المغاربة

[miss_bella]

السلام عليكم



انا بغيت من اي مغربي و ل مغربية كتدخل لهاذ الموضوع تقول اشنهيا الموصفات لي بغات تكون في الطلاب المغاربة لي خصهم اتقدمو لستار اكاديمي .

بحال انا مثلا بغيت تكون فيهم هاذ الموصفات :

الصوت - الشكل - و اهم شئ يكون يهدر بالمغربية


ونتوما؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟


وما في مشكل يشاركو معنا في الموضوع : اللبنانين و القطرين و السعوديين و التونسين والكويتين و العراقين و الفلسطينين و المصريين و ......................................

[انوثة متمردة]

انا امنيتي ما يكون حتا مغربي هاد العام
باش نتهناو من فريع الراس
سكرااااااااااااا

[mawassif]

حتى أنا مبغيت يكون حتى شي مغربي أو مغربية أو مغاربي إذا أمكن في هاذ البرنامج حتى تعرف رولا الغولا قيمة المشاركة المغربية بصفة عامة ومتبقاش دوز بهم الوقت وتربح من على ظهورهم الأموال المغاربية .

[jumana11]

أهم المواصفات

الموهبة

الأخلاق و الاحترام

الشكل

أما اللغة فمشي ساهل يتكلمو بها 100 بالمية..واللي بغا يهصر بالدارجة يبقا فبلاده

[اوميسه]

انا صراحه بغيتهم اكونو بحال هاجر الي كانت فستاراك مغرب صوت جميل+الشكل الجميل.+الحترام
ومرسي بزاف

[TrAnKiLLLLLLLLL]

ana bghithoum i3tew l9ima lrasshoum maybkawch lasskin f 3ibad lah ou dayrin da7k ou ikoun 3endhoum sout mechi ghir chouha 3la walou

merci 3la lmawdou3

[salmabelle]

ناريييييي شكون قال هاجر اشمن هاجر متتعرفش تلبس كنت تنكره نشوف فيها او هي لبسا وحد الزيف على عنقها شوهة اما واحد هناء مجوعفة ياربي سالمة غادة لسوق تشري بطاطة على قلة المناظر الله اعطيها الدل اما امل دارت لفضياح بالتسطية ديالها الله استر تقول هي لي عندها قلب تبغي بيه اما لمصيبة لكبيرة واحد لبنت كانت سمرة وناري فيما نشوفها نشوفها تتبكي مني بغات ممها تفطمها فطمتها في عزو وناري معرفتش مين تيقلبو عليهم تيعزلوهم غير هما
شوفي اختي
انا تنشوف صوفيا هي لي كانت توب فيهم في داك ستار بالنسبة ليا متشارك توحدة لحقاش غير الشويه لي تيديرو اجلسو في ديورهم حسن من دايك الحالة

[miss leila10]

هو الصراحة بحال هاد البرامج ما عندها حتى مصداقية للي بغاوا يزينوه راه كيزينوه و للي بغاوا يخيبوه راه ما كاين ما سهل عندهم من هاد الشي كيردوا منه مسكة يمضغوها كيفما بغاوا و فالاخر يلوحوها ...هو المفروض اهم شئ خاص الموهبة و الصوت الجميل و الحضور و الاحترام للنفس و للبلد بلا زيادة و بلا نقصان لكن معاااااااااااااااااااااامن هاد الشي مع رولا هانم؟؟؟؟ الى جينا للموهبة و الصوت هناء كانت احسن واحدة مغربية دازت فستار اكاديمي حرثوا عليها حتى عياوا و فالاخر عطاوها 15% و قالوا لها باركة عليك الله يخلف الله يجعل الباركة.... الى جينا للاخلاق منقدرش نقول الاخلاق راه كتبقى تابتة عند هادوك القوم الظالمين.... الى جينا للحضور امل كان عندها حضور لكن بقاوا يبدلوا ليها فالسيناريوهات حتى تلفوا البنت على القبلة و ما بقات عارفة اش كدير و فالاخر قالوا لها صافي سالينا......
المهم الهدرة طويلة و السكات حسن و من هاد الشي كامل فنظري يديروا خير فراسهم و يشدوا الارض احسن ما يمشيوا يلعبوا بيهم الشطرنج هادي جات هادي ما جات لانه فالاول و الاخر فاقد الشئ لا يعطيه و عمرهم ما غادي يوصلوا مع مامهم رولا لداك الشي للي بغاوا.
شكرا على الموضوع