من قال ان......... البنات يكتبون الشعر؟؟؟؟؟؟؟{قصيده والرد عليها}..

[انسه ومستانسه]

باخليكم مع القصيده..من دون مقدمات




يابنت ياللي بالقصايد تغنين
جوزي عن الاشعار وش لك بالاشعار
خليك بالمطبخ وغسل المواعين
صعبه ترى يابنت تتغير الادوار
خليه لاهل الشعر يابنت تكفين
وانتي لك البكله .. وروج .. واستشوار
تدرين ولا كان مانتي بتدرين
ترى قصايدكم طماطم مع خيار
شعر مكسر خالي من المضامين
ذوق جماهير الشعر طعم الامرار
والبيض عند الشاعرة اسمه التين
ولاشافت الجربوع تقول ذا فار
والشاعرة لو عمرها بالثمانين
تكذب وتعلن عمري بعمر الازهار
تستخدم الميك اب وتكحل العين
واصغرهن اللي عمرها عمر سنجار
الشعر وين وشاعرات الغثا وين
طاحن بكبد الشعر لين الشعر ثار




((( وش رايكم يابنات.......قمة التحطيم. ..لكن على مين
شوفو الرد واحكموا..........




الــمـشـكـلـه يـاخـوي احـلـى الــدواويــــن
تـــحــــلـــى بـــوصــــف الـبـنـت والـقـاف يــحـتـــــــار
الـلـه عـطـاهـا وصـخـّر الـشـعـر لـلـزيـن
والــــبــنــت مــاتــنــعــاب فــي مــطــــبــــخ الــــــــــدار
الـعـيـب فـي بـنـت(ن)تـقـود الشياطيـن
مــاتــعــرف الــمـطـبـخ ولاتـــــعـــرف الـــجــــــــــــار
تـعــرف تــمـشّـى وسـط الاسواق وتبيـن
فــــــي لـــبــسـهـا فــي زولـهـا ونـظـرة الــعــــــــــــار
تـلـبـس عـبـاه مـخـصـّره والـهـدف شـيـن
تــضـحـك عـلـى الـرايـح وتـــــعـاكـــس الـــمـــــــــــار
تــاخـذ رقــم مـسـكـيـن مـخـدوع بالـعيـن
وتــــجــمـــع رصــيــد ارقــام والـكـاش تـخـتــــــــــــار
وتـــصـد عـنـه لـعـلـن افـلاس أو ديــــن
ومـــاهـــمــا ذيـــك الـــهــدايـــــــا والأســـــــــــــــــوار
تـامـر عـلـى الـسـواق وتـعـطـيـه الـفـيـن
مــن شـــان مــايــسـئــل ولايــقـول مــــــاصــــــــــــار
هـــذي الـصـراحـه بــيـّـنـتّـها الـعنـــاويـن
مـــابــيــن بــنــــت وبــنــــت وانـهــار وابــحــــــــــــار
بـنـت(ن)لـعـنهـا الـله شـرفها عـلى ثنيـن
وبـــنـــت(ن)رفــعــهــا الـلـه مـع الـنـاس مـقــــــــــدار
بـنـت الـرجـال الـي عـلـى الـعـهـد وافـيـــن
الـــيـــا نـــخــيــتــه يــابـو فـلانـه00 يــالاحــــــــــــــرار
ابــشـر بـعـزك جـــــاك لــو اخـــره ويـــــن
مـــايــــرتـــخـــي عـــزمـــه عــلـى الـضـيـم صـبّــــــــار
لــو قــلـت ثـم قـلـت مـن حـيـن لـي حـيـــــن
صــعــب(ن) أوفـــي حـقـهـم حــــــق الابـــــــــــرار
تـــبـي الــصـراحـه الـفـرق مـابـيـن ثـنـتـيـن
نـــاس تـبـلـّـى الـشـعـر والــــشــعـر مـــشـــــــــــوار
ونـــاس ســـوالـفـهـم شـعـر وسـط بـيـتـيــــن
بـــيـــت الــمـشـاعــر وبـيـت الاحـســاس جــبــــــــار
فـــــي شـعـرهم طـيب وكـرم وكـلـمة اهـلـيـن
فـــــــي شـعـرهــم مـعـنـى وحـكـم تـمـنـع اضــــرار
مـــــــثـل الـجـمـل لاطـاح مـثـل الـمـسـنـيـــن
كــــثــــرت ســكــاكــيـنــه وحـاطـوه الاشــــــــــــرار
و لاتــــامـــن الـخـايـن وربـع(ن)مـلاعـيـن
الـــــي يـــخـونــك يــــرجـع يـخـون تــكــــــــــــــــرار
والاولـــــــه راعــيـــه مــايــلـحـــقـه شـيـن
لــــــو تـــرخــــص الــغــالــي وتـــفـديـه الاعـمـــــار
تــدري وعــود الـحـر يـاصـاحـبـي ديـــــن
والــــــــي بـــــدا بــالـــشـــرط تـالـيـه أنـــــــــــــوار
والـــشـعـر بـحـر(ن)فـيـه لافـي ومـقـفـيـن
مـــايــحــكـمــه بـنـت ورجـل وشــبـك وجــــــــــــــدار
الـشـعـر مـاهـو طـبـخ أو قـطـع سـكـيــــــن
ومـــكـــونــاتــه مــاهـي ابــــــــــزار واصــــــــــــــرار
الــشـعـر احـسـاس وانـفــاس دافــيــــــــــن
غــيــمــة وســط صــحـرى ومـشـاعـرهـا امـطـــــــار
الــبـنـت شـوفــتــهــا شـعـر يـامـجـانـيـــــن
والــشــعــر لـــولا الــبــنـت مــامـثــــــــــــــــــل أدوار
كــــم لـــيـلــة(ن)شـعّـارهـا نـاس واطـيـن
دخــان 00 ضـيـق انـفـاس واحـساس00 فـي بــــار
وكــــم لـيـلـة (ن)شـعّـارهـا والـمـقـيـمـيــن
مــــن نــســل قـــوم(ن)مـــايــهـابـون الاخـطــــــــار
وكـــم مــنـتـدى فـيــه الـعــجـب والـمـحـبـيـن
وكـــــم ذيــب وسـطــه لاعـــوى يـلـفــت انــظــــــــــار
وكـــم قــســم يـرســم فــي رسـالــة ولـيـفـيـن
وكـــــم كــــان كــــم وكـــم خــانــات الاســـعـــــــــــــار
واحـــد ثــلاثـه اربـعــه والـــثـلاثـــيــــــــــن
بـــلـــيــــون مـــيه واحــــد ثـنـيــــن أصــــفــــــــــــــار
وكـــم فــرّقـت وجـهـة نـظـر بـيـن شـخـصـيـن
وكــــــم ود بـــــاقـــي فـــي خــــلافـــات وحــــــــــــــوار
الــلـــه يـــديـــم الــــود ويــعـيـن ويــعـيـــــــن
مـــــن هــــو يـــعـانــي مــن صــواديــف الاقـــــــــــــدار
ارجـــو الــسـمـوحـه كــان بــالــهـرج تـطـعـيـن
شــــدّيـــتــنـــي واشـــتــــدّ هــــرجـــي والاشــــبــــــــار



