للنقآش.. سعوديه.. ام ..سوريه ..

[&دعاني الشوق&]

كنت جالس في الأستراحة ..


وبالي مشغول .. !!!!!


الشلة مجتمعين وملاحظين ان بالي مش معاي .. أبو زيد .. الووووو أبو زيييييييييد وين الناس


وين الضحكة وين البسمة ..؟؟ ما تعودنا كذا أبو زيد .. "كلهم بصوت واحد" رددوا هالعبارات ..


أنا لاحظت هالشي في خاطري أشياء كثيرة ..


للمعلومية أنا توني متزوج الثانية .. واخذت بنت سورية عمرها 18 ومالي سنتين معها .. بس عايش أجمل


لحظات حياتي مع العلم اني مسكنها في شقة أقل اربعين مرة من فلة حرمتي الأولى واللي عندي


منها طفلين ، والسورية ماكتب لي منها نصيب .. مدري يمكن عشان الأولى داعية علي وعليها ..


عموما ضحكت وابتسمت ..


قال واحد من الشباب : ياشباب لا تشرهون عليه .. اليوم يوم السعودية ومو طايق نفسه خخخخخخخخخخخ ..


وضحكوا الشباب بس يحاولون يثيرون أعصابي ..


لكن بكل بروووووود .. ياحبايب والله عايش جو ثاني .. وتبون الدليل :


طلعت الجوال النوكيا وارفع السماعة على تلفون بيت زوجتي السوري "رنا" .. وعاد الشباب يعرفون اني


منفتح شوي وخصوصاً اني درست في سوريا سنتين الماجستير ولا يهمني هالأشياء ..


بس حبيت اني أثبت لهم .. الفرق الكبير وعشان يعذروني ..


المهم دار الحوار بيني وبين "رنا" كالتالي:


أنا: السلام عليكم
(بصوت متجهم شوي كني زعلان) ..
رنا: ياهلااااااااا والله ومرحبا .. بعد طوايفي
(تحاول تجيد اللهجة الخليجية) ..


-- طبعاً الشباب طارت عيووووونهم واللي يلعبون بلووووووت
وقفوا اللعب وقربوا عندي يسمعون الحديث ..


أنا: كيفك رنا ؟؟
رنا: بخير ياحياتي .. ومشتااااااااقة كتير كتير أبووووووسك .. هههههه
(ضحكة بخنج) ..


-- طبعاً أنا هنا بغيت اخق عند الشباب .. بس قلت كمل يبوزيييييد
وخلهم يعيشون معي لحظات السعادة ..


أنا: رنا أنا تعبان وبدي اجي الحين ؟ فيه عشاء ؟
(طبعاً بصوت حزين ومكتئب) .
رنا: فيه كل شي تأبرني .. انتا تعال .. وحتلاقي كوول شي جاهز ياحياااااتي ..


أنا: رنا أنا ضايق صدري مرررررة مدري وش فيني ؟
(بنبرة اكتئاب طبعاً ) ..
رنا: ولك تأبرني ..تعال وأخليك تضحك .. وأعملك كل اللي ينسييييك
همومك ياعوومري .. ولك تأبر قلبي انتا ..


أنا: مشكورة رنا خلاص شوي وأدق عليك .. مع السلامة ..
رنا: مع السلاااااااامة حبيب ألبي .. (مووووووووواه) .. بووووووووسه
شقت جباه الشباب من الشفقة خخخخخخخ




صكيت السماعة والشباب تسدحوا عندي ولسان
حالهم يقول "ياللللللله الجنننننة" ..


وقلت أبخرب امها اليوم ..


واوريهم الوجه الثاني من الهم .. والغم والأكتئاب
الحقيقي .. (عشان يعذروني) ..


واتصال على الأخت حصة وبنفس السناريو السابق ..


بس الأختلاف فقط في اجوبة المدام الزوجة الأولى

المهم دار الحوار بيني وبين "حصة" كالتالي طبعاً بجوالها طال عمرها:


أنا: السلام عليكم
(بصوت متجهم شوي كني زعلان) ..
حصة: عليكم ..


-- طبعاً الشباب اللي يلعبون بلوت رجعوا وصكو صكة ثانية .. لأنهم عارفين الأسطوانه خخخخخخخ ..

أنا: كيفك حصة؟؟
حصة: تعيبانه شوي .. سم .. وش تبي ؟

أنا: حصة أنا تعبان وودي اجي الحين ؟ فيه عشاء ؟
(طبعاً بصوت حزين ومكتئب) .
حصة: وش تبي تتعشى .. مدري وش في الثلاجة ؟؟ والظاهر انه مافيه شي بعد ..!!!!


