ليش تستحي من أبوك أكثر من أمك ؟؟؟

[نسيم الرياحين]

السلام عليكم


شخباركم وشلونكم

كثير من العيال والشباب يومونون على أمهم أكثر من أبوهم
يعني اذا يبي فلوس أو بيطلب شي أو بيسأل عن شيء
تشوفونه يستحي كثير من أبوه
ويحط الحرقة في أمه
أحيانا الأب يحط حاجز بينه وبين عياله ويكون جاد أكثر من اللازم
وأستغرب من هالعلاقة الغريبة اللي بين الأب وولد أو بنته
أنا أقول الاحترام لابد منه بس مومسأله الخوف او الحياء الزايد
مع الأبو..
يعني تشوف الأبو يسالف مع عيال الناس وعيال ربعه
بس مع عياله يكون غير واضح ويكون تصرفه معاه غريب وجدي أكثر من اللازم.
في المقابل في أبهات مثل الأصدقاء مع عيالهم وهذا شيء ممتاز
بس قلنا لابد أن يكون بينهم احترام



ترى انا أتكلم من جد فيه أولاد يستحون من ابهاتهم بطريقة غريبة غريبة!!!
طيب العيال ماتنلام اذا استحت من الابو بس الأبو ليش مايكسر هالحاجز ؟؟؟

منقــول مع التعديل ^^

[*زهرة البنفسج*]

امممممممم

بالنسبه لي عادي .... علاقتي مع ابويه عاديه ....،، ماعندي الخجل الزائد عن اللزووم

يمكن انا مع امي جريئه اكثر ..بحكم اني بنت ...وامي دائما الاقيها امامي .....بالاضافه لبعض

الامور اللي تقدر ناقشها البنت مع امها ..... بعيدا عن الاب ...... لان الام ممكن تفهم البنت اكثر من الاب
.... بس هذا مايعني اني مااتواصل مع ابويه من شدة الخجل .... لا ابدا




يسلموو نسيم ع الموضوع

[دروب المحبـــــة]

وعليكم السلام ورحمة الله وبركاته


اهلين برنس نسيم 00 موضوع حلو

شوف أنا / كنت جري مع الوالد (الله يرحمــة ويسكنة فسيح جناتــه)
اكثر واحد من أخواني كنت جري معــه يعني نمزح كثير ونعلق على بعض
ماكان فيـــه حاجز بينا قوي / فيـــه خصوصية في بعض الأمور اللي اشوفها
عادي بين كل واحد أب وأبنــه 0
بس كنت اكثر واحد يتسطر من ابوي أنا / لأنــى العب كورة كثير وماذاكر وخاصــة وقت الاختبارات
انواع التسطير 000 مره سحبني من تحت السرير اطلع يالوح ليش تلعب وانا قايل لك ذاكر
طرخ طرخ <<< والله لذاكر يبه 000 بعد ايش 00 ويأخذني عنده بالمجلس لين وقت مانمت

وفيه مواقف تدل على أن الوالد يفهم ولده وش يحب وش يكره
اذكر في بعض المرات يوم اكون مريض يقول ابوي(الله يرحمــة) شغلوا التلفزيون ودورو لــه مباراة للهلال
خلوه يتفرج عليها <<<< يعرف أني مافوت للهلال أي مباراة <<< الله يرحمـــة 0



أما أمي الله يحفظها ماشوف حاجر بنا بس احياناً تعطيني كم كلمـــة تقصد بها شئ وانا اسوي نفسي
مو فاهم 000
يسلموووووووووو نسيم على الموضوع الحلووووووووووو

[عاشق نجمه]

مشكور نسيم على هذا الموضوع بس انا صراحه استحي من امي مثل ما استحي من ابوي

[‼•∙ AsoOola ∙•‼]

بالعكــس تماما لوول
أحب المزاح مع أبي أكثر
أبي في كثير من المرات يكون
أحن علي من أمي
يعني ماما جدية شوية وبابا عادي جدا
وعلاقتي بيه كويسة جدا
ماما كمان أكيد بس بابا مابيحبش يشوف
ماما بتزعق علينا أو كدة

بمعنى أخر مدلعنا جدا جدا
/
مشكور نسيم على النقل مع التعديلات
تحيتي لك يا مبدع

[Manochka]

والله انا علاقتي جيدة مع الاثنين ...يمكن استحي من والدي اكثر لأنو صارم و جاد في كل شيء...امي كمان صارمة لكن كوووووووووووول
مرسي على الموضوع

[ريانة العود...]

مرحباا اخوي نسيم...(( اهم شي انك طلعت شاب وانا من دخلت المنتدى وانا احسبك بنت)) خخخخ معليش من جد مالي داعي...
المهم يالحبيب انا بالنسبة لي امي وابوي ولله الحمد علاقتي فيهم زينة ((الله يخليهم لي ويطول بأعمارهم)) ووالدين الجميع...لكن مع امي امون عليها اكثر ومااستحي منها واي شي اطلبه او ابيه على طول اقولهااا وحتى الوالد اذا بغيت شي او محتاجة شي على طول اقوله لكن في بعض المرات تلاقيني استحي منه واوصي امي علشان تروح تكلمه لي ..لكن بشكل عام مافيه ذاك الخجل اللي مايخليني مرة وحدة ماااحكي معه..وبالنسبة للعلاقة الغريبة مع الوالد هذا انا اشوف انه يرجع على حسب طريقة الاب في التعامل في بعض الاباء تلاقيهم انواع الميانة مع عيالهم وفي بعض الاباء لا..انواع الجدية والعسكرية مع عيالهم وغير كذا لاننسى ان الاب مو دايم يكون في البيت يعني مايصير في وجه العيال على طول مثل الام مقابلة عيالها وبناتها اربعة وعشرين ساعة فامن الطبيعي ان العيال او البنات يمونون على الام اكثر من الاب..
وبس هذا اللي اقدر اقوله ولك كل الشكر والتقدير وتقبل مروري..

اختك..ريووووووووووووونة

[أبو أسامه المدني]

أعتقد أن السبب هو هيبة الأب

بارك الله فيك

[دمعة نمله]

:

بالنسبه لي بالعكس اموون ع امي وابوي

حتى اني اتدلع عليهم واسوي نفسي زعلانه منهم اذا بغيت شيء تعجيزي ويجي ابوي وامي يراضوني >>>>>>>>>>>>>>>>> هو المفرووض انا اللي ارووح اراضيهم بس وش اسوي الدلع لعبن فيني لعب



بس بحكم الام انها دايم مقابلتني في البيت يعني مااستحي منها كثير

وابوي لاتخافون علي اذا بغيت شيء ركبت السياره قبل ابوي يعني الاخت تعجيزيه


مع اني حيوويه كثير بس مع امي وابوي لا

[النمر الدليمي]

والدي اقرب انســــــــــــان لي


انا احبه اكثر من كل الناس



وسر شموخ الاب

في هذا الحاجز الذي تقول عنه

هذا الحاجر الذي لطالما حيرنا

فمرة تراااه كانه سد منيع

ومرااات لا تجد له آثر




مشكوووور يا صديقي الغالي