(جروحــــــي تنــزف احزانــــي) روايــــــه بمنتهى الروووعه بل اكثـرمن روعه كامله

[₪ همسـﮯ الطفولة ₪]

على قولت طلال...

**********

كانت عبير مع ريم اللي ميته قهر وتحاول تظهر قدام الناس عاديه ...وهي من داخل ميته قهر
ريم :" صعب اللي تطبينه..."
عبير : "لازم فيه طريقه "
ريم :"اخاف احد ينتبه "
عبير :"الله يخليك لازم اشوفه "
ريم :" انتي ادرى بخالد اصلا من يشوفك كذا بيطلع"
عبير :" انا بطلع بعباتي كأني طالعه وقاعده ادورك "
ريم :"بس لو يحس انك قاصده تشوفينه ....ان ينقلب حبه لك احتقار"
عبير بضيق :" انتي ما عليك ...سوي اللي اقوله وبس "
ريم :" اوكيه بس انتي اللي تتحملين النتائج "
عبير :" مواااافقه"
ريم:"بصرااااحه ياقواتك...انا لو مكانك مااجي"
عبير وهي في خاطرها مستحيل مااجي...لازم ادمر حياة بسمه...
وتنهدت وهي تذكر كيف ان خالد رفض عرض ابوها عشان بسمه...

************

-مبروك ياعريس ...
صدع راسه من الرد على هالكلمه ... من كثر ما سمعها اليوم ...
فهد :" اشفيك يالحبيب سرحان "
خالد بضيق :" افكر "
فهد:"الليله بالذات لا تفكر...."
خالد بضيق:"يااخي احس اني معصب وكرهت كلمة مبروك..."
فهد:"باين عليك يااخي ابتسم شوي..."
خالد:"اه....يافهد لو تدري باللي بقلبي"
فهد:"ماادري باللي بقلبك ولا ودي ادري..."
خالد:"الشره علي اللي يعطيك وجه..."
فهد :"لا تعطيني وجه اذا بتقعد تشكي....بس بغيت اسألك من الشباب اللي تو يسلمون عليك"
خالد :"سلمت اليوم على اشكال والوان "
فهد :" طالعهم اللي قاعدين يسلمون على ابوك "
خالد : "ايه ...ذولي عيال خالة بسمه ...واخوانها من الرضاع "
فهد :" يعني لها محارم غير عمها اللي ما حبيته "
خالد وهو سرحان :" ايه "
فهد:"تصدق حلو اسمها"
خالد:"من اللي حلو اسمها..."
فهد:"مرتك..."
خالد:"فهد...."
فهد :"اقول خالد احسك سرحان واخاف اذا دخلت ترتبك اشرايك ادخل معك عشان

[₪ همسـﮯ الطفولة ₪]

خالد يقاطعه :" لا استريح انت ...ما ابغى اتعبك "
فهد :" تعبك راحه"
خالد :"وبعدين ماني داخل عند الحريم بس بدخل اسلم على خواتي وامي من غير امر على الحريم"
فهد : "حتى ولو ادخل معك خواتك خواتي و... (ولما شاف نظرة خالد له )عموما اذا احتجتني تراني تحت الخدمه"
خالد : "ههههههه الله لا يحوجني لخدماتك اذا كانت كذا "

