حقيقة ميرهان حسين

[flowtex]

أنا بقالي فترة شايفاكم شادين السلخ على ميرهان بداعي ومن غير داعي ولي بعض التعليقات على ما كتب على ميرهان... يعني مش طبيعي إن كل واحد بيدافع عن إبن بلده إلي يشرف وإلي يعر..... وأنا هسكت؟؟؟؟ وإذا كانت ميرهان فقدت كل المزايا إلي عندها في وجهة نظركم... فكفاية إنها مصرية وكفاية يكون هو دة السبب للدفاع عنها

في مرة من ذات المرات رديت على موضوع إنكتب عن أحمد وعدنان وقلت فيه "يا ترى عدد الناس إلي هتصوت ليهم إنخفض قد إيه بعد الموضوع ده؟؟؟... وللأسف صاحب الموضوع إفتكر إن ده هو همي من الكلام بتاعي

يا جماعة إلي قرر يصوت لميريهان هيصوتلها حتى لو قتلت قتيل

وإلي قرر يصوت لفلان هيصوتله حتى لو عمل إلي ما يعمل

في انتخابات الرئاسة الأمريكية يخاف المشاركين في الإنتخابات من ردود أفعال المواطنين في أي لحظة.... أي تصرف ... أي أخبار... أي ماضي..أي صور.... ممكن تقلب الدنيا وما تقعدهاش.... إلا في برامجنا دي.... إلي بيحب حد وبيشجعة لأي سبب كان ... بيفضل يحبه ويشجعه حتى النهاية ... وتحت أي ظرف ولو عمل إيه.... وأي مصيبة هيعملها هتتقلب بقدرة قادر لميزة ......وأي غلطة هيرتكبها في حق زملاؤه ... هيكون ردكم عليها كما تفعل إسرائيل وتعطوه الحق في الدفاع عن نفسه!!!!!

يعني في التليفزيون لما محمد قويدر يعمل عملة من عمايله ... تلاقي أهل الأردن بيدافعوا عنه دفاع مستميت.... والسنة إلي جاية هتلاقيهم بينتقدوا أي مشارك هيعمل 1/8 من الأعمال إلي بيعملها محمد بدافع إن الأخلاق هي الأهم

يعني من الآخر المواضيع إلي بتكتبوها ... لا هتقدم ولا هتأخر


وبصراحة أنا قعدت أراقبكم بقالي شهرين استلمتوا فيها أسماء وقلتوا عليها إلي ينقال وإلي ما ينقالش.... عاوزين الحق ... البنت ما عملتش حاجة فظيعة تستدعي ذلك ... على فكرة أنا لا بحبها ولا بكرهها... بس الحق ينقال... البنت ما عملتش حاجة فظيعة... يعي لو عملت.... بردة عمايل مش فظيعة

اليومين دول هما يومين ميرهان

أنا شايفة ميريهان بنت لطيفة جداً... ميريهان قريبة من كل الناس في الأكاديمية... الشباب والبنات.... ردود أفعالها لطيفة.... وعاقلة... حتى لما إتنرفزت على خالد ... كانت نرفزتها بعد فترة من صبر وعدم رد عليه ... والدليل إنه صالحها وإتأسف لها لأنه شعر إنه أخطأ في حقها

طبعاً هتكلم عن الموضوع إلي مضايق الكل في حكاية ميرهان

موضوع اللبس

ميريهان بتلبس قصير.... يا سلام ... بجد مالهاش حق.... الكل لبس قصير.... الأغلبية لبست مايوهات منها الساخنة ومنها الباردة.... فساتين البرايمات... حدث ولا حرج.... من أول فساتين أكاديميز أنجلز.... لغاية الفساتين العادية...
ولو عاوزين الحق... إيه إلي ظهر من ميرهان وهي لابسة الشورت ... ولم يظهر من شذى حسون في كليب روح؟؟؟؟

