والله زمان الله يذكر هذيج الايام بخير ايام قبل حلوه
بما اني من مواليد اول الثمانينات هو مش أول أول أول وشوي فمن الحق لي التكلم وسرد مذكراتي
ايام حلوه لما كنا مانفطر في بيوتنا نفطر في المدرسه تروح المدرسه وتحصل مجهزين الريوق والمدرسين طايحله اكل والنفسيه ((عال العال)) مو مثل الحين المدرس يدرس خمس دقايق والباقي راحه عشان جذي الدراسه قبل احسن
وكلها كوم وقواطي ((عصير السانكيست)) كوم لما كنا نحط القواطي في التاير الوراني للقاري
عشان يطلع صوت <===يعني سيكل
وكنا مدمنين شئ اسمه بفك بوسفينه مع ((آرسـي)) او(( لايك كولا)) <==ولد عم الكوكا كولا<==مشروبات غازيه انقرضت
واذكر ايام لما يرجع الوالد الله يطولنا بعمره من الدوام انطره عند باب بيتنا ولما يجي اروح افتح باب كراج السياره وأركب معاه قبل لا يصفط السياره والمشكله انها كلها ثواني معدوده لكن احس اني داش جو وطاير من الفرحه وكأني رايح جوله حول العالم
واذكر ايام الدرسه لما تجي الهده<==يعني نهاية الدوام الدراسي نروح نركض على باص المدرسه ومسكين الي يقعدآخر واحد في الباص راح ينضغط طول الطريق نغني عليه((آخر واحد ام عيال))
هيـاااااااااااااا هيـه
<=== قلبه متروووووسه
ليت الشباب يعودوا يوماً ***لاخبره بما فعل المشيب’ <====فـاهم غلـط
في ذكريات وايد حلوه بس بعضهم ناسيهم والبعض تتعب على ماتكتبهم
ملاحظة هامه وتنويه وقد اعذر من انذر:حقوق الطبع لمذكراتي محفوظه لدار النشر العربية وكل من ينتهك حقوق الطبع يعرض نفسه للمسائله القانونية<=== لايكون صدق نفسه اقول قم بس قم
نمله متحنيه الصراحه موضوعج عجيب ومشكوره لانج خليتينا نتذكر ايام اول
دمـتِ بحفظ الرحمن ورعايته