***************************

دخلت بسمه على الحريم على اضائه خافته ... والكل انبهر من جمالها ....وكانت تمشي وهي تحاول تخفي ارتباكها وخوفها خلف ابتسامه خجوله رسمتها بصعوبه على وجهها
وكان الحريم في تعليقاتهم اللي تقول هي احلى من عبير.... واللي تقول لا عبير احلى
لان الكل تقريبا يدري عن سالفتهم ...
كانت فيه عيون تتطالعها بحقد وحسد ويتمنون لها كل شر......... اولهم عبير اللي تشوف فيها اللي خطفت منها حبيبها ...ومرة عمها وبناتها هند وهدى كانو يحسون بغيره منها انها اخيرا بتتزوج زوج ما كانت تحلم فيه.........
وكان فيه عيون تتمنى لها السعاده اولهم بدريه وهي تدعي ربها انها ما تكون ظلمت بسمه او خالد لانها السبب في هالزواج ...
اول ما جلست ...كل اللي يحبونها جوا حولها ...
امل : "مبروك ياحلى عروس"
بسمه : "انتي لا تكلميني "
امل :" ليه "
بسمه :" قاعده منطقه داخل لوحدي لو.... مو سحر تطل علي كان مت زهق "
امل : "عاد تدرين اذا ما قمت بعرسك اقوم بعرس مين "
بسمه :" هذا هو السبب "
امل :" وتدرين بعد الواحد وهو متكشخ يبغي يظهر قدام الناس يمكن الله يرزقني بعريس
عليه القيمه "
بسمه :" الحين صدقتك "
دلال :" ما توقعت يابسمه تمشين بهالهدوء ...( هي تكلمها في اذنها ) اللي يشوفك يقول بتنزف على واحد بينهم قصة حب عظيمه "
بسمه :"حاولت ابين طبيعيه ...لا اشمت بعض الناس بارتباكي "
امل وهي تقاطعها : "ياحلو بنت خالتك ...كل شوي وهي ترقص ...تصدقين تشبهك "
ابتسمت بسمه وهي تناظر بنت خالتها...
دلال :" اكيد فرحتي يوم شفتي خالتك"
بسمه : "هي الحاجه الوحيد اللي فرحت قلبي"
امل :"الفرحه الكبير لما تشوفين بعض الناس "
بسمه:"لا تذكريني الله يخليك..."
امل:"ايه ...الحين لاتذكريني لكن بعدين الله العالم"
ماردت عليها ... وانتبهت لمرة عمها :"اقول امل من اللي قاعده مع مرة عمي "
امل : "هذي الله يسلمك ام عبير ...ينطبق عليه المثل الطيور على اشكالها تقع"

&&&&&&&&&&&&&&&&&&&&&&

[₪ همسـﮯ الطفولة ₪]

بعد ما دخلت بسمه كانوا صديقاتها معها بعدين طلعوا لان ريم قالت لامل تطلعهم لان خالد وعيال خالة بسمه بيدخلون ... وطلبت منها تقول لخواتها لا يدخلون الين تتأكد ان خالد لوحده...وكانت بسمه في الغرفه لوحدها ومقفل الباب عليها ...اتصلت ريم في خالد وقالت له يدخل ...وكان عقب بيدخل ابوه وعم ريم وعيال خالتها...
اول ما دخل لقى صاله وفي بابين مقفله مادرى وين يدخل رفع الجوال بيكلم ريم لما سمع صوتها ...
عبير :" ريم ..."
التفت على الصوت وشافها اول ما تاكدت انه شافها غطت نص وجهها بطرحتها...هو عرفها على طول مستحيل ينسى الوجه اللي محفور في عقله لانه شافها مره وحده لما خطبها ....غيرانها كانت تتعمد وهي في بيتهم تطلع في وجهه وتسوي نفسها مو داريه عنه....
عبير بارتباك مصطنع::خاااااالد :
خالد:............
عبير بنبرة حزن:: مبروك ياخالد:
خالد بضيق:"الله يبارك فيك"
عبير: "حراااام اللي صار فينا"
خالد وهوناسي هو وين بس المهم ان عبيرقدامه:"ابوك السبب والظاهر حتى انتي طاوعتيه في اول خطيب لك"...
عبير وهي تصيح:"حرااااام عليك ياخالد حتى انت ما قدرت تقاوم الحاح اهلك لزواج وانت رجال....اشلون انا اقدر كنت مجبوره ويوم انتصرت على اهلي فات الاوان"
خالد :" لا تصحين ياعبير"
ماردت عليه...
خالد:" دموعك غاليه علي "
عبير :" ما جفت دموعي ياخالد من يوم صرت لغيري ...ياليتني مت ولا جا هاليوم "
خالد بعطف :"لا تدعين على نفسك ياعبير"
عبير :" ليه اهمك"
خالد بتهور : "انتي تدرين انك تهميني و ماحبيت ولا بحب احد غيرك "
يسمع صوت من وراه...-"وليه ماتزوجتها ما دام ما حبيت غيرها"
خالد حس موقفه صعب وانعقد لسانه ما قدر يتكلم
عبير وهي تخفي ابتسامة نصر :" بسمه..........."
بسمه وهي تحاول تخفي دوعها وتظهر متماسكه ردت عليها باحتقار:" ايه... بسمه"
عبير :" اسفه خالد ما كان قصدي "
وطلعت وهي تركض وتعمدت توجه كلامها لخالد ...دخلت بسمه الغرفه وتنسندت على الباب وما قدرت تتحكم في دموعها اكثر ...حست في خالد وهو يفتح الباب فابتعدت عنه
وادارت له ظهرها .........

