حركات الشباب اثناء المذاكرة

[الحرالنداوي]

1- الثلاث وجبات الرئيسية لازم يقعد عليها أول واحد ومايقوم الا آخر واحد (جوعان المسكين ماينلام) ،، واحيانا يزيد وجبات اضافية اذا كانت المادة دسمة .

2- يقعد يسوي نفسه طفشان وتعبان ويااااااربيه ماني قادر اذاكر مدري وشفيني حاس بكتمة يمه 00الظاهر احد قاري علي والا صاكني عين 000 تقعد امه الضعيفه تسمي عليه وترش ترشه من هالعزايم وموية زمزم000 وتعال ياوليدي اقرى عليك00
كل هذا عشان اذا سقطت يقولون عين حايسته ( انا ما اقولكم ان كل الي يسون كذا يكذبون لان العين حق بس الغالبيه يفقشون )
3- بعضهم ينزل عليه وسواس نظافة ايام الامتحانات يتروش الصبح والليل وقبل كل صلاة وكل ماقلت له امه ياوليدي بكره اختبارك ذاكر خلاص تقشر جلدك من الترويش قالها يمه ان الله جميل يحب الجمال (وطبعا هالمثل ما يجي على باله الا وقت الاختبارات) ولا يطيح تلميع وتغسيل بالسياره وتستيب بالكفرات(مأثرين فيني اخواني عادي لاتستغربون كل واحد يمشي وبجيبه علبه ستوب) لين ماتتقشر بويتها
طبعا هذي من واجباته اليومية مايقدر يتركها عشان يذاكر مايصير0

4- وبعضهم تنزل عليه صلة الرحم فجأه يقوم يكلم واحد من اصدقاه القدام من زمان ماكلمه 000يبي يشوف كان ماعنده شي يبي يمره بعد العصر يسلم عليه يشوف وش صار عليه ويشغله عن المذاكره 00 ويمر جدته وجده وكل اقاربه يبداهم زياراة من اول يوم لاخر يوم من المتحانات وبعد الاختبارات (مسااااااااااااااافر في زمن النسيان <--والله انك جبتها ياراشد)
5_وهذا المسكين اللي من قل الحيله يوجع القلب لاقفلت معه قضب المخده ونام لين تصحيه امه الصبح ويقول يووووووه راحت علي نومه00

6_ يأنبه ظميره لازم يدخل المنتدى يشوف من رد على مواضيعه ومن نزل موضوع جديد ولا يترك موضوع ألا ويرد عليه ولا ويطيح رسايل خاصه لكل الاعضاء الي فاقدهم طبعا هم لهم شهور مادخلو بس توه يجس انه فتقدهم من زود الفضاوه

[Strange Angel]

[center]

والله أنك صادق فيهم

Strange Angel

[/align]

[الحرالنداوي]

تسلم حبيبي على المشاركة

[BINKITEB]

مشكور أخوي

ينقل منتدى النكت و الطرائف

[وقت الرحيل]

مشكور اخوي لوووووووووووووووووووووول اشكالهم تضحك اتخيلها

[حيووو]

والله ظريفين الشباب في هالحركات وخاصة لما ياكلو اكل يحتاج تعبه ووقت
والام المسكينه ....

[الدلوعه موت]

يعطيك العافيه وعلى فكره حتى البنات كذا

[al-zaeem45]

خخخخخ لا مش كلنا

[درّة المتوسط]

ههههه
تشكر.........

[سراب عشقي]

هههههههـــ ـــــخخخخخخخخخخخـــ ـــــههههههه

يسلمووووووووو