لقاء مع ميسون .......... في برنامج شبابيك بقناه دريم

[jack-in-da-box]

**********

********

******

****

**

*




بداية يا ميسون قوليلنا فكرة دخولك ستار اكاديمي جات ازاي ؟؟
انا من صغري كنت بحب اغني و في ناس كتير كانوا شايفين صوتي حلو دة غير ان ماما و بابا
هما اللي شجعوني عشان اشترك في البرنامج

و ايه اللي استفدتيه في الفترة اللي قعدتيها هناك ؟؟
استفدت كتير , صوتي اتحسن كتير و بقيت اعرف اغني نوتات ماكنتش بعرف اغنيها قبل كدة , دة غير اني اتعرفت على 18 شخص من بلاد عربية مختلفة

و يا ترى كل دة اهلك انك تقدمي اي حاجة للفن , البوم مثلا؟؟
ايوة انا سجلت اغنيتين و قريب الالبوم هينزل

و الابوم هيضم كام اغنية ؟؟8 اغاني

طب انتي شايفة ان في حد اتظلم في الموضوع دة التصويت مثلا المعاملة و هكذا ؟؟
لا الموضوع مش موضوع ظلم , الموضوع كله بيتوقف على التصويت و دة في الاخر نصيب

يعني معنى كدة انك شايفة ان كان في ناس تستحق تبقى اكتر من الفترة اللي قعدتها و الحظ ماحالفهاش ؟؟
اه طبعا في ناس كمان تستحق اللقب و مع ذلك خرجت بدري و كمان ماكانتش في التور

زي مين مثلا ؟؟
زي عبدالعزيز الاسود دة صوته رائع و كمان خالد الفردان و دة فنان من الدرجة الـ1
صوت وعزف على كذا اله موسيقية يعني فنان شامل و بكل المقاييس و مع ذلك خرج من الاسبوع الاول

طب دلوقتي يا ميسون فكرة ان البرنامج بيضم شباب و بنات من مختلف البلدان العربية في بيت واحد عشان يتعلموا الغنا و الفن كانت غريبة على الناس شوية , و في كتير شايفين ان دة يتعارض من عروبتنا و شرقيتنا , انتي رايك ايه ف الموضوع دة ؟؟

انا شايفة ان الموضوع دة بيتوقف على الشخص نفسه , يعني كان في طلاب مثلوا بلدهم احسن تمثيل و كانوا قمة في الادب و الاخلاق

تقدري تقولي زي مين مثلا ؟؟
زي علي السعد من السعودية , و برده خالد الفردان كان قمة في الاخلاق و مثل بلده كويس جدا

و مين ناحية التصويت النهائي السنة دي , صوتي لمين ؟؟
صوت لمحمد طبعا

و اشمعنى محمد ؟؟
لانه مصري فطبيعي اني لازم اصوتله و اي مصري كان مكانه كنت طبعا هصوتله

يعني حتى يا ميسون لو اي مصري حتى لو مش حلو اوي كنتي برده هتصوتيله ؟؟
اه طبعا كنت هصوتله عشان لازم اسم بلدي يبقى فوق

صحيح يا ميسون بس يبقى فوق في حاجة كويسة ؟؟
ماهو مادام كلنا وصلنا للمكان دة يبقى كلنا نستحق اللقب

بس احنا في الاخر كلنا عرب يعني مش هتفرق بئى اللي هيكسب دة مصري ولا لبناني ولا مغربي ولا كويتي لا ولا ولا؟
صحيح بس لو احنا ولاد بلده ماوقفناش جنبه مين هيقف

و انتي شايفة ان كل الطلاب كانوا صوتهم حلو ؟؟
لا طبعا مش كلهم كانوا صوتهم رائع لان ستار اكاديمي مش للغنا بس ستار اكاديمي للغنا و الرقص و التمثيل
يعني كان في ناس صوتها حلو اول و في التمثيل عادي و برده العكس كان في ناس صوتها مش اوي بس في التمثيل كويسة جدا

طب ايه رايك في اللي بيتقال كل سنة في ان التصويت فيه غش ؟؟
انا ماعتقدش ان في غش و اعتقد ان هي دي النس الحقيقية

بس احنا سمعنا طلاب كتير من كذا بلد بعد خروجهم من البرنامج بياكدوا وجود غش في التصويت ؟؟
انا اول مرة اسمع الكلام دة و ماعتقدش انه صح و حتى لو صح ماينفعش بعد ماخرج من البرنامج اقول عليه حاجة وحشة لان المكان دة احتواني و استفدت منه كتير -( وبعدين تضحك ضحكة بخجل)- طب لازمته ايه السؤال دة هههههههه

طب ايه رايك في نتائج اخر برايم و ايه تاثيرها عليكي ؟؟
انا طبعا كنت صوت لمحمد و زعلت انه ماكسبش لكن في الاخر برده شذى تستاهل

[اميرة سعد]

شكرا جبترين علي االموضوع تسلمي حبيبتي رنا علي الاخبار الجميله

[~GiiGii~]

ميرسى حبيبتى على اللقاء

[@$أحمد علي$@]

شكرا على اللقاء

[jack-in-da-box]

اميرة سعد
حسناء مصر
@$احمد علي$@
ميرسي حبايبي على مروركم الجميل

[1magribiya]

mmmmmmmmmmmmmmmmmerci a3la ilmawdou33333333333

[jack-in-da-box]

ميرسي 1magribiya عللى مرورك الجميل تسلمي

[saracool]

merciiiiiii iiiiiiiiiiii

[فديتني شكتر حلو]

مرسي يا غالية على الموضوع تسلم ايدينك

[RobbieWilliams]

مرسى يا جيبارت على الموضوع