لو يسمحون لبنات السعودية حضوور المباريات شوفوا وش بيصير

[رومانــســي]

لو يسمحون لبنات السعودية حضور المباريات شوفو وش بيصير((ويسمحون لي البنات اللي بالسعوديه ترى نمزح بس ))

>>المباراة قديمه


هلالية ونصراوية يتهاوشون .. النصراوية تقول: تكفين من زينكم أنتم وبطولاتكم ولاعبينكم عشان تحطون راسكم براس العالمي؟؟؟؟ . . وترد الهلالية: وع على لاعبينكم القواطي مالت عليهم ... ماعندكم صاحي إلا سعد الحارثي وبدا يخرب بعد .. بعدين لو فيك خير ما لبستي عباية كتف<<<<أبي أعرف وش دخل العبايه في السالفه

أم تهاوش بنتها المراهقة: وجع إن شاء الله تغطي.. شوفي هذاك من اليوم يناظرك .. ترى والله لأعلم أبوك عليك.......

وحدة عربجية تصايح: يا حارثي يالنذل .. لا تكسّر سامي حسبي الله عليك بلا <<<اقول عسى ماتكلفتي

وحدة تبكي قلبها متقطع وأختها تقول: خلاص يا بنت الحلال .. قسم بالله التمياط إصابته بسيطة .. شوفيه بيرجع للملعب مرة ثانية <<<

حرمة كبيرة: الله يهديه أبو عبدالله ما لقى يعزم إلا اليوم .. خليت الجريش على الفرن والله يستر ما يحترق <<< ورقة الطلاق تنتظرها

وحدة دلوعة تقول للى جنبها: لو سمحتي معك كريم واقي من الشمس؟ ما لقيت كريمي <<<ارووح وطي مع الدلع

وحدة فاضية تسئل اللى حولها: ما شفتوا عدستي الرمادية؟ طاحت الله ياخذها <<<بقووة فاضية

وحدة ثانية فاضية: من يعرف طريقة محشي ورق العنب؟ عجزت أضبطه <<< اقري كتاب الشيف مغترب

وحدة تزعّق من الهجمة اللي ضاعت واللي وراها ناشبة بحلقها: "لو سمحتي..لو سمحتي..وش اسم عطرك؟" .. طرااااخ صوت كف متعوب عليه

هلالية ونصراوية يتضاربون والهلالية تصايح: آي آي كسرتي ظفري الله ياخذ عمرك ياعسكر ياعسكري.... <<< عساه ظفري ولا ظفرك

وحدة بريئة: يا حبي لك يا شلهوب ياصغيرون... <<< يالله عليك

وحدة ما تدري وين المباراة معه: أحلى على الطول يا مفرج... <<<<

وحدة مسوّية نفسها فاهمة: يامدرب الهلال .. طلّع الخثران ودخّل بداله جيوفاني <<<جيوفاني يلعب من البداية وقدّم البرقان قدام .. ونزّل أبو يعقوب الله يقلعك <<< اقوول اطلعي بره

وحدة تسأل اللي جنبها: من أحلى عندك السلومي والا حسن والا أحمد ضاري؟ الثانية ردت : تركي العواد<<< لاتعليق

[اتصل نصل]

ههههههههههههههههه

حلوه

ويعطيك العافيه

[بسمة الدنيا]

ههههههههههههههههههههه
الله يرجك لاتفضح فينا بس نسيت شي رسائل البلوتوث والحش في الشباب المشجعين انا عن نفسي لو اشوف واحد حلو يشجع الفريق الخصم بغير فريقي واشجع مثل فريقه
هذي الملاحظه فاتتك يالرومنسي
وتسلم على الموضوع الحلو

[اتصل نصل]

ههههههههههههه بسمة الدنيا

لو البنات يحضرون كان الشباب كلهم مايشجعون كل وقتهم بلتوث

والامر االادهئ اذا جاء هدف الله يعين البنات على كح كح وشكرا

[بسمة الدنيا]

اتصل مفهومه حركاتكم ماندري اذا جاء هدف انتم كلكم فمدرجات البنات مساكين مع الحماس ماتدرون طحتوا من دون قصد

[هاوي وناوي]

أنا عن نفسي بالعكس

اقوم ام التحذيف بعلب البيبسي على البنات اخلي الوحده تروح لبيتها وهي تتملصق من ذا البيبسي
على شان اهلها يحرمون عليها تروح وتشجع مره ثانيه >>>>>>>>>>>>>>>>>>> من جد نذل

تسلم اخوي رومانسي على هذا الموضوع وجهدك المبذول

[اتصل نصل]

ههههههههههههههههههههههههههه هاوي

الله يرجك

يارجال اذا راحت الملعب حرمت تروح مره ثانيه هذا يفصفص على شعرها وهذا يرجم طراطيع عليها وهذا جنبها مخيس ههههههههه وانت عارف الباقي وربي تحرم تروح

[( مو أي شي )]

ههههههههههههـ

والله تلقون شباب حاضرين المباراة علشان البنات..

وشوف انواع التحذف..

مشكوووووووووور..

[دروب المحبـــــة]

متى المباراة 0000

[الفارس حسن]

المباره مع مين