أنا: حصة أنا ضايق صدري مرررررة مدري وش فيني ؟
(بنبرة اكتئاب طبعاً ) ..
حصة : الله يعين كلنا ضايقة صدورنا الشكوى لله ..

أنا: الله يعين تبين شي أجيبه معي ؟
حصة: ايه جب معك حليب لموضي وحفايظ .. وبكرة اختي بتجي عندي جب معك خضرة وفاكهة
ولاتنسى المغسلة خربانه ، وثوبي عن الخياط ، وزيد يبي دفاتر ابو اربعين وكراسة رسم وتلاويين.
واذا انت جوعان جب معك عشاء ، وحط الأغراض بالثلاجة لأني أبنوم العيال وأبنام الحين .


أنا: الله يعين إن شاء الله ياطويلة العمر ..


طبعاً صكيت السماعة واللي كانوا عند اذني يوم أكلم
السورية 13نفر .. ويوم خلصت المكالمة


مالقيت والا واحد عندي وكلهم راحوا يسولفون والله
حبايبي مايبون يسمعون التهزيئ ..


الا واحد لقيته غارق في التفكير مع انه أبو الفلسفة والسواليف ومن اللي يمسكون الجلسة


بالضحك والتنكيت ..


التفت علي وسألني: "الحين أنت مبسوط مع السورية ؟؟؟؟
طبعاً عيونه طايرة ..


قلت : ايه .. والله عايش ملك .. وأجمل احاسيس
ولو تبي عيوني عطيتها ..


قال : " الله يهنيك .. وحسبي الله على اللي منع الزواج من الخارج !!!!!!! ..



السؤال هنا ؟

ليش أغلب واكرر أغلب الرجال يقولون لبعض يارجال
عليك بالسورية وخل عنك السعودية ؟


سؤال آخر هل كل من يمل من حياته الزوجية يبدأ يطلع في زوجته مليون
عيب حتى يسهل لنفسه طريق الزوجة الثانية ؟



اخي الكريم أختي الكريمة

هذا الموضوع خصص للحوار الهادف البناء شرفنا مرورك

لكن يجب ان تكون مشاركتك ذات طابع حواري بالموضوع تتطرق
للمشكلة المطروحه وطرق معالجتها
وفيما عدا ذلك نكتفي بمرورك دون التعليق ولك جزيل الشكر

ملاحظة الموضوع للنقاش

ومنقول من منتديات

[غروك و صوبي قربوك]

هههههههههههههههههههههههه

وش هالموضوع التحفه

و الى دايم يصير مع ربعنا المتزوجين

طبعاً و أنا أخوك مو كل البنات و الزوجات كذا

أنا أعرف ناس متزوجين خرجيات و ماكلين هواه لا ثقه و لا شئ

و أعرف ناس ماخذين سعوديات و باسطين المخده و فالينها

مو كل الحريم كذا

بس و الله أذا عن نفسك أنصحك بالسوريه و اذا ماتبيها عادي طلقها و انا صاحي لها

هههههههههههههههههههههههههه

مشكور أخوي و بكل صراحه نقاش موضوعك بينته لك بنقطتين

الاوله . أصابعك ماهن سواه
الثانيه . أسلوب الرجل له دور أكبر بحترام أمراته


و تقبل مروري

و تشطيفي على موضوعك

و لاتحرمنى من مثل هالمواضيع

بس لو نزلته بالنقاشات كان أفضل

تحياتي

[αℓ нαωα αℓ gнαιв]

ياعمي .
اللي يلبس غير ثوبه مايرتااح ..
>>
لكن التوفيق في كل الأحوال من ألله .
محد يدري وش بيصير بحياااته
ومحد يدري راحته وين ..
ممكن تكون راحته مع الأجنبيه .. وممكن مع بنت بلاده ....
الله أعلــــــــم ..

..
الف تحيه لك عزيزي وماقصرت .
..

[هاوي وناوي]

اخي الكريم أختي الكريمة

هذا الموضوع خصص للحوار الهادف البناء شرفنا مرورك

لكن يجب ان تكون مشاركتك ذات طابع حواري بالموضوع تتطرق
للمشكلة المطروحه وطرق معالجتها
وفيما عدا ذلك نكتفي بمرورك دون التعليق ولك جزيل الشكر

ملاحظة الموضوع للنقاش

يعطيك العافيه اخوي دعاني الشوووووق

وبما ان الموضوع للنقاش الجاد .... فمكانه المناسب ... قسم المنتديات العامه والنقاشات الجادهـ

تحيه مني لك

[الـمـ§§§ـافـر]

انت تعرف ان اصابع اليد مو سوا

سواءً تزوجت سوريه او سعوديه او مصريه ....... ألخ

السعادة الي كتبها الله عز وجل قبل خلق السموات والارض جايتك جايتك سواءً مع سعوديه او غيرها

واصلا كلنا يبحث عن الزوجه الصالح وكلنا يبحث عن السعادة الزوجيه ....... بس الي كاتبه ربك بيجيك لا محاله سواءً في البنت السعوديه او غيرها .

