صــــــــــــورتي انا............!!!!!!!!!!!

[ســــحرالعــيون]

مساكم الله بالخير .. كيف حالكم
اشلونكم .. انشاء الله طيبين
اليوم الله يسلمكم كنت قاعد اسوى تصفية حق البوم الصور الخاص فينى
وقاعد اتطمش على الصور القديمة اللى اهى صورى وصور الربع ايام الخمسينات
مو الخمسينات الخمسينات .. عاد انتو لا تصدقون كلشى اقوله
وفجأة جان تطيح بيدى هالصورة

v
v



[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


طبعا بتقولون الحين منو هالحلو اللى بالصورة
بقولكم من غير تردد انااا
لكن مو هذا الموضوع
قعدت اتأمل الصورة واتمقل فينى ايام ما كنت صغيرون
جان تطيح بيدى صورة ثانية اللى اهى هذى

v
v



[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

وهم ادرى بتقولون منو هالمزيون المفصخ ابو كشة
هم بقولكم انااا
لكن مو هذا موضوعنا

وهم قعدت اتمقل فى الصور جان يدش على اخوى الاصغر منى
جان يقولى علامك جنك عيوز قاعدة تتذكر ماضيها الاسود
قلت جببب .. لا تقول عن اخوك العود عيوز
عاد وريته الصور ضحك وقال يبه ذولى مو ثنتينهم صورك
قلت له عيل صور منو اذا مو صورى
قال وحدة منهم لك والثانية لى
قلت ايهى اللى لك قال هذى صورتى .. اللى اهى هذى

v
v


[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

اما الثانية صح صورتك
قلت له انت من صجك .. قال اى والله
قلت له هييييييي انت بتعلمنى بنفسى
اقولك صورتى .. تقولى صورتك
جان يقول والله اقولك صورتى .. واذا مو مصدق تعال اسأل امى
قلت امش حق امك ونسأل لكن اذا طلعت مو صورتك ترى بسوقك كف ارجع لك الذاكرة
قال انا راضى يالله امش
ورحنا حق الولدة .. جان اقولها يمه هالصورة من صورته
قالت هذى لا صورتك ولا صورته هذى صورت اخوك العود ناصر
جان اقولها شفيج يمه الله يهداج انتى بعد
يبه هذى صورتى .. شفيج ما تركزين طالعى عدل
جان تقولى بتعلمنى فيكم يعنى ما اعرفكم
يمه هذى صورت اخوك ناصر وانا متأكدة
قلت لها يمه .. اقولج والله انا والله انا
قالت لااااا مو انت هذا ناصر ومصرة على انها موصورتى
عاد تذكرت شغلة .. اللى اهى ان الصورة قديمة وايد
والبيت اللى مصورين فيه الصورة اخوى الصغير بعده ما انولد يوم كنا فى البيت
ويوم انولد اخوى الصغير جود ان احنا طلعنا من البيت ورحنا حق بيت ثانى
جان اقوله هييي انت تعال انت خلصت منك
لان ايام هالبيت انت اساسا ما انولدت شكو راز ويهك
قال ادرى ان الصورة اصلا صورتك مو صورتى
لكن الحين فك نفسك من امك .. واثبت لها ان الصورة صورتك
يالله باى اخليك تعابل بنفسك

جان ارد حق الوالدة وادرى ان نظرها الله يطول بعمرها على قدها
ويالله تشوف النور .. قلت لها يمة تأكدى عدل
قالت لا صورة اخوك العود واذا مو مصدق دق على اخوك تليفون وقوله ايي الحين
وسأله .. واذا ما طلعت الصورة صورته لك اللى تبى
عاد الحين انا داق على اخوى تليفون وقال اليوم بالليل بيمرنا
ومنى لين الليل الله كريم .. يا تنحل السالفة
يا يبقى الموضوع معلق الى اشعارا اخر




تحياتي

[ســــحرالعــيون]

الصوره الاولى