[تحيا مصر]

اليوم في حصة كارمن طلعت تينا تقول انها تريد ان تبوح بمشاعرها لشخص ما ( و لم تذكر اسمه ) بأنها انجرحت اوي للي حصل في الايفال ( و هي طبعا تقصد محمد ) و انها كانت تشجعه فقط لذلك لم تعامله مثل البقية و انها لم يضايقها ما حدث جوة الايفال مثلما ضايقها ما حدث برا الايفال بأنه لم يكلمها او يعتذر عما فعل و لم يسأل فيها بالرغم من احراجها امام الاساتذة و الطلاب و بأن هناك قطعة صغيرة من قلبها واخدة علي خاطرها منه و انه تكلم في الايفال كأن فيه قصة حب ما بينهم و ان موضوعها هو اللي خلي محمد متميز في الايفال و انها لا تريد ان تتحدث في الموضوع مرة ثانية و طبعا الكنترول مركز علي محمد اللي كان هيبكي بعد شوية
و كالعادة كان مشهد مؤثر للممثلة تينا صاحبة الدموع و التعبير المفرط و جعلت نفسها الضحية امام الطلاب..
فاستفز هذا الموقف محمد و طلب من كارمن الوقوف بعدها و قال لها انها تعمدت احراجه فلماذا قالت كلمة شخص و لم تقل محمد فالكل يعرف ان المقصود بالكلام هو و راح قالها (اسمي محمد) و قال لها انه لم يغلط كي يعتذر لان في نظره انه عمل الفعل الصحيح و انه وضح لها كل شيء بالايفال و قال لها انه نسي الموضوع بالمرة...
و بما ان محمد كان متعصب جدا فتينا طبعا خافت علي منظرها امام الطلاب لانها تتكلم دون وجه حق...
فغيرت كلامها و قالت له انا كنت بعبر عن شيء ضايقني لم اكن اتكلم عنك...فقال لها ازاي اذا كنتي بتقولي واخدة علي خاطري ؟! انا شايف اني مغلطتش عشان اقوللك كلمتين و لا تلاتة اراضيكي بيهم و انا قلت كل شيء في الايفال..
راحت كارمن حبت تهدي الموضوع و طلبت من محمد انه يهدي و يروق و في الاخر تصالحوا و باي راسها..
بعد الحصة كانت شذي تجلس مع محمد يأكلون..فتناقشوا في هذا الموضوع و كان يقول لها يا شذي انا قلت في الايفال اني فهمت غلط او هي حسستني ان مفيش حد بحياتها و مكنتش اعرف ان في ربيع و اعتذرت في الايفال و الظاهر انها مسمعتنيش كويس...
راحت شذي ردت عليه بأنها ممكن تكون خافت ان ربيع يزعل و انها حست ان محمد جعل الموضوع يظهر و كأنه قصة حب..
فرد عليها و قال لها انت لو كنت في الايفال كنت هتفهمي اللي قلته و اني قلت انه كان من طرف واحد اللي هو انا اللي فهمت غلط
راحت شذي قايلة انا فهماك و خلاص كفاية كلام في الموضوع ده و قامت
__________________________________________________ __
تعليقي علي الموضوع
ان تينا كانت الاول مبسوطة اوي بحب محمد ليها ولما لقت انه في الايفال باح لها بحبه عملت فيها مصدومة و هي كانت عارفة اساسا... و بعد الايفال اضايقت ان محمد مبقاش يحبها فعملت نفسها بتمثيلها الرائع المجروحة و الضحية الشهيدة و انه كمان المفروض يعتذرلها كأنه غلط فيها..والله انا لو من محمد اعتذر لها لاني حبيت او اعجبت بواحدة زيها و في شخصيتها المريضة دي....لاني مش فاهمة هي ليه متضايقة ؟! امال الولد يعمل ايه اللي اتفاجأ بموضوع ربيع ؟! و دلوقتي كمان هي اللي واخدة علي خاطرها... واللي ضايقني اكتر ان كل الاولاد كانوا عارفين اللي محمد هيقولوا لتينا و مع ذلك لما عملت الحبتين بتوعها دول كارلو و عماد ( اللي قايل لمحمد عل فكرة انه يجيب سالي و تينا في الايفال ) قعدوا يحايلوا و يطبطبوا عليها كانها مظلومة او حاجة...
و الصراحة انا شايفة ان زعل تينا ده بين انها انانية و مش مكتفية بربيع اللي طول النهار قرفانا بيه..و عايزة الكل يحبها و خلاص...
انا من رأيي ان سالي المروض هي اللي تزعل مش تينا علي الاقل سالي ماكنش ليها لزمة في الايفال و فكرة ان محمد يجيبها احرجها جدا لان الحب من طرفها مش من طرفه عكس تينا اللي زعلت عشان بيحبها !!!!
عايزة اعرف ان كان في حد شاف اللي انا شفته و حرق دمي ده

منقول للامانه

وتقبلوا تحياتى اخوكم محمد