روح ماهي روح في حي!!

[عالي@سماها]

يا ويـل حالي يـا عنـاها - وانا بحالي منطوي طَــيّ

أبكي وعيني زاد مـاها - والروح ماهي روح في حَيّ

أشكي لنفسي لي شقاها - ونفسي تواسيني وتشكيّ

والعين غرقت في بكاها - والــقلب لا هو يسر ويرضيّ

من يـوم والغالي بداهـا - ســـافر وخــلاني لـه ادعـيّ

ربٍ خلق ارض وسماها - بيـــده لذي نظهر ونــخفيّ

يالله، عسى يرجع مناها - يلي البلد من دونه تبــكي

وصحته تكمل عســـاها - والخـــير في وجهه بيضوي

غالي وروحي به بغاها - وان مابغاها، هي فيه تبغي

انظر علومه واجري وراها- ولا ياني عن حاله خبر شيّ

منهو يطمن نفسٍ وزاهـــا - حــــال الذي به حالي تلعيّ

ويقول: في خيرٍ حـــواها - وارتاح لـــو من همي شويّ

تفداك عيني مـــع ضياها - يلي وجـــودك ينشــر الضيّ

انت قـــمر ليــــلٍ ضواها - وانت الـــمطر لي يسقي الفيّ

وانت الزهر ونسمة هواها - وانت النظر تســـقي وتروي

وانت الحياة وانت حـــلاها - بعدك مـــرارة نفس يعطيّ

والعـــين ما ذاقت سناها - والشـــوق بات الروح يكويّ

ياروح روحك، لك فداها - والــروح ترخص لك وتجري

دعواي والدعوة رجاها - تبلغ إلـــه الكـــون والحــيّ

يحــفظك من شرٍ بلاها - وتعود لي بالخير مكـــسيّ



تحياتي :عالي@سماها

[اخصائي مختبر]

صح لسانك اختي شعر بقمة الروعه

سلمت يداكي على ما كتبت لنا

دمتي بحفظ الله ورعايته

[عالي@سماها]

مرور جميل وحلو منك اخي ... الله يحفظك لاهلك

[رومانسي حايلي]

يا ويـل حالي يـا عنـاها - وانا بحالي منطوي طَــيّ

أبكي وعيني زاد مـاها - والروح ماهي روح في حَيّ

أشكي لنفسي لي شقاها - ونفسي تواسيني وتشكيّ

والعين غرقت في بكاها - والــقلب لا هو يسر ويرضيّ


وصح لسان عالي سماها






يعطيييييييييييك العافيييييييييييه


قصيده رائعه بجد