قصيدة,,كوكب الكويت,,حمد العربيد

[خادم الوطن]

حلمت فالسمه وفيها اسمك شكلته النجوم
وشفت شانك فوق تعلى فوق حتى الثريه
كوكب ضاوي ودري مايختفي مثل النجوم
تدور من حوله الكواكب روحه وجيه
يرحب فيك القمر والشمس مطر وغيوم
وخيام زهيه فيها غلامان اثوابهم زهيه
وانهار عسل يشربون منها مابينهم محروم
شعبك الدر منثور وشيوخك اللولو هديه
ياناس وين الذي يفهم في تفاسير حلوم
يفسر حلمي عساك ياديرتي دوم عليه
يازين اهل ابيوت الشعر والطين وكلهم قوم
على اترابك ايام الفقر وعيشتهم هنيه
مااعرفو الحقد والحسد لجل الموده تدوم
واليوم فرقتهم احزاب وقبايل وطائفيه
تفرقو الجماعه كويتين وكلن لخوه يلوم
والنعمه غدت نقمه ذا يقول لي وذا يقول ليه
واللي يحب الوطن من خيرها متعفف ويصوم
يسمو فالوطن والمواطن والوطنيه له سجيه
من عقب العمار يالكويت عمارك صار مهدوم
اهدموه بالدمقراطيه والمجالس الجاهليه
متفائل لك الخير يابلادي رغم اني مشؤم
إن وحد الصف والكويت شعار الوطنيه


خادم الوطن
حمد العربيد