ظلـــلم الشبــاب لنفسهم ,, وللبنات ,, (( للنقاش ))

[فقيربس غني]

ظلـــلم الشبــاب لنفسهم ,, وللبنات ,, (( للنقاش ))

--------------------------------------------------------------------------------

قووووووه يالطيبين

شلوونكم وشخبااركم..؟؟

شباااب وبناات بعد التحيه .. وبعدهــا ..

طبعا شايفين

الموضوع واضح للنقاش لانه في هالقسم ,,


ابي اكتب لكم قصه واقيعه ,, واهو الحدث اللذي يسمى أكبر الكبائر عند الله تعالى وعند الناس كافه ,,

تتلكم عن موضوع اخلاقي صريح

قصه صارت في دوله خليجيه .. ومؤثره بصراحه,,

عن شاب مغازلجي ,,

ظلــــــــــم نفســـــــه وظلــــــم البنــت معـــاه وضاعـــوا

وياكثر ما ضاعوا الشباب اعمارهم وضيعوا البنات اثر هالموضوع ,,

المعاكسات والرسايل الغراميه والمادري شنو

البعض ,, وللأسف البنات حطوا في بالهم أن الاغلبيه وأنا ما ألومهم بلا شك ,,

بعض الشباب

يستغلون البنت .. بكلمات الحب ويصير الاخ قمه من الرومانسيه

عشان يكسب قلبها ويسوي وياها البلوه الكبيره
تالي عقب ما يشبع يقطها هذيك القطه

يتغلفون بغلاف الحب ولاكن اهم بداخلهم ناس انانيين مايفكرون بأهلهم,
ولا بالبنت اللي بيجذبون عليها,
ومايحبون الا مصلحتهم وانفسهم , تحكمهم غريزتهم , مايفكرون بدينهم
ولا ولا ولا ولا .. ألخ ....

قله الوازع الديني بقلوبهم تخليهم
منفتحين لدرجه الهلاك .. لدرجه الضياع والتمرد
بصراحه ياكثر ما التقي بشباب من هالنوع

يشرب , ويلعب , ويعشم بنات , اربع تلفونات كل تلفون ستين الف وحده
والمساكين اللي نظره البنات لهم (( مغفلات ))
مصدقينه .. مصدقين هالممثل الكبير
كل وحده منهم يقولها اسمه غير
وكل وحده يقولها قصه غير
ومنظم وقته بطريقه مو طبيعيه
تخلي الي مايصدق يصدق ويلعب عليها .. ويطلع معاها
تالي يخليها ويكشت.. ولا يعبرها ولا يفكر لو لحظه
ان هالبنت حبته من قلبها وكانت صادقه بمشاعرها وانها مسكينه طاحت بشباكه هالعنكبوت الخبيث الاناااني

..................



بصراحه سامع هالقصه من اثنين ,,
سمعتها من شريط ديني ,,
ومن شخص عزيز علي في المملكه ,,
وممكن انها ماره عليكم ,, واذا مرت ,, رجاء منكم ,,
أشوف تفاعلكم بالقضيه ,,

وتقولون لي شنو الحل برايكم
وليش صار كذا
ونتناقش مع بعض عن الاسباب
ونتبادل وجهات النظر ,,
بدون تجريح ,, وبدون مجاملات ,, الموضوع اكبر من المجامله,,


ببتدي وبدخل بقصتي
عن هذاك الشاب
الخليجي .. اللي كان من اهدى الشباب على حسب ظني
الهادي الرومانسي الحنون الحساس
هاذي صفاته الي تميز فيها قدام البنات
عشان يكسبهم
عرف من ويين يدخل قلب البنت
ان البنت تحب الرجال الي من هالنوع ..
المهم رقم بطريقته الخاصه بيوم من الايام
وكلم بنت مثل البنات كلهم بس طبعا هالبنت غير من البنات
اللي يستسلمون لحبهم ويعطون اللي يحبونه كل شي
مثل عليها .. رسم لها صورت الشاب
العاشق .. المحب .. المخلص .. الهايم ..
اشعار وكلام حب وغيره وغيره
وقال ان كنتي تحبيني طلعي معاي
طبعا مصيـــــــبه عند البنت لما يحلفها بحبها له
لو ما تبي غصب طيب راح تطلع
عشان تبين له انها تحبه فوق مايتصور
بس بعض الشباب حسافه فيهم القلب ((مايحسون ))
قالت يافلان اخاف
قال لاتخافين محد يشوفنا
قالت سبحان الله يمكن قال لاتخافييين محد يشووفنا قال
انتي معاي الحين نستانس ويا بعض
ونقعد ويا بعض وندردش ونقضي الليله ويا بعضنا
ولا احد يشووفنا
مع الحكي ويتلها مني ومني ,, واهي خايفه يشوفها احد
الاخ يبي يطمنها ,, قالها ,,

تخيلو شنو قال

قال اوديييييييييييك مكان

((اللــــــــــــه))

مايشوفنا فيه

على باااااااااله يطمنها يعني
بيطمنهااااا انه اللــــــه مايشوفهم ..!!

شوفو لوين وصلت فيه نفسه.. شوفو لوين وصلت فيه غريزته انه يتجرأ ويقول هالكلمه
الله مايشوفنا فيه..!