هما دول الفنانين..... إلي عاوز يشيل ذنوب يتفرج على البرنامج....لأنه مش هيلاقي أقل من كدة وإلي عاوز يبعد عن الشبهات ما يفتحش البرنامج خالص

وبعدين إيه يا جدعان.... إنتوا لما شفتوا الملابس الساخنة دي من أول ما البرنامج ما إشتغل من 5 سنوات.... وماعجبكومش الحال.... وبعدين شفتوا نفس الملابس في تاني نسخة وما عجبكومش الحال.... وشفتوا نفس الملابس في النسخة الثالثة والرابعة.... وبردو ما عجبكومش الحال..... بتدايقوا نفسكم ليه بالفرجة على نفس الملابس في النسخة الخامسة.


موضوع مصطفى
معلش يا جماعة .... عندي سؤال ..... هو حرام واحدة تحب وتتجوز كمان واحد أصغر منها.....؟؟؟؟؟؟ وقبل ما تندفعوا في الرد...... فكروا كويس .... مين نعرفه كويس جداً جداً جداً.... وكانت زوجته أكبر منه بفارق كبير؟؟؟؟؟؟؟؟

وبعدين علاقة ميرهان بمصطفى حتى لو هي بتحبه مع نفسها.... لم أجدها تجاوزت أي خطوط حمراء في هذه العلاقة... وتفرق إيه علاقتها بمصطفى عن علاقة بوشوشة بزاهر؟؟؟؟ ما هو الواحد بيشوف ردود فعل بوشوشة بعد رسائل المعجبين بيها وبزاهر وكلامهم عن قصة حبهم.... ومحدش جاب سيرتها أو إتكلم في الموضوع


الصوت
صوت إيه إلي جايين تتكلموا عليه؟؟؟؟؟
أنا هكون أحسن منكم ومش هفكركم بالأصوات البشعة إلي ساندتوها طوال أربع سنوات سابقة وكان ليكم حجة مختلفة كل مرة


إتكلمت على بدر
وبعدين إيه المشكلة لما ميرهان تقول على بدر إنه بينسى!!!!! .... إيه الغلط في إنها تقول عليه إنه بينسى؟؟؟؟؟ هي دي شتيمة؟؟؟؟ ولو حتى إتقالت باي طريقة.... فين المشكلة؟؟؟؟؟ هو بدر رئيس وزراء بريطانيا؟؟؟ وممنوع الاقتراب منه؟؟؟؟؟ دة حتى رئيس وزراء بريطانيا الناس بتنتقده


ولو هنتكلم على الشكل

فمعلش.... فيه مثل عندنا بيقول ... لو كرهتوهم ما تكدبوش عليهم.. وأراهن بـ100 جنيه إن 99% من إلي بينتقدوا شكلها أو جسمها هم في الحقيقة يقلون عنها جمالاً ورشاقة ... وبكثير.....
وبالنسبة للإيفال إلي عملته مع نادر.... بصراحة أنا بتهيألي إني بكلم ناس كبيرة ومش ممكن أعيد وأزيد عن هذا الموضوع...

السنة دي أنا متأكدة إن اللقب مش هيروح لميرهان ولا شهيناز.... وأرى نادر وعبد الله أحق
بس لما ألاقي جمهور دة أو دة أو أي حد تاني سايب الدنيا وبدل ما يشغل نفسه بمدح والتحدث عن نجومهم.... سابوا كل ده وقاعدين ينتقدوا غيرهم مش كدة بس.... شوية كلام عن المصريين.... والفول والطعمية والكشري والمسقعة والملوخية بالأرانب.... فأكيد أنا في الآخر لا هشجع ده ولا ده ولاده ولا غيرهم والمسألة أتقلبت حرب.... من مصلحتي كمشجعة لسين من الناس إني أكلم الناس أكثر عن مزايا سين من الناس... لأني أكيد في يوم من الأيام ممكن أحتاج هؤلاء الناس علشان يقفوا جنبي.... بدل ما أخسرهم .... وينقلبوا إلي أعداء


