الانطباعات الاولي قد تدوم و قد لا تدوم

[صااافي الاصلية]

هاي

الانطباعات الاولي قد تدوم و قد لا تدوم

أسماء كنت بحبها جدا بقيت مش بحبها و مش بطيق تصرفاتها مع عدنان دا غير انها كانت سيئة في البرايم اللي فات مع ان صوتها اساسا جميل

ضياء كنت حيادية معاها بقيت بموت فيها و بحب اسمعها في الغربي عشان هي مش بتغني اجنبي و خلاص زي تينا لكن بتغني ب احساس و بتضيف بحة و هي بتغني رائعة

شاهيناز كنت متوقعة انها تكون ممتازة عشان صوتها رائع لكن للأسف عدم ثقتها في نفسها و رغبتها ان اي شاب يحبها خلتني محبهاش عشان اهم حاجة في المغني أو الممثل ثقته بنفسه و شخصيتها و اسلوب كلامها مش لطيف

ميرهان كنت مش بحبها و لكن بعد البرايم الأخير اقنعتني اني احبها حضور و رزانة و ثقة في النفس و كان صوتها حلو و هادية في الاكاديمية و كنت فاكراها بتحب مصطفي طلعت بتعامله كأخوها الصغير

احمد كنت بكرهه بقيت اكرهه اكتر , ثقل دم + صوت ردئ + غرور + رغي

سعد كنت بحبه عشان صوته زي صوت عبد الحليم و عشان شبه ابن خالتي تيبيكال بقيت احبه اكتر و هو عندي احسن صوت في الولاد و لكن تصرفاته مع ضياء مش مريحاني يعني ساعات مش بحس انه صريح

مصطفي كنت بستلطفه عشان كيوت و برئ بقيت احبه اكتر لكن عايز شغل في صوته

عبد الله الصوت الوحيد من الخليج اللي عجبني وواثق من نفسه و لكن حضوره ضعيف للأسف

زاهر بجد ظلم طلوعه نومينيه انا بحبه جدا

نادر كنت مش بحبه اوي بقيت احبه جدا عشان رائع في البرايم

امل بوشوشة كنت عادية تجاهها لكن طيبتها و نشاطها في البرايم و ادبها خلاني احبها

امل المحلاوي بردو مكنش فيه اي شئ تجاهها لكن بقيت احبها

ايمان للأسف صوتها وحش جدا رغم ان شخصيتها عسولة و تدخل علي القلب بسرعة