الجمهره قصيده عجبتني

[الاخضر ن]

اي بالله اخطوا والخطا الي جابهم عين الصواب
مبطي وانا اشوف الطمع يكشف رداهم واستره
مايملي عيون الحسود بهالزمن غيـر التـراب
ومن لايتوب من الخطا تحرم عليـه المعـذره
ودك اليا من جاتك الغلطه من النـاس القـراب
الصاحب الـي ماكسبـت بمحبتـه ماتخسـره
مشكلتي اني ماعرفت احسب لصدتهم حسـاب
قلطتهم صدري على ذكري قصيـد وحنجـره
صوت يصول بمنظره وخطاب مابعده خطـاب
والطيبه الي زعزعت صوت الخطيب ومنظره
مافيه دمع صوبوه أحبابـي بوجهـي وخـاب
ولازرق حزني علـى غالـي ولا فـج نحـره
كل الذهاب الي معي ذكرى من أصحاب الذهاب
والي بقالي من عذاب أشرف طريقي وأخطـره
لأني تجنبت الغرق عديت من فـوق السحـاب
لأن أكثر أصحابي ورق ماشفت للطيب ثمـره
والله ماحطيت بيـن الحقـد والخّـوه حجـاب
حتى غدوا ربعي يحدّوني على الضيق أشكـره
البارحه ثارت على أرقـاب وآوتنـي أرقـاب
البارحـه ياثقـل دم البـارح ويـا محـقـره
أهبدا وجه الحسـد وشلـون جمعهـم وغـاب
كيف السنين الـى عطتنـي بعثرتهـم بعثـره
أثر المصايب ماتجيك الا من النـاس القـراب
وبهالزمن حتى الخوي الي تثـق فيـه احـذره
لابارك الله في رفيـق تزعلـه كلمـة عتـاب
ولا جمـع رجـال الــي تفرقـهـم مَــرَه
عودت نفسـي كـل ماشـددت لليمّـه ركـاب
ماصد وجهي عن طريق الا ليا جبـت خبـره
الصاحب الي مايجي من صحبته غير العـذاب
نذر على ان ماهجرني والا انـا الـي بهجـره
من يفتح لفرقاي باب أفك لـه عشريـن بـاب
وإذا خـويـي مايـقـدّر خـوتـي مـاقـدره
ان روّحوا فأنا بـري منهـم ليـوم الحسـاب
وان جرحوا قولولهـم ماحركـوا فـيّ شعـره
شفهم لهم حول السنه ولا خذوا منـي جـواب
أحسـن دوا للـي يحـاول يستفـزك تحقـره
أنا جمعت أوراقهم بكتـاب وأغلقـت الكتـاب
ياوقـت لـم الـي تلمّـه وانثـر الـي تنثـره
ماكنت احاتيهم صغير عـاد أحاتيهـم شبـاب
أما ذخرني صاحبي لليوم الأسود مـا أذخـره
عقب اكتئاب البارحه ماعاد انا حمـل اكتئـاب
الطيب جرجرني وأنا ماني بناقـص جرجـره
الي يخاف من الظما يترك لنا طـرد السـراب
والي مـب قـد الظـلام ووحشتـه لايسهـره
أنا تجرعت الظما لين احتـرق وجهـي وذاب
أنا كسرت بخاطـري قبـل الصداقـه تكسـره
أنا خسرت الي غيابه غير عـن كـل الغيـاب
أنـا غفـرت لعالـم ماتستـحـق المغـفـره
أنا القصيد الي نزع من دفتـره مليـون نـاب
وأنا الوحيد الي جمـع مليـون نـاب بدفتـره
جفني وجرحّه السهر حيلي وهدتّـه الصعـاب
دمعي هدر ضحكي ندر عمري وضيعت أكثره
شيّبت عقول العـرب هيّبـت روس ماتهـاب
جمهرت ناس ماعمرهم مايعرفـون الجَمهَـره
وترى حلاتك لاحملت لصاحبك كلمـة عتـاب
أمـا نطقـت بهـا بوجهـه ماتذمـه بظهـره
في هالزمن مايملي عيون الحسود الا التـراب
ولا الحظيظ الطلقـه الـي ماتصيبـه تذعـره
ودك اليا من جاتك الغلطه من النـاس القـراب
الصاحب الي ماكسبت بمحبتـه مـا تخسـره

التحميل صوت
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

التحميل بدون مسيقى
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

منقول مع بعض التغير

[الاخضر ن]

سماع القصيدة

[النمر الدليمي]

رااااااااائعة والله


سلمت يداك على هذا النقل المفيد


شكرا لك

[الاخضر ن]

تسلم اخوي النمر الدليمي

وشاكر مرورك وردك الحلو

[=نور=]

؛؛

حـامد زيد من أروع الشعراء كلماته وأسلوبه

وقصايده كلها حلـوه
\
\
يعطيك العافيه

[αℓ нαωα αℓ gнαιв]

يعطيك العافيه يالاخضر

ماقصرت يالغالي

روعه القصيده

تحيااااتي لك عزيزي

سلام يالغالي