واخيرا موضوع المايوه والبسين عايزة اقول لكل اللي اتكملوا فيه " هي حرة " وشاهيناز حرة وامل بشوشة حرة واسما وضياء ومحلاوي حرييين يعمول اللي بيعملوا يعني انتم مش بتشوفوا الفنانين بيلبسوا ازاي !!!!!!
هي تربيتها كده زي بالظبط مافي محجبة بتلبس بنطلون ومحجبة لأ كل واحدة حرة .. يا جماعة موضوع اللبس ده كل طالب حر فيه .
وعلشان اعرف الناس اللي شكلها مش عارفة حاجة مصر فيها كتير مستويات بينزلوا البسين بمايوهات زي تونس والمغرب والجزائر ودبي انا شفت بعيني بنات لابسين مايوهات في دبي ومعاهم المدرب بتاعهم وبنات مش صغيرين فياريت محدش يتكلم على اي بلد وندخل البلاد في النص لان كل بلد وليها تصرفاتها، كلامي مش معناه ان بنات مصر كلهم بيلبسوا مايوهات لا فيهم المحجبات واللي بشعرهم وكلهم محترمات وياريت متنسوش ان الدخلو في عرض البنت ده حسابه كبير عند ربنا ، احنا نتفرج وننقد بس مين غير ما نجرح .. مش صح الكلام


كل سنة المصريين ليهم معاكم نصيب الأسد من الهجوم.... وكل سنة ليكم حجة مختلفة ....مرة لابسة صليب .... مرة لابسة شورت .... مرة لابسة عفريت!!!!!

وكل سنة بردو.... بشوف الأعضاء المصريين .... زي العسل.... لا بيفتحوا مواضيع يتكلموا فيها عن مايوه دي.... ولا بوسة دي لده... ولا فلان عمل وفلان سوى.... حتى ردودكم على الناس إلي بتغلط... ردود مهذبة.....بصراحة إنتم 100 فل و17 وما زلتوا عند حسن ظني


الدنيا فيها حاجات أهم بكثير من إني اصحي الصبح أول حاجة أعملها إني أكتب ميرهان عملت إيه إمبارح ولبست إيه إمبارح وحبت مين إمبارح وقالت إيه إمبارح.... وأنزل فيها شتيمة

بقالكم شهرين بتشتموا فيها في 100 موضوع
فمعلش لو طولت عليكم في موضوع واحد بيدافع عنها

منقوووووووووووووول

[زيزو اللزيزو]

الغيــــــــــــــــــــــره من مريهـــــــــان هى اللى مموتاهم

[فتاة مصر]

مرسي علي الموضوع

بس الموضوع مكررر وشكرا

[gooogooo]

ميمااااااااااااااااا ستااااااار

[ريميّة]

مكررررررررررررررررررررررررررررررررررررررررررررر
لكنه صحيح
مكررررررررررررررررر
ومنقووووووووووووووووووووووووول

[αℓ нαωα αℓ gнαιв]

طيب والهدف من الموضوع .؟
.؟
؟.
يالغالي إحنا مو ناقصين مواضيع عن ميرهااان .. عشان تجيب لنا مواضيع منقوله .؟
وكفاايه خلاص..
والله الناس بتكره ميرهان بسبب جمهورها ..
..
كثرة المواضيع عن ميرهان مو في صالحها ..والله
..
لهذا يغلق الموضوع ..
مع كل حبي وإحترامي وتقديري لجمهور ميمااااا ..
..
..
..

[حلا شمر]

صراحة

صعبتي علي كثير ناقلة موضوع ومتعبة نفسك ....


ميرهــــــــــــــان


مـــلــــــــــــكــــــــــــة الــــــــــــــــخـــــــــــــــــراب