قالـــــــــوا(( توفـــ ــــ ــــ ـــــ ـــــ ـــــ ت ))

[ميدو الحنون]

بصـراحـة هذه من أجمل وأكثر القصائد التي هزت مشاعري
واحزنتني كثيرا …..لكن للأسف ما أعرف شاعرها
وهي قصيدة مـؤلمـة خصوصاً أنها تحكي لحـظة فراق ..
و صح لسان ابن فطيس يوم قال :

والله انه أحر من دمع اليتيم = دمعـة الرجال من فرقى مـره

===================
أترككـم مع القصيدة

قلت الوداع وجاوبـت دمعـة العيـن = تجـرح بساتيـن الخـدود النديـه
وغمضت وشفت بعينهـا الحزن حزنيـن = وصاحت على الفرقا انـا مـو قويـه
وجاوبتها ارجـوك تكفيـن تكفيـن = والله دمعك يشعـل النار فـيّـه
وقالـت تعاهدني عـهـاد المحبـيـن = الله حسيب اللـي يخـون بخويّـه
قلـت ابشري واللـي خلقـك لاتظنيـن = حرااااام ماغيرك عشقـت آدمـيـه
وقصّت شعرها قلت انـا وش تسويـن = قالـت ابـي مـن غرتي لـك هديـه
ونادتنـي الغربه علـى الهـم والبيـن = احسّـب الأيـااااام روحـه وجيّـه
وفي كـل ليله ترتسـم بيـن رمشيـن = خيالها بيـن الـرمـوش الشقـيـه
غربة سنه فـي ذمتـي غربـة سنيـن = متى علـى الله يلتقـي الحـي حيـه ??
خلاص هانت مابقـى غيـر يومـيـن = خـلااااااااص قفّت غربـةٍ جرهديـه
ورجعت شوقي في خفوقي براكيـن = ورجعـت انـا كلـي لها جاذبـيـه
وسألت ما ردّوا وانا اصيح هي وين = وكلٍ نثر مـن داخـل العيـن مَيّـه
وفـي معمعـة حزني تلقيـت رمحيـن = قالـوا توفـت غافلتـهـا المنـيـه
وفـي غرغرتها ماذكرت غيرحرفيـن = تشهـدت بسـمـك شـفـاه البنـيـه
وتزاحمـت فـي داخلي ألـف سكـيـن = والحزن يطويـنـي ثمانيـن طـيّـه
صدمه وجابتنـي على الارض نصفـيـن = وشلـون راحـت دون ذنـب وخطيـه
تكفون دلـونـي علىالقبر هالحـيـن = مـاعـااااد فيـنـي للصبر مقـدريـه
ووقفـت اطالـع قبرها بيـن نصبـيـن = وجلست اضـم اغلـى النصايـب عليّـه
واصيح وش بك يا غلا مـا ترديـن = اشتقـت همس إشفاهك النرجسـيـه
وش فيك جيت من السفر مـا تهليـن = ماهي بلك عـاده ولا انتـي رديـه
وحاولت في لحظة جنون اجـرح الديـن = وازيـح تـربـة قبرهـا فـي يـديّـه
وبالغصب شالوني حشـا تقـل مسكيـن = واصـرخ بهم والله والله حـيّـه
اقفت وتاهـت بـي جميع العنـاويـن = والحـزن يلعب داخلـي سامـريـه
ورجعت لـدروب الشقـا قبـل عاميـن = مدري مـن اللـي صـار فينـا ضحيـه

سلامـــة قلوبكم من الحزن
والله لا يوريكم مكروه بمن تحبون
أتحفونا بدموعكم .... قصدي ردودكم
أصدق تحيـة
منقووول

[خاطــــــوف]

اخي العزيز
ميدوالحنون
قصيد تعتصر القلب
تحرك مشاعر الحزن
تجبر الدمعه على السقوط
تجعل الصوت تعلوه العبرة
قصيدك فيها من الحزن الكثير
والفراق وهو من اصعب الامور
تسلم على مانقلت وقدمت
تقبل تحياتي

[القلب المغرم]

اخي الغالي

ميدو الحنون

بالفعل

قصيدة رائعة جدا

مؤثرة جدا

تحيط بالوجدان

تخطف المشاعر

شكرا لك جزيلا

على النقل الرائع

تقبل تحياتي اخي

[بحار نجد]

الغالي ميدو الحنون
قصيدة مؤلمة ومؤثره
وأختيارك لها دليل سمو ذوقك
الف شكر لك على مجهودك الرائع

[ميدو الحنون]

ألف شكر لكم يا جماعه
يعطيكم العافية نورتوا القسم بمروركم الراائع شكــرا.