أنا مالي بها الدنيا سوى قلب وقلـم وشعـور

[رومانسي حايلي]

إحســـاس حـزيـــن و مـؤثـــر ..
أنثره إليكم و لكم القلـــم الحر في إبداء آرائكم عليه ..



تزاحم بالضمير هموم قلـبٍ حايـرٍ مكسـور 00 ولا ينفع بقلـب المنكسـر كثـرة جبايرهـا

تلاطم بالضلوع العوج موجٍ عاتـيٍ وبحـور 00 ولا من مركبٍ وشـراع يامـن ثـار ثايرهـا

أنا مالي بها الدنيا سوى قلب وقلـم وشعـور 00 وصديقٍ صادقٍ ياقف ليـا صكـت معابرهـا

وليا ضاعوا بليَّاها حياةٍ مـن نكـد وعثـور 00
فلا مطرودها ملحـوق مـن كثـرة عثايرهـا

أنا قلبي دليلي فـي زمـانٍ مدبـرٍ مسعـور 00
كبيـرٍ مايهمـه لـو تحـاول بـه صغايرهـا

ألملم بالقلم أشتات روحي في ورق وسطـور 00 وأنثر كل معنى في ضميـر اللـي يناظرهـا

لي إحساسٍ يصور ما يحوم بداخلـي ويثـور 00 صدوقٍ وأعذب الأشعار ما تصدق مشاعرهـا

صديقي صعبٍ أختاره بعالـم بالأنـام يمـور 00
حسود وجاهل وراعي مصالح مـع مكابرهـا

يا كثر اللي يتضاحك لي وقلبه بالمرض مغمور 00 على وجهه يبين اللي يخفِّـي فـي سرايرهـا

صديقي مأمني ياقف معي بالخير وألا شـرور 00
ولا يبيع الذي بينـي وبينـه فعـل غادرهـا

ولا ينسى ليالينـا ولا هـو جاحـد ومغـرور 00
مواقفنـا القديمـة دايـمٍ بالخيـر ذاكـرهـا

ياليت الروح بحمول المصايب والعذاب تثـور 00 دخيلك شيلها يا مـال ويـن اللـي يثورهـا

علينا من عنا الدنيا متاهات وشقـا ودهـور 00
ولو إن الجبال تشيلهـا مـا أظـن تقدرهـا

إذا بظفرك طرفت العين لا تدور على دكتـور 00
ترى ما تحرق النيران غير اللـي يجاورهـا

لو الدنيا على كيفي أسوقه ولو تجي بعسـور 00 ولكنَّـا علـى كيفـه نغامـر فـي مخاطرهـا

أنا وقتي غدر بي مالحظـي بالزمـان عبـور 00
سنينٍ يقطعه ما أقساه مـا ترحـم مسافرهـا

ناسٍ كنها تقضي حياتـه فـي وسـط تنَّـور 00
ونـاسٍ مـادرت عنـا ولا ذاقـت مرايرهـا

أنا كلي عذر واللي شكا من هالزمـن معـذور 00
وأنا أدري جرح روحي زاد من كثرة تعذرهـا

تصنعنا السعادة يوم سرنا في فرح وسـرور 00 نحـاول نخفـي العلـة وتفضحنـا عبايرهـا

على الله كل شي يسير وأيام الزمـان تـدور 00 متى تضحك لنا الدنيا عقب ما شان ناظرهـا


: و أتمنى ان تنال على أعجابكم

[نوير بنت نوره]

اقتباس:

أنا قلبي دليلي فـي زمـانٍ مدبـرٍ مسعـور 00
كبيـرٍ مايهمـه لـو تحـاول بـه صغايرهـا

ألملم بالقلم أشتات روحي في ورق وسطـور 00 وأنثر كل معنى في ضميـر اللـي يناظرهـا

لي إحساسٍ يصور ما يحوم بداخلـي ويثـور 00 صدوقٍ وأعذب الأشعار ما تصدق مشاعرهـا

شكرا لك

رومانسي حايلي

قصيدة رائعة

تحياتي لك

[شموووخ نجد]

بصراحة قصيدة جميلة
وتعبر عن ذوقكِ الراقِ في الإختيار
فكل الشكر لكِ رومانسي حايلي ولإختياراتكِ

لاتحرمنا من جديدك
اختك
شموخ نجد

[غربة قلبي]

القصيده جداً راااائعه..وذوووقكـ اروووع

يسلمووووووو

[العـرووب]

سلم قلمك ونبضك يارومانسي حااايلي..
قصيدهـ قمة في الرووووووووووعه..
يعطيك العافية 000ولاعدمنـا إبداعكـ..
ارق التحاياااا..

[رومانسي حايلي]

اقتباس:
المشاركة الأصلية كتبت بواسطة نوير بنت نوره [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
اقتباس:

أنا قلبي دليلي فـي زمـانٍ مدبـرٍ مسعـور 00
كبيـرٍ مايهمـه لـو تحـاول بـه صغايرهـا

ألملم بالقلم أشتات روحي في ورق وسطـور 00 وأنثر كل معنى في ضميـر اللـي يناظرهـا

لي إحساسٍ يصور ما يحوم بداخلـي ويثـور 00 صدوقٍ وأعذب الأشعار ما تصدق مشاعرهـا

شكرا لك

رومانسي حايلي

قصيدة رائعة

تحياتي لك

نوير بنت نوره


تشرفت

بمرورك