هااااااااه وش رايكم ؟؟؟؟؟؟؟؟
رد مسكككككككككت....
صح لسانها ...بنت الاجاويد



م ل ط و ش

[ميدو الحنون]

يسلمووو اختي على الشعر
صراحة كلمات راائعه ومشاركة جيدة
تقبلي مروري اختي انسه

[انسه ومستانسه]

يسلمووووووووو ميدو

كلك ذوق...................

الف شكر عالمرووور

[+{ ولايــف الــروح }+]

افحمته بردهااااا
هههههههههههههههههههههههه
صح السااانها و لسان من نقل قصيدتها
تسلميين قلبي على المشاركه الحلوه
تـــحــيــاتـــي

[بحار نجد]

الغاليه أنسه مستانسه
الحقيقة ( لطشه ) محترمه وتستاهل العنوه
وأنا مع الشاعره في كل ما قالته حرفيا"
رد بليغ وقصيدة ولا أجمل وأجمل ما في الرد
بعد الشاعره عن الاهتمام بالرد المباشر لذات الشاعر
واتجهها الى طرح الحقيقة بايجابيتها وسلبيتها
وذكرها للامثاله المشينه والامثله محل الاعتزاز
ليأخذ كل ذي حق حقه
يعطيك الف عافية

[oOoبنفيكا العظيمoOo]

عزيزتي آنسه
لاشك ان للمرأه مسيرتها الحافله بالعطاء في مجال الشعر منذ الأزل
بداية من الخنساء مرورا بالشاعره بخوت المريه وصولا الى الشاعره آنسه ومستانسه..هههههههه
مما يعني ان المرأه كانت ولازالت عنصر هام جدا في الشعر
فهو اي الشعر ان لم يكون منها فهو بلا شك عنها
تقبلي مروري الخجول ..ولك مني اجزل التحيا وأعبق الأمنيات
بنفيكا......

[انسه ومستانسه]

ياهلاااااااااااااااااااا والله ومليون مرحبا
اخييييييييييييرا احد عبرنا ورد علينا... اصلا لو ما كان رديتو كنت باسويلكم اليوم
حفله.... .حشا شككتوني بنفسي.. قلت اكيد القصيده مغبره وانا جايبتها وفرحانه باكشخ
فيها....بس ماعليه دام رديتوا طاح الحطب
الف شكر للجميييييييييييع.

[انسه ومستانسه]

شوقاني.....تسلميلي يارب....والله ماتدرين كيف استانس لا شفت ردود من
البنات(ولا يهونون البقيه)
الف شكر يالغاليه.........

[دروبي ألم]

أختي أنسه

دوما مواضيعك لها نكهة خاصه

ونقاشها يكون محسوما بالإيجاب من الجميع

وعندي شاهد هنا أحب ذكره

قصيدة قرأتها لك

كوني بخير

[انسه ومستانسه]

بحااااارنا ..يامرحبا مليون ...تو ما زانت الصفحه...
سعيييييييييييييييده لان القصيده اعجبتك....تمنيت اني انا اللي كاتبه هالرد المفحم
...بس والله الشاهد ماقصرت الشاعره......الف شكر على هالطله الحلوه
تحياتي لك......