تتوقعون هل راح يكون لبسمه محل في قلب خالد..؟

عبير ومحاولاتها ..هل ستتوقف عند هذا الحد..؟

بسمه هل تتقبل هذا المصير..؟ وكيف بتتحمل صدمتها,؟

نهـــــــــــــــــــاية الجزء الثامن

اتمنى ان يعجبكم الجزء

[لحن النعومه]

هلا جنـــــــــــــة الـــــشوق

البارت يجنن وروعـــــــــــــــــهـ

تتوقعون هل راح يكون لبسمه محل في قلب خالد..؟

اممم مدري احس الان عبير محتلة قلب خالد وماقدر ينساهــا حتى في زواجه..

عبير ومحاولاتها ..هل ستتوقف عند هذا الحد..؟

اممم اتوقع راح تكون لها محاولات اخرى ..لكي تسترد خالد..


بسمه هل تتقبل هذا المصير..؟ وكيف بتتحمل صدمتها,؟

بسمه ,,الصراحهـ عاجبتني مسكينه انظلمت وانجرحت كثير..

وحتى يوم جات تفرح انصدمت بموقف عبير وخـــــــالد.. جد الله يعينها..

بليييييييز جنـــــــــــــــهـ لاتطولين مشتــــــاقه للبارت..

ابغى اعرف وش بيصير..من احداث وتطورات..

لك ارق واعذب تحياتي لك

[سمـــــا]

يعطيك العافية على الاجزاء الروعة

ياترى اش بيكون موقف بسمة من اللى صار؟

وشنو بتكون تبريرات خالد لها ؟

وعبير يا ترى بتخلى خالد في حالة ؟


وياريت جنة خيتو ما طولين

[سراب عشقي]

( ( ( جـنـــــة الـشـوق ) ) )

يعطيك الف عافيه على البارتات الروعه ,,,,,



مااتوقع عبير تترك بسمه في حالها مع خالد ,,

بسمه وخالد راح يكون متزوجين ولكن ماتوجد بينهم معنى الحياة الزوجية المتكاملة ,,,

وراح يعرف خالد عبير على وجهها الحقيقي ,,,,


بانتظار اروع احدااااثك,,,,,,



تقبلي مروري ,,,, عـــبـــــــــــــــــــــادي

[لحن النعومه]

اهليييييين جنــــــــهـ

لاتطولين حبيبتي في البارت ..

ابغى اعرف وش يصير..

استنى على احـــــــــر من الجمر..

مشتــــــــاقهـ للأحداث..

لك ارق واعذب تحياتي.

[₪ همسـﮯ الطفولة ₪]

المشاركة الأصلية كتبت بواسطة *-*Sakura *-*

هلا جنـــــــــــــة الـــــشوق

البارت يجنن وروعـــــــــــــــــهـ

تتوقعون هل راح يكون لبسمه محل في قلب خالد..؟

اممم مدري احس الان عبير محتلة قلب خالد وماقدر ينساهــا حتى في زواجه..

عبير ومحاولاتها ..هل ستتوقف عند هذا الحد..؟

اممم اتوقع راح تكون لها محاولات اخرى ..لكي تسترد خالد..


بسمه هل تتقبل هذا المصير..؟ وكيف بتتحمل صدمتها,؟

بسمه ,,الصراحهـ عاجبتني مسكينه انظلمت وانجرحت كثير..

وحتى يوم جات تفرح انصدمت بموقف عبير وخـــــــالد.. جد الله يعينها..

بليييييييز جنـــــــــــــــهـ لاتطولين مشتــــــاقه للبارت..

ابغى اعرف وش بيصير..من احداث وتطورات..

لك ارق واعذب تحياتي لك

هلا بك حبيبتي ساكورا..

تواجدك وحضورك الاروع..

اشكرك حبيبتي على توقعاتك وراح نعرف وش بيصير في البارت القادم..

وشرفني مرورك يالغلا..

الله لايحرمني من طلتك الحلوه..

ان شاء الله ياقلبي مايطول انتظارك..

لك اعذب وارق تحياتي

المشاركة الأصلية كتبت بواسطة سمـــــا

يعطيك العافية على الاجزاء الروعة

ياترى اش بيكون موقف بسمة من اللى صار؟

وشنو بتكون تبريرات خالد لها ؟

وعبير يا ترى بتخلى خالد في حالة ؟


وياريت جنة خيتو ما طولين

هلا ..بحبيبة قلبي سمـــــا,..

منووره..