ودمتو بود الرحمن

[ammaro starac]

مممممممممممممم


أنا ما حبيت أنو تكون المقارنة بين السورية و السعودية لحتى ما نثير حفيظة أحد ضدنا كشعب سوري


كان من الممكن المقارنة بين بنت البلد و الأجنبية بيكون أفضل

[♪♪♥لؤلؤة العراقــ ♥♫]

السلام عليكم

تحية طيبة

قبل فترة قرأت موضوع مشابه ..ولكن كان الحديث فيه عن العراقية ....... والسورية ...
وغدا نقرأ عن المصرية ..والسعودية .....وبعدها الفرق بين البحرينية ...والسورية ...الخ

وكلها بنفس الاسلوب ...الاستهزاء بتلك التي كان لها دور كبير في حياة الرجل ...وهذا يتم بعد مسيرة سنوات من الكفاح معه ....وتربية اولاده ومراعاة شؤون بيته واحيانا تحل محله لو تطلب الامر ان كان نطاق عمله يجبره على ترك بيته اشهر

كأن تلك الزوجة وحش ليس لها دراية وعلم بما يحصل من تغير خارج نطاق حياتها ..لا تعلم اسلوب التعامل مع الزوج
لهذا سيتم استبدالها او يفضل عليها امرأة اخرى ذات علم ومعرفة بطريقة التعامل مع الرجل ...لتغير اسلوب حياته

يتناسى الرجل بذلك ان ضروف الحياة الصعبة احيانا قد تجعل من المرأة تتصرف على غير سجيتها
او مكنونها الانثوي ...او تقصر احيانا في مراعاة الزوج من خلال الاسلوب في التعامل معه......

فواجب على الزوج التروي مع زوجته ..وتنبيهها بما سيؤول له الامر ان استمرت تلك الحياة بهكذا طريقة ..لا ان يجعل حبه
للتجديد ورغبته في الاقتران مرة ثانية سبباً في ابراز تلك العيوب والتركيز عليها حتى وان كانت بسيطة جداا

وما عملته الزوجة السعودية او العراقية او المصرية ستعمله الزوجة السورية لا محالة
ولو بعد حين .......
عندها سيعود للبحث عن اخرى ...



وشكرا عاني الشوق
يعطيك العافية


تقبل خالص الود
\


\

[عاشق من بعيد]

اخي الكريم


بما انك ناقل للموضوع و ليس حدث حصل لك

اذا الموضوع هو عباره عن شخص نام و هو يشاهد مسلسل او فلم رومانسي و يمكن هذا الشخص لم يجرب الحياه الزوجيه اصلا

نرجع لمحور حديثنا

اولا احب ان اقول و النعم بجميع بنات المسلمين من شرق الارض الي غربها و من شمالها الي جنوبها و ليس فيهم ان شاء الله قصور

واحد من الربع درس في باكستان و تزوج هناك و زوجته الان عايشه معه و مبسوط

و اخر تزوج من جنسيه ثانيه و لم تجلس عنده اكثر من شهرين

و اخر معه اربع نساء سعوديات و هم سمن علي عسل

اخي الكريم


اصابعك ماهم سوي و بني ادم يخرجون من بطن واحد توأم و لا واحد يشبه الثاني لا باخلاقه و بمعاملته

فلا تحكم علي الجميع بمجرد حادثه واحده

فكما قالت الاخت لؤلؤة العراق انها قرأت هذا الموضوع بكذا صيغه و بكذا جنسيه

يعني الموضوع لا يعدوا كونه قصه كل شخص يفربكها علي مزاجه

بناتنا و النعم فيهن و بنات سوريا و الله و النعمين و بنات اخواننا العرب و الثلاثة انعام

و ارجع و اقولك الدنيا توافيق


دمت بخير

[عاشق من بعيد]

نسيت اضيف لك كلمه

اين الرجل الذي عنده شرف و يكلم زوجاته امام اصدقائه و يسمعهم ما يدور بينهما

حدث العاقل بما لا يعقل فأن صدق فلا عقل له

[بلاتينيوم]

انا اؤيد فكرة الزواج من الخارج لأن السعوديات في الآونه الأخيرة اهملوا في شغل البيت وصار كل همهم الاناقه والجمال ونسوا حقوق الزوج .. هذا وجهة نظري ... ومشكور اخوي على الموضوع ..