اللي تبي شعرها يطوووووووول بمدة قياسية تدخل
السلام عليكم
مرحبا بنات....
آنا عندي لكم وصفة تطول الشعر بمدة قياسية و بشكل كبيييييييير و نتايجها تشبه نتيجة زيت أم الجدايل.............
اليوم كنت بالمشغل و شافتني وحدة عجوز شوي و قلتلها اني ادور شي يطول الشعر فقالتلي عن شغلة وااااااجد سهلة و تقول ان بناتها على طول يستخدمونها....
والله يابنات ان العجوز هذي من طول شعرها انها تقعد عليه!!!!!!!!!!!!!!
آنا استغربت انها مرة كبيرة و شعرها هالطول و يلمع و ناعم....
الخلطة اللي قالتلي عنها مايبيلها شي:
أخذي ترمس مطحون و نقعيه في ماء حاااااار من الصبح الى الليل، بعدين صفيه و غسلي شعرك فيه او ادهنيه فيه المهم انك تخلينه على شعرك من الليل الى الصبح بدون ماتشطفينه وخلال 10 ايام بتلاحظين الفرق،،،،،، وتقول بعد ان هالخلطة تساعد على فرد الشعر المجعد.
بالنسبة لكمية الترمس قالتلي احط 3 ملاعق كبيرة مع كوبين ماء حاااااار وانتوا زيدوا الكمية حسب الطول...
وتقول بما ان الترمس بيكون مطحون و عشان تتجنبين انه يلصق بالشعر مثل البودر ممكن تحطين الترمس في قطعة شاش و تلفينها عدل و بعدين تنقعينها بالماي عشا ما تلصق بالشعر..
انشالله تجربون هالوصفة و تبشروني بالنتايج و آنا ببدى فيها من اليوم انشالله.
--------------
منقول للفائده
العرض العادي