وسبحانه ,, شبه هؤلاء الي مايتحكون في غريزتهم الحيوانيه بالانعام , أي بالحيوانات ,, الي ماتتحكم في نفسها ,,

المهم اكمل لكم
اهي تطمنت
وارتاحت انه الله مايشوفنا بعد شنو احسن من كذا
(( استغفرك يارب على هالبشر ))

وطلعت معاه
وداها مكان بعييد عن المدن
بعيد بعيد ومكان بروحه بهالبر
معاهم ماء ومكملات السهره وكل شي بيقضون ليله ويا بعضهم
يعني مضبطهااااا الاخ ...


وبعد السوالف يلا اختلو ويا بعض وقعدو ذيك القعده
وتجرد من ملابسه
وسوا الي في باله
بالبنت

واثناء ما اهو يسوي عملته ..
نام عليها ..

البنت تناديه .. يافلان يافلان
قووم .. يلا خل نطلع قووم

وتقعد فيه
يافلان يافلان

تشوف انفاسه تشوف نبضات قلبه ولا الرجال مــات
شوفو شنو مات عليه..!

مات على مصيبه
على فاحشه على سواد وجهه وعلى عااااااار
طلعت البنت وتصرخ
بهالبر وتقول ..

(( يقوووووووووول مايشوفه خذا رووحه ))

(( يقوووووول مايشوفه خذا روووحه ))

(( يقوووووووووووووول مايشوفه خذا روحه ))




وخذوها ناس وسمعوا منها هالقصه ..
طبعا انفضحت تالي عرفت ربها عقب هالسالفه ..
وتطوعت البنت ..

........
اما الشاب صار عبره لربعه واللي حوله
هاللي يقول
اخذك مكان اللــــــــه مايشوفنا فيه ..
شلون مات .. وبأي طريقه.. وعلى شنو..

يوم القيامه .. يبعث كل انسان على ما مات عليه
على شكان يسوي

فشوفوا هالشاب شلون راح ينبعث عليه
اتمنى من قلبي
ان صادفتوا انسان من هالنوع
انكم ترشدونه وتبلغونه هالقصه
واتمنى تنشر مو بس بمنتدانا بين ربعي واخواني
اتمنى على كافه المنتديات الي تعرفونها
و بين اهلكم و بين ناسكم
لجل تكون عبره
للكل

سواء انسان مغازلجي او عادي او مؤدب او خلوق او او او .. الخ....
عشان ان كان انسان واعي يستمر على حاله ومايتغير مثل هالشباب
وان كان انسان مثل هذا يغير طريجه بسرعه قبل لا يفوت الفوت ..

واسألك يارب لي ولخواني المسلمين
حسن الخاتمه يارب

وادعي لأخواني بصلاتي وقيامي
ان يبعدهم عن هالطريق
ويرد لهم عقلهم ويكبرون تفكيرهم
وعسى الله يهديهم ...

واشكركم على قرائتكم الموضوع ..
واسف عالاطاله ..


لكم اطيب تحيه اخواني الأعزاء ...
وأتمنى اشوف وجهه نظركم

رايكم يهمني

[الغلا كله انا]

لا حول ولا قوة الا بالله

صدقك اخوي

الصراحة شبابنا الله يهديهم هذا همهم بالحياة استغلال البنت

والبنت وحليلها على نياتها

تعيش دور المغرمة والولهانة وان محد قدها تقول شكثر يحبني
وهي ماتدري انه يالس يرسم لبعيد ويالس يخطط ويدوبر عسب يسلب أغلى ما عندها

ما اقدر أقول غير الله يهدي كل شبابنا وبناتنا ويستر علينا ويرحمنا برحمته

[فقيربس غني]

المشاركة الأصلية كتبت بواسطة الغلا كله انا

لا حول ولا قوة الا بالله

صدقك اخوي

الصراحة شبابنا الله يهديهم هذا همهم بالحياة استغلال البنت

والبنت وحليلها على نياتها

تعيش دور المغرمة والولهانة وان محد قدها تقول شكثر يحبني
وهي ماتدري انه يالس يرسم لبعيد ويالس يخطط ويدوبر عسب يسلب أغلى ما عندها

ما اقدر أقول غير الله يهدي كل شبابنا وبناتنا ويستر علينا ويرحمنا برحمته

اللهم آآآآآآآمين..........أسعدني مرورك وردك الجميل أختي الغلا كله انا والله يعطيك العاااااااااافيه
تقبلي مروري وفاااااااااااائق أحتراااااااااااامي.............

[اليااااااسيه]

يسلمو اخى على الطرح القيم

وانا اقول لا حلو ولا قوة الا بالله العلي العظيم اسال الله الهدايه للجميع سواء الشاب ام البنت

تقبل مروري

[فقيربس غني]

المشاركة الأصلية كتبت بواسطة اليااااااسيه

يسلمو اخى على الطرح القيم

وانا اقول لا حلو ولا قوة الا بالله العلي العظيم اسال الله الهدايه للجميع سواء الشاب ام البنت

تقبل مروري

مشكورررررره أختي الياااااسيه على مرورك....
تقبلي فاااااائق أحتراااااامي..........