جلسه الصراحه مع هشام استاذ المسرح

[saracool]

صباح الخير عليكم


اليوم هشام اقترح عليهم درس جديد هو ينوض جوج من الطلاب هو لي تيختارهم وكل واحد يقول الاخر شيحاجه مخبيها وقالهالوش ولكن غير بنضرات العيننين


كان اول تنائي اختارهم هشام هو هاجر و سريا ...ناضو وبقاو تيضحكو وقالو لهشام حنا بناتنا غير الضحك مبيناتناش شي مواقف خايبه ..وبعض لحضه بقات سريا بوحدهاا لتضحك وهاجر غير تتشوف فيها بنضرات
رغم ان هاجر معروف عليها انها تتضحك دغيا الضحك د سريا مزعزعهاش ..ومن بعد بقات تتبكي هاجر وكلس هشام يصفق لها ودرعاتها سريا لانها عرفات سباب البكا وكلسو بحالهم .وتسالى المشهد.........<<<<<<<<<<نتوما اكيد مفهومتوش شيحاجا وشنو السر د البكاء المهم بعد التحريات وحتا تسلات الحصه جات فرح وسولات هاجر قالتلها علاش بكيتي قالتلها لا غير كان سوء تفاهم فاول ستاراك بيني وبين سريا بسباب كوتر لي عيات متهدر فيها وتوقع بيني وبين لي فالاكادمي وقالتلها فرح اه عندك الحق وقالتلها هاجر كوتر كانت تتجبد المشاكل وتتخلط بين الناس وهدرات فيا وفيك ...شفتو يعني العلاقه د كوتر سيئه سواء مع هاجر او اخرين لانها كانت غير تتجد الصداع وخروجها كان احسن شي



المشهد التاني فالحقيقه مفهمتوش وكان بين يسرى وعبد الحميد كيما قلنا هشام لي تيختار التنائيات

كلسو يشوفو فبعضهم لحضاااااات ومن بعد يسرى كلسات تبكي اوعوتاني درها حميد وكلسو وكلس تيقول هشام مزيان هد الاحاسيس مخصش الانسان يخبعهاا .....انا معرفتش شنو القصه ومتبعتش مزيان

حتى المشهد التالت كان اقصر كان بين احمد وفريد شافو بعضهم شويا ودرعو بعضهم والقصه ان احمد وفريد كانو متيتفاهموش في الاول ودبا متفاهمين وقالو علاش ضيعنا هداك الوقت


المشهد الرابع ولي معقد شويا وهو ان هشاام نوض فرح وقال ليسرى تنوض وكيف مالحضتو ان هشام كان دكي فاختيراتو لانو عارف ان فرح متهدرش مع يسرى ..

المهم طلعات فرح وبقاو تيتبادلو النضرات لكن نضرات فرح كانو فيهم تقه فالنفس (بحال لي تتقول لهشام انا متاكده من الموقف ديالي اتجاه يسرى ومهنعملش بحال اخرين وهندرعها وتسالت القصه-) المهم بعد نضرات حاده متبادله بدات عيون يسرى تنزل حتى بقات تتبكي وفرح مازالت عند مكانها وبنفس النضرات وكلس تيهدر هشام تيقول لده الدرجه ومن بعد قالهم كلسو ........فاخر الحصه هشام حاول يفهم الموضوع من فرح ولكن هيا مبغاتش تقول وسول يسرى قالت انا مفهناش وانا كل ما نبغي نسولها هي متتعطينيش وقت وكل لي قالتولي هو ان الناس قالولها ردي بالك من يسرى ....وفرح قالت انه يسرى كانت عزيزه عليها وفتحات لها قلبها ولكن متقدرش تسمح لها هدكشي لي دارت وميدوش وانها متحملش شكون يضحك فوجها ويضعنها مور ضهرهاااا .......وبقا الحال على ماهو عليه وانتهت الحصه

سمحولي طولت عليكم انا باش تنهضر متنسكش ههههههه

[miss-k]

شكرا صاره
حتى انا شفتهم ولكن ما بديتش من الاول ولات تتعجبني صوريا تغيرات هاد الايام منين خرج فراس وتقربات من صحابها اكثر
اما فرح زادت فيه واخا تكون يسرا قتلاتليها شي حد ما ديرش معاها هاكدا
الله يصلح
وشكرا على النقل

[saracool]

المشاركة الأصلية كتبت بواسطة miss-k

شكرا صاره
حتى انا شفتهم ولكن ما بديتش من الاول ولات تتعجبني صوريا تغيرات هاد الايام منين خرج فراس وتقربات من صحابها اكثر
اما فرح زادت فيه واخا تكون يسرا قتلاتليها شي حد ما ديرش معاها هاكدا
الله يصلح
وشكرا على النقل

الولاا سمحولي حيت دايراه بزاف د الاغلاط تنزرب
تاني شي ان هاجر باش بكات جاتني مبالغ فيه وسريا فعلا تغيرات خاصه باش خرج فراس
العكس د فرح عجبني الموقف ديالها ممتلاتش بحال اخرين
وشكراا لمرورك
ساره

[^الجازيه^]

ابي افهم اذا فرح واثقه من نفسها ليش ما قالت سبب زعلها من يسرى!!!!
كل اللي قالته ان يسرى (هضرت ههههه)من وراها طيب ايش قالت البنت قوليلها خلها تفهم عشان اذا الغلط منها تراجع روحها واذا كان في سوء تفاهم يقدروا يلاقوا حل.

فرح قلبها قاآآآسي و بقوة بعد...يسرى ستار

[MeRiaNa]

هاجر ستاااااار، ويسرى وفرح خيار

[نسمة المغرب]

احسن حاجة هو موقف فرح

[&احترت بالاسم&]

شكرررررررررررررررا على تقرير
حتى انا شفت ولكن غبر الاخر

[ريم عاشقة ايمان]

مرسي على الموضوع
انا ما شفت المشهد

[المروكية]

وشنو قالت هاجر ف أخر حصة بعدما دق الجرس قالت شي حاجة وهشام ضحك وأحمد كذلك وشوية ناض أحمد بدا كيلعبب معاها . شنو كانت قالت مسمعتهاش .

[هنوءة ستار]

مرسي سارة على الخبيرات اللي جبتي لينا

انا ماشتش هاد الشي