موضوع قديم يستحق القراءة

[بدر الشيوخ]

-
-
-
-
-
-
-
-
-
-
-
-
بسم الله الرحمن الرحيم

يرن الموبايل بأنغام شبابيه خالد يفتحه ليسمع صوت زميله سالم قائلا:ها بو وليد انت مستعد وجاهز للي اتفقنا عليه؟

خالد :وشنو الي اتفقنا عليه...؟!

سالم :افا مداك نسيت أللي قلته لك امس...؟

خالد :اي ذكرني((ان الذكرى تنفع المؤمنين)).

سالم نسيت ان بعد كم يوم راح نرسل مسج بالموبايل حق برنامج ((ستار أكاديمي))!!

خالد :نعم نعم تذكرت بس يا سالم ابيك تطول بالك معاي شوي ,وتسمع الي عرفته امس ,تره مو شي سهل!!

سالم :وايش الي عرفته امس يا بو وليد .

خالد: اللي عرفته ما هو هين ... ويكسر جبال ويحطم القلوب
ويبكي العيون للي عنده ضمير، وبقلبه رحمه .

سالم : الله ... كل هذا .... شلون ... قولي اللي عرفته بسرعه؟

خالد : تدري يا سالم ان 800 فلس او 400 فلس اللي بندفعها لمسج ستار اكادمي ايش ممكن يسوي ؟

سالم : ايش ممكن اتسوي ؟! هذي ما تعشيني وجبة مأكولات سريعه من اللي تطلبه بالتلفون ؟

خالد : بلاك غشيم وما تعرف شي ؟

سالم : اشلون ؟

خالد : اسمع يا سالم انا اعرفك تماما ... ضميرك حي .... وما ترضى باللي بتعرفه ، تصدق يا سالم ان 800 فلس قيمة المسج او 400 فلس حسب نوع المسج طبعا يمكن تنفيذ 800 طفل بأفريقيا من ان يحرمون من نعمة البصر ، لانهم يحتاجون حبة فيتامين (أ) كل ثلاث سنوات ، وقيمة الحبه الواحده اقل من فلس واحد ، وان 100الف طفل من طلبة القران يصابون سنويا بالعمى بالصحراء الكبرى بأفريقيا .

سالم : معقول يا خالد 800 طفل !

خالد : وبعد اسمع العجب 10 فلوس تكفي لشراء علاج طفل فيه ملاريا ، وان مليون طفل يموتون سنويا من الملاريا بأفريقيا ، يعني حياة 80 طفلا تعادل قيمة مسج واحد .

سالم : يالله عليك يا خالد كلامك قوي !!

خالد : ادري انه قوي بل حاجة الأنسان الفقير اقوى ، وخلني اكمل يا سالم لا تقاطعني لان عندي شي كثير بعد ، اتصدق يا سالم انه 25 فلس تعالج طفلا بأفريقيا مصابا بلأسهال يعني حياة 32 طفلا تنقذهم بقيمة مسج واحد ، وان مليوني طفل يموتون بسبب الأسهال !!

سالم : 32 طفل حباتهم تساوي مسج واحد !!

خالد : وبعد يا سالم اكثر من 150 الف طفل ينحرمون من ان يلعبون ويركضون مع الأطفال لان ما عندهم 15 فلس قيمة طعم شلل الأطفال .

سالم : معاناة اكثر من 35 مسج بقيمة مسج واحد ؟!

خالد : عليك نور يالحبيب ونفس العدد 53 طفلا تقدر على ايدينك يتأجل وتهم يوما واحد – باذن الله طبعا – ايام المجامعه واللي تكثر بافريقيا لما ياكلون وجبة بالمجاعه من ماء وطحين قيمتها 15 فلس ، واذا كان الطفل اثناء المجاعه مع اسرته وهم خمسه تقريبا تنقذ عائله كامله بـــ 75 فلس

سالم : الله اكبر عليك كل هذا وانا ما ادري ؟!

خالد : مو انت وحدك ما اتعرف هناك وايد مثلنا ما يعرفون ان ختى الحيوان بأفريقيا ممكن ننقذه من الموت جائع لما نغرس شجرة يرعونها ناس هناك بـ 50 فلس .

سالم : حتى الحيوانات ممكن نتفذها !!

خالد : تصور عائله كامله ممكن تتغذى بالبروتين اذا شرينا لهم دجاجه يعيشون على بيضها يقيمة ربع دينار .

سالم : المسج الواحد يجيب 3 دجاجات لثلاث عوائل .

خالد : تصور من 50-80 فلس تعطي مسلم بأفريقيا جزء عم (الجزء الثلاثون ) من المصحف الشريف ومعاه معلومات شريعه عن التوحيد و مبادئ اللغه العربيه ، تكون زادا لروحه ودينه و لكل عائلته .

سالم : 10 اجزاء من القران بقيمة مسج !!

خالد:هذه المعلومات يقولها د.عبد الرحمن السميط رئيس
جمعيه العون المباشر مع اخوانه اهل الديره بلجان الخير، اللي رفعوا رأسنا بفعل الخير بتبرعات الطيبين الذين نفخر فيهم بكل مكان.

سالم : بس يا خالد يعني 800 فلس... ما تؤثر على أحد؟.

خالد : يا سالم ماتدري ان الله سبحانه وتعالى راح يسألنا يوم القيامه عن فلوسنا منين جبناهم ووين صرفناهم،راح تقول لربك 800 فلس انقذت فيهم ارواح وعالجت امراض وعلمت ناس ، ولا راح تقول لربك دزيت فيها مسج لستار اكادمي؟!.

سالم : لا والله لابتساوي هذا وذاك، خالد بقولك شي... جزاك الله خيرا ...نورتني وفتحت عني على اشياء ،ماكنت اعرفها...
عن اذنك باتصل بالربع واخواني بسرعه حتى يعرفون اللي عرفته ونسوي الصح اللي ينفعنا ونترك الغلط والكلام والاسراف اللي ما منه فايده.


و شكرا

[YmaNeY]

بالفعل يستحق القراءه مشكوووووووووووووور بدررررررررررررر

[بدر الشيوخ]

مشكوووور على مرورك الطيب

[مكنوز]

فلوس تكفي لشراء علاج طفل فيه ملاريا ، وان مليون طفل يموتون سنويا من الملاريا بأفريقيا ، يعني حياة 80 طفلا تعادل قيمة مسج واحد

بارك الله فيك اخوي بدر ....
لقد أسمعت لو ناديت حياً ولكن لا حياة لمن تنادي ....

[ما رد المسباح]

لا تعليق ...................

[ملكه بلا وطن]

الف شكر ياخوي غلى موضوعك الحلو فعلا احنا نحتاج مثل هذي المواضيع الي توعينا على الخير

[الصقر*الجارح]

بالفعل يستحق القراءه مشكوووووووووووووور

[joudia]

مافي تعليق عن جد الله يهدينا جميعا

[بدر الشيوخ]

مشكورين على مروركم

[صاحبة_الامتياز]

موضوع حلوو شكرااااااااااااا