلام معهم ويدور الجنس والحب كمان وهذه مصلحته وحاجته ....

فليش قلتوا إن الشاب خاين والفتاة لا !!! ..... كلهم خاينين ولكن كل واحد يخون حسب فطرته وحاجاته .


شكرا .

[@النجم الخاطر@]

مشكور على موضوعك اخي العزيز

وابصراحة موضوعك جميل جدا ونقطة يجب ان نقف عندها ونتسأل عن الاخطاء التي نرتكبها في هذا الموضوع
وكلامك في محله وانا اخوك

لك تحياااااتي الخالصة

[بحبك دوما أشدو]

الله يجزاك خير اخوي على هالموضوع المفيد والجميل000وبصراحه اسلوبك عفوي وممتع000

والله ياخوي البنت على قد ماتكون عاقله لكن القلوب بيد الله000الوحده لازم ماتثق في نفسها في هذه الامور00

لاتدخل وتقول انا واثقه0000هو عن جد شيء يفجع0000والحل من الطرفين الشاب والبنت هو مراقبة الله000

واصلا من فين يجي الخوف من الله ونحن شبابنا وبناتنا هذه الايام لاهين تلقاهم حتى صلاة مايصلوا0000

الله يهدينا ويثبتنا ويبعدنا عن الحرام00000000

بارك الله فيك اخوي0000000

[امير البلاد]

سماء احلى

ياهلا فيك


اقتباس:
ومع هذا ما اصدق ان السعودي يحب السعودي ما يحب في حياتو الا وحده وهي >ميمتو يعني الماما بتاعتو )يعني


والله هاذا فخر لكل من جعل حب اميمتو الاول والاخير

المسلسلات التركيه مو حكي فاضي ويجي منها>>>بحب الاتراك فديتــــــــــهم..:d

والله وانا اخوك مافيها فايده بالعكس المسلسلات التركيه مسلسلات رذيله ونشر للفساد اجارنا الله واياك من الفساد
اسعدتني شوفتك

لك مني كل الاحترام والتقدير

[امير البلاد]

ارض الحريه

ياهلا والله سعدت بشوفتك في صفحتي

يعني واحد اول ما يشوف وحدة صار يحبها ويموت فيها!!!

هنا المشكله خلط الاعجاب بالحب الواحد لو يشوف اول مره يشوف بنت حللوووه اكيد انه بيعجب بالهبنوته بس اغلب الناس لايفهمون الاعجاب ماعيرفون الا الحب

واسعديني مروورك الرائع وتعليقك الأروع

[امير البلاد]

مايهزني رجل

ياهلا وغلا بك في صفحتي

لا مو كل البنات مساكين

انا بينت في الموضوع وقلت انا ماأعم في كل البننات

(طبعاً انا ماأعم كلامي للكل بالعكس فيه ناس طيبه وحبوووبه وقلوبهم بيضى)

اسعدتي شوفتك

لك مني اجمل تحيه