تواجدك وردك الاروع ياقلبي.. الله يعافيك..

كل هذه الأسئله راح تعرفينها في البارت القادم حبيبتي,,

ان شاء الله ملراح اطول ..

لك اعذب وارق تحياتي ..

المشاركة الأصلية كتبت بواسطة عاشق البرنسية

( ( ( جـنـــــة الـشـوق ) ) )

يعطيك الف عافيه على البارتات الروعه ,,,,,



مااتوقع عبير تترك بسمه في حالها مع خالد ,,

بسمه وخالد راح يكون متزوجين ولكن ماتوجد بينهم معنى الحياة الزوجية المتكاملة ,,,

وراح يعرف خالد عبير على وجهها الحقيقي ,,,,


بانتظار اروع احدااااثك,,,,,,



تقبلي مروري ,,,, عـــبـــــــــــــــــــــادي

هلا وغلا بك .. عاشق البرنسيه..

الله يعافيك يالغلا..

وجود اسمك الاروع مكفي وموفي ..

اشكرك على تحليلاتك وتوقعاتك..وراح نشوف وش بيصير..

ترقب البارت ..

ان شاء الله مايطول انتظارك..

اسعدني مشاركتك المميزه..

لك ارق واعذب تحياتي..

المشاركة الأصلية كتبت بواسطة *-*Sakura *-*

اهليييييين جنــــــــهـ

لاتطولين حبيبتي في البارت ..

ابغى اعرف وش يصير..

استنى على احـــــــــر من الجمر..

مشتــــــــاقهـ للأحداث..

لك ارق واعذب تحياتي.

هلا بك زود ياقلبي..

ههههه .. ان شاء الله ماراح اطول يالغلا..

لاتستعجلين..

لك اعذب وارق تحياتي

[₪ همسـﮯ الطفولة ₪]

الجزء التاسع....

دخل خالد وهو متندم....وهو يشوف بسمه اللي معطيته ظهرها مهو عارف اش يقول او كيف يتأسف وهوغلط غلطه ما تغتفر ...حس انه لازم يتكلم ويهديها قبل مايدخل ابوها وعيال خالتها...
خالد :" بسمه انا اسف ..."
ماردت عليه...
خالد:"والله اسف واللي صار غصب عني"
بسمه وهي تشهق من الصياح :" وليش تتأسف ...عادي واحد وشاف حبيبة قلبه ليش يهتم في غيره "
خالد :" ماكان ودي اجرحك ...بس "
بسمه :" انت مو جرحتني انت ....انت طعنتني ...انت ذبحتني ياخالد ومارحمتني"
تندم خالد زود وهو يشوفها شبه منهاره تنهد :"طيب حاولي تهدين "
التفتت بسمه عليه وهي تناظره من بين دموعها :"خالد انت ليه تزوجتني "
خالد بضيق:" يعني ليه تزوجتك "
بسمه تبغى تجرحه مثل ماجرحها :" انت لو رجال ما تزوجت بهالطريقه "
عصب خالد وقرب منهامسك يدها بقسوه:" رجال غصبا عليك ...تدرين احسن انك شفتي كل شي بعيونك بكذا تريحيني ما امثل دورالزوج العاشق الولهان ..."
بسمه بتحد وهي تحاول تخفي صدمتها من كلامه:" وانا ارتحت من تمثيل دور الزوجه المحبه المطيعه"
فك يده بعد ما سمع حس برى :" اجلي هالموضوع لبعدين... مو زين يدخلون ويشوفون شكلك كذا "
بسمه :"ليه مو عاجبك شكلي "
خالد وهو طالع :" ناظري المرايه "
بعد ما طلع حطت وجهها بين يدينها وهي تصيح... حاولت تتمالك نفسها ناظرت وجهها في المرايه كانت عيونها حمر ومكياجهها اخترب كانت لازم تعدله وتبان قدام الكل طبيعيه....

