[شنقلونه]

جيتك أسأل :
لامتى أبقى أعاني . .
وأزرع الدنيا أغاني ؟!
جيتك أصرخ :
بعثرني . . جمعني . .
اهدمني
وأرجع ابنيني ثاني!
كوني من كلامك . .
رتبني بابتسامك . .
حررني من زماني . .
من مكاني!
ودي أخرج . . من ثيابي وإكتئابي . .
ودي انت . .
تكتب أسمي ببابي . .
تكتبه . .
في عيوني . .
في جنوني . .
تكتبه . .
في عذابي!
*ولاإلتقينا . .
عطرني من حنينك . .
لملمني في يدينك . .
في جفونك . .
وإن نشد عني عذولي
طلعني من عيونك!
*لاإلتقينا
أحرقني باشتعالك . .
أغرقني بانفعالك . .
حطمني . . أحضني
واقتلني . .
بين صبرك . . واحتمالك
*لاإلتقينا . .
غير فينا الحقايق
وقف كل الثواني والدقايق . .
خليني أشبع بشوفك . .
وطمني
طمن قلبي بخوفك!
وعلمني
علمني كيف أحيا؟؟
كيف أهوى كيف أعاند
أو أجاهد؟!
كيف أسهر وكيف أعشق
علمني كيف أبكي
كيف أشهق؟
علمني ع الحياه يالحياه !
*يااللي أجمل من كلامي
ياللي أعذب من هيامي وابتسامي
لايهمك مامضى
دايما عود الدخون
يحترق يصبح رماد
نمتلي منه عبير يمتلي منا جنون
*ياللي نفسي فيك نفسي
امنحني بعض حسي
بعض صوتي أو سكوتي
وليت عمري منك عمري
من حياتي لين موتي!