دمــــــــــــــــــوع التيم

[اصغر ملك]

دمـــــــــــــــــــوع اليتيم

تدري وش اللي يجرح القلب جرحين
ويمد حبـل الحـزن فيـك ويشـده


انك تناظر طفل مـن غيـر ابويـن
يمشي ودمعـه سايـل فـوق خـده


منظر صعيب ويقسم القلـب قسميـن
لا قـام يمسـح دمعـه بكـف يـده

يمشي ولا يدري طريقة علـى ويـن
لين التعب من كثـر مـا تـاه هـده


اثقل حـروف يشيلهـا فيـة حرفيـن
لا أب يـدريـبـة ولا أم تـــرده


في خطوته رحلـة ودمعـة وسكيـن
وحـظ توسـد بالمراسـي مـخـده


جيت اسألـة بالله قللـي ولـد ميـن
وبغي يجاوب وختنـق صـوت رده


أنـا يتيـم ومـا لدربـي عنـاويـن
.وجزر الحزن فينـي يسـاوي لمـده


وطعم الطفولة ما عرفته لهـا لحيـن
وثوب السعادة صـرت مانيـب قـده


ابكي إلى من شفت غيـري سعيديـن
ليـن البكـا فينـي يوصـل لحـده


واقفي ورحت امسح دموعي من العين
وعيني تناظـر دمعتـه فـوق خـده

وهذا اللي يجـرح القلـب جرحيـن
ويمد حبل الحـزن غصـب ويشـده

[عطر الربيع]

أصغر ملك

تأسرني بروعة ما يخطه قلمك ..

رائع سيدي الغالي ورائعة هذه الهمسات الانيقة ..

لك اعجابي وتقديري ..

دام قلمك الراقي مشعا كما عهدناه ..


أخوك عطر الربيع

[اصغر ملك]

المشاركة الأصلية كتبت بواسطة عطر الربيع

أصغر ملك

تأسرني بروعة ما يخطه قلمك ..

رائع سيدي الغالي ورائعة هذه الهمسات الانيقة ..

لك اعجابي وتقديري ..

دام قلمك الراقي مشعا كما عهدناه ..


أخوك عطر الربيع

اشكرك اخي على مشاعرك الرقيقة
ومرورك الاكثر من رائع
ولكن للامانة لم يخط قلمي
الابيات اعلاه ولكن منقول
وشكرا مره اخرى

[αℓ нαωα αℓ gнαιв]

اثقل حـروف يشيلهـا فيـة حرفيـن
لا أب يـدريـبـة ولا أم تـــرده

الله عليك يا اصغر ..

مشكور يالغالي وماقصرت
تحيااتي لك عزيزي

سلام يالغالي