**********

طلعت لهم وهي تحاول تكون طبيعيه وسلمت على الجميع والكل بارك لها عمها وابو خالد وعيال خالتها.... كانت برغم اللي فيها ما تنكر الفرح اللي حسته يوم شافت عيال خالتها شافت فيهم ايام الطفوله وذكروها باخوها بندر ودمعت عينها يوم تذكرته وتذكرت اهلها اكيد ماكان هذا وضعها لوكانوا معها...ناظرت عمها وهي تشوفه يسولف مع ابو خالد ويوصي خالد عليها وفي خاطره انت ياعمي سبب اللي انا فيه.... طلع عمها وابو خالد وقعدوا عيال خالتها....
فواز:"فيه عروسه هالايام تصيح في احلى ليله في عمرها"
مسحت دمعتها وقالت في خاطرها وانت الصادق اتعس ليله في عمري ...
طلال يبغى يخليها تبتسم:" اش صار ماكنتي من اول حلوه....الحين قمر "
فواز:" بسمه من يومها حلوه ..ولا اشرايك ياخالد"
خالد:" انا شهادتي مجروحه في بسمه.".
بسمه في خاطرها.... يازينك ساكت....
تركي:" امك داعيه لك ياخالد يوم اخذت بسمه ...(وهويناظر بسمه بحنان)بسمه كامله والكامل وجهه"
خالد :"تقول لي عن بسمه..."

[₪ همسـﮯ الطفولة ₪]

دخلت خالة بسمه والجوهره وسلمت على خالد وباركت له ...
فواز:" خالد من تشبه الجوهره اختي "
ناظر خالد البنيه الصغيره كانت نسخه مصغره من بسمه ...
ابتسم خالد :" تشبه بسمه "
فواز وهو يكلم اخته :"شوفي اذا كبرتي بتصيرين عروس حلوة زي بسمه "
الجوهره بكل برأة الطفوله :"وابغى اتزوج واحد حلو زي خالد"
الكل انفجر في الضحك الابسمه اللي اكتفت بابتسامة....وفي خاطرها الله لايخليك تشوفين اللي شفته... وجلسوا يسولفون مع بسمه اللي ما اخفت فرحتها بوجودهم وحس خالد ان لهم معزه في قلب بسمه ...
قاموا تركي واخوانه بيطلعون بعد مااخذوا من خالد وعد بزيارتهم ....ودخلت ام خالد وبناتها واختها....كان خالد يسولف مع خواته وهو يختلس النظر لبسمه اللي كانت تسولف مع خالتها وقدرت تتمالك نفسها ولا كأن شي صار ...
حتى جا الوقت اللي قامت خالتها بتروح وهي تسلم على بسمه ما قدرت تتماسك وانهارت على كتف خالتها وهي تبكي كانت تبكي تحطم امالها وانهيار حياه ما بدتها..
لما شافها خالد تندم على اللي صاروحس بتأنيب الضمير ...
مريم :" اهدي يابسمه "
وقربت منها بدريه :" بسمه اشفيك"
حست بسمه انها زودتها شوي مسحت دموعها :" مافيني شي بس تذكرت امي تمنيتها بجنبي اليوم "
مريم :"يابعد عمري يابسمه....(وهي توجه كلامه لخالد)ما اوصيك على بسمه ياخالد "
خالد :"بسمه في عيوني "
وطلعت خالتها.... وبسمه من كثر الدموع المتجمعه في عيونها حاسه ضباب قدام عيونها ...
ام محمد :" اشفيها مرتك ياخالد ما وقفت صياح ياكافي"(تتعمد توجه الحديث لخالد وكان بسمه ماهي موجوده)
خالد وهويناظر بسمه:" تدرين بعد عروس"
مسحت بسمه دوعها وانقهرت من خالته اللي حتى مبروك ما سمعتها منها ...والتفتت على امل تسولف معها ...وكان حالها احسن وتطمنت بدريه وقالت اكيد صياحها علشان خالتها اللي ما شافتها من زمان ....
وقف خالد ومسك بيد بسمه الين وقفت اللي تضايقت من لمست يده بس لازم تصبر ...
خالد :" اشوفكم ما تنعطون وجه ....شكلكم راعين طويله "
وحط يده من ورى ظهرها وهم طالعين:"ما كنكم قاعدين مع عرسان "
بسمه في خاطرها لو ماسمعت كل شي كا ن صدقتك ياخالد من كثر ما انت تتقن الدور........

**********

وهي قاعده مع ريم بعد ما راح اغلب المعازيم وخالد وبسمه طلعوا....كانت تبتسم ابتسامة رضى كانت السعاده تبان على وجهها بعكس اول ما وصلت الزواج وتفكر بكل اللي صار....
ريم:" ارتحتي الحين"
عبير وهي تفكر:" ايه...ارتحت"
ريم:" شفتي خالد"
عبير:" ايه شفته"
ريم:" ترى بديت اعصب.... كل ماسالت (جاوبتي هي تقلدها) ايييييييييييه"
عبير:" اشتبيني...ارد