الاتصال الثالت بعدنان القاري

[tulipan]

تم اليوم الخميس 3_4_2008 الاتصال الثالث بيني و بين الستار عدنان القاري.



الاتصال استمر 4.55 دقيقة و عرفت فيه كم معلومة حبيت خبركم اياها .



أول سؤال سألته لعدنان عن رأيه بالنومنيز فقلي أنو إذا ضيا ما رجعت بتصويت الجمهور رح تطلع طبعا بفرض أنو بدر هو اللي رح يرجع بتصويت الجمهور لأن محلاوي راجعة أكيد لأن لو ما انقذها الجمهور رح يرجعوها رفقاتها.



يعني فرصة ضيا بالرجوع إما تصويت الجمهور أو أنها توقف مع بدر.



خبرني عدنان أنو الست والدته واصلة اليوم على سوريا كون هو لحد هاللحظة ما شافها من قبل ما يدخل على البرنامج<<<منتمنى لها سفر مريح و وصول بالسلامة بإذن الله.



عائلة عدنان مكونة من 4 أبناء ،عدنان هو الأكبر بينهم و بعده أخته أصغر منه بـ3 سنين و بعده أخوه كنان عمره 13 و بعدها أخته الصغيرة عمرها 8 سنين. <<<الله يحميهم لبعض.



سألته إذا رح يحضر هالبرايم فنفى الموضوع بسبب وصول الوالدة بس رح ينزل يحضر أحد البرايمات القادمة.



حكينا عن التصويت له و هيك شي فقال أنو هو كان متوقع من ظهر الجمعة أنه رح يمشي و الدليل أنه ما تفاجأ لما ما صوتوله و كان متل ما شفنا عادي و مبسوط .



و سألته عن رأيه بعدم تصويت محلاوي و ميرهان له فقلي عادي <<طبعا لأنه أكابر و قلبه أبيض.



هون أنا وقفت و ما حبيت كتر أكتر من هيك و تركته يستعد لاستقبال والدته و اتفقنا أنو اتصل فيه بكرا و أسأله كل أسئلتكم اللي حطيتوها و رح تحطوها على الموقع الرسمي للستار في قسم بين عدنان و جمهوره.



هادا كل شي لليوم انتظرونا بكرا أو اللي بعده بتفاصيل الاتصال الرابع مع الستار عدنان القاري و اجوبته على كل أسئلتكم .
منقول.

[zizo85]

merciii

w yarett tjeb lina kmala
brena n3arfou wach tla9a m3a asmaa walla laa

[tulipan]

حاضر .
في الاتصال الثاني قال عدنان انه يتصل باسماء يوميا وانو راح يزور المغرب او اسماء حتزور سوريا بمرافقة امها او اختها
يعني من تطلع لو الفيزا الاول هدا هو الخبر عنو وعن اسماء بس ساتي بكل المكالمة يعني الاتصال الاول والثاني.
شكرا لكم

[tulipan]

اليوم 2_4_2008 تم الاتصال الثاني بيني و بين الستار عدنان القاري

هالمرة الاتصال كان أطول شوي استمر بالضبط 8.19 دقيقة و حكينا فيها عن كتير أمور رح احكيلكم بالتفصيل الممل:

أول ما اتصلت فيه كان عم يعزف على غيتاره و اكيد كالعادة كان عزفه رووووعة كتير استمتعت بهلشي.

سلمت عليه و وصلت سلامكم كلكم و قلتله أنو الأعضاء عندهم أسئلة لك و بكل صدر رحب جاوبني عليها و كانت الأسئلة كالتالي:

سألته عن أسومة قلي انو عم يحكي معها كل يوم 4 أو 5 مرات و هي كتير منيحة

و سألته بالنسبة لزيارة المغرب فقلي أنو هو عم يحضر حاله إما للسفر أو لاستقبال أسومة بسوريا يعني حسب الفيزا بالمغرب إذا ظبطت فيزته رح يطلع هو و إذا ما ظبطت رح تجي أسومة أو مع أمها أو مع أختها على سوريا <<<حقيقة أمنيتي أنها هي اللي تجي لحتى أكسب شوفتهم هنن ال2 سوا ^_^

بالنسبة للديو بينهم خبرني أنو في هيك مشروع و انشا الله خير و يصير المشروع حقيقة

بالنسبة للاتصال مع قناة الجرس فهو أكدلي تماما أنو رافض هالموضوع 100 % لأن هو مرتبط بعقد مع الـlbc و هو بيحب مدام رولا سعد كتيييييييير و بحب كل طاقم العمل بالـlbc و أنو الجرس قناة فضائحية و عم تدور على الشهرة من ورا البرنامج و عم تدور على أي شي تحكي فيه .

وعدني بزيارة قريبة جدا على المنتدى و هو حاليا عم يتصفح المنتدى كعضو و بعدين انشاء الله رح يدخل معنا نظامي لما يصير الظرف مناسب .

هي باختصار كل التفاصيل اللي بيهمكم تعرفوها و طبعا صار في أحاديث بمواضيع أخرى سيتم الإعلان عنها لاحقا

بتمنى أنو كون طمنتكم و كونت لكم فكرة كاملة عن الستار حاليا و بوعدكم انشاء الله بتغطية شبه يومية لكل شي حابين تعرفوه عن الستار

طبعا كلكم بتعرفوا أنو إذا حابين تطرحوا أي سؤال على الستار عدنان بإمكانكم بكل بساطة التوجه إلى الموضوع المخصص لذلك في قسم بين عدنان و جمهوره في منتداه الخاص و أنا انشاء الله بوصله كل هالأسئلة و بيجاوبنا عليها .
منقول من موقع عدنان الرسمي
تحياتي

[خطافة الأرواح]

اهم شيء طلع
ريح وارتاح

[دلولعة المغرب]

الحمدلله طلع اوف قبال قدوير مجنون هو